خطوات للأجُر🌸.))

عندي ليكم كلام كدي كل زول يجيب كرسيهو و يقعد معاي ❤️


الواحد فينا لما يكون أبوهو و أمو موجودين على وجه الدنيا او اي زول قائم بي أمرو و بيثق فيهو ، لما مثلا يكون في موضوع شاغلو او يتذكر حاجه شاغلاهو لما يتذكر الزول ال بيثق فيهو ده بطمن بقول ياخ فلان ده قاعد في حياتي اكيد هسي شغال بظبط لي امورو و اكيد هو سابقني بي خطوه في التفكير و أكيد هو برتب لي في حاجاتي ، و بالدارجي كده
" بتنوم قفا " .. و بتطمن لأنو قائد سفينتك إنت واثق فيهو جدا ..


و لله المثل الأعلى ، ليه نحن ما بنتعامل مع ربنا بي نفس الاطمئنان اللي بنتعامل بيهو مع البشر اللي نحن نحن واثقين فيهم ، ربنا أعلم بمفاتيح الأرزاق و أعلم بالغيب و أعلم بيك إنت من نفسك ، و عندو خزائن لا تنفذ ، و هو أمان الخائفين ، و ملجأ المستجيرين..

و البشر اللي انت واثق فيهو ده قدراتو محدوده ، نظرتو محدوده ، ما يملك ليك من الرزق و الأمان شيء ، فا ليه بتقلق على كل حاجه في الحياه ، و كل حاجه في يده وحده سبحانه .. ؟!

صدقني ربك ما ح يضيعك ، في مثل بقولوهو أهلنا الكبار " الله ما شقالو حنكاً ضيّعو " يعني ربنا ما خلق زول و خلاهو ساااي كده من غير يرتب ليهو امور حياتو ، فااا اطمن مهما عصفت بيك الأيام و مهما جات عليك ظروف قاسيه أحسن الظن بي ربك ، اي نعم ممكن الفرج يتأخر لكن لما يتأخر إتأكد انو الجبر و الفرح و الرزق الجاييك كتتتيييير و كبببييير بس كل شي عندو زمنو ، و كل شي بحصل لحكمه يعلمها وحدو سبحانه و مرات ربنا بي لطفو بينا بفتح لينا عقولنا عشان نبصر جزء من الحكمه دي عشان قلوبنا تهدأ شويه ..


فااا كله لله و من الله ❤️❤️❤️

www.group-telegram.com/es/Sudaniislam.com/19718

1.1K viewsPh, Jun 24 at 21:07

عندي ليكم كلام كدي كل زول يجيب كرسيهو و يقعد معاي ❤️


الواحد فينا لما يكون أبوهو و أمو موجودين على وجه الدنيا او اي زول قائم بي أمرو و بيثق فيهو ، لما مثلا يكون في موضوع شاغلو او يتذكر حاجه شاغلاهو لما يتذكر الزول ال بيثق فيهو ده بطمن بقول ياخ فلان ده قاعد في حياتي اكيد هسي شغال بظبط لي امورو و اكيد هو سابقني بي خطوه في التفكير و أكيد هو برتب لي في حاجاتي ، و بالدارجي كده
" بتنوم قفا " .. و بتطمن لأنو قائد سفينتك إنت واثق فيهو جدا ..


و لله المثل الأعلى ، ليه نحن ما بنتعامل مع ربنا بي نفس الاطمئنان اللي بنتعامل بيهو مع البشر اللي نحن نحن واثقين فيهم ، ربنا أعلم بمفاتيح الأرزاق و أعلم بالغيب و أعلم بيك إنت من نفسك ، و عندو خزائن لا تنفذ ، و هو أمان الخائفين ، و ملجأ المستجيرين..

و البشر اللي انت واثق فيهو ده قدراتو محدوده ، نظرتو محدوده ، ما يملك ليك من الرزق و الأمان شيء ، فا ليه بتقلق على كل حاجه في الحياه ، و كل حاجه في يده وحده سبحانه .. ؟!

صدقني ربك ما ح يضيعك ، في مثل بقولوهو أهلنا الكبار " الله ما شقالو حنكاً ضيّعو " يعني ربنا ما خلق زول و خلاهو ساااي كده من غير يرتب ليهو امور حياتو ، فااا اطمن مهما عصفت بيك الأيام و مهما جات عليك ظروف قاسيه أحسن الظن بي ربك ، اي نعم ممكن الفرج يتأخر لكن لما يتأخر إتأكد انو الجبر و الفرح و الرزق الجاييك كتتتيييير و كبببييير بس كل شي عندو زمنو ، و كل شي بحصل لحكمه يعلمها وحدو سبحانه و مرات ربنا بي لطفو بينا بفتح لينا عقولنا عشان نبصر جزء من الحكمه دي عشان قلوبنا تهدأ شويه ..


فااا كله لله و من الله ❤️❤️❤️

BY خطوات للأجُر🌸.))