Біле ⨁ Сонце

Forwarded from Зянон Пазьняк

"ХАЙ ПОЛЬШЧА СТАНЕ ВАМ ДОМАМ"

У суботу, 9-га студзеня, з нагоды Новага году і Нараджэньня Хрыстовага адбылося традыцыйнае спатканьне Прэзыдэнта Рэспубліка Польшча Анджэя Дуды з прадстаўнікамі беларускіх супольнасьцяў, арганізацыяў і зь вядомымі беларусамі, якія вымушаныя былі зьехаць зь Беларусі, ратуючыся ад перасьледу і рэпрэсіяў антынароднага рэжыму Лукашэнкі.

Трэба асабліва адзначыць цёплую, прыязную атмасфэру таго спатканьня. Прэзыдэнт Дуда адзначыў, што Польшча адкрытая для беларускіх людзей і шчыра хацела б, каб беларусы адчулі тут свой прыхільны ім сяброўскі дом. Ён выказаў надзею і пажаданьне, каб Новы 2025 год стаў годам свабоды для Беларусі.

Гасьцей было дастаткова шмат, і, практычна, да канца гасьціны Прэзыдэнт заставаўся сярод беларусаў, размаўляючы з рознымі людзьмі на розныя тэмы, не вылучаючыся нічым. На прысутных беларусаў, якія прывычныя да натуральных простых адносінаў, гэта зрабіла шчырае і добрае ўражаньне.

А ўвогуле, раздумляючы над беларуска-польскімі дачыненьнямі, фактам зьяўляецца тое, што Польшча, па маіх ацэнках, ёсьць цяпер найбольш дэмакратычнай і найбольш прыязнай для беларусаў краінай у Эўропе. (І што важна -- найбольш нармальнай, бяз крайнасьцяў і сацыяльных вычварэньняў.)

Думаю, што ў гэты цяжкі для Беларусі час мы, беларусы, павінны быць шчыра ўдзячныя палякам, Польскай дзяржаве (і таксама амэрыканцам і ЗША) за прыхільнасьць і спрыяньне ў нашым імкненьні да свабоды, справядлівасьці і дэмакратыі.

Цяпер беларускі народ апынуўся пад акупацыйным прэсам агрэсіўнай Расеі і антынароднага рэжыму Лукашэнкі. Рэжым праводзіць несьціханыя рэпрэсіі супраць беларусаў. Працягваецца агрэсіўная вайна супраць Украіны. Гучаць пагрозы з Масквы супраць Польшчы і ўсяго сьвету.

Сумняваюся, каб гэтыя маскоўскія пагрозы прывялі да рэальнай агрэсіі супраць краінаў Эўразьвязу. Але калі б такія пагрозы сапраўды ператварыліся б у рэальную агрэсію, мы, беларусы, якія цяпер жывем у Польшчы, павінны стаць моцна і збройна ў абарону Польшчы, гэтак жа, як цяпер нашыя дабраахвотнікі змагаюцца супраць расейскага мордэра ва Украіне, разам з украінцамі.

У гэтым разуменьні агульнай абароны перад агульнай небясьпекай ёсьць галоўны ідэёвы сэнс нашай інтэграцыі ў польскае грамадзтва. Не забывайма, што толькі пры нашай актыўнай беларускай пазыцыі можна вярнуць свабоду, нашу незалежную, вольную Беларусь.

13 студзеня 2025 г. Зянон ПАЗЬНЯК

www.group-telegram.com/es/ZUNARM.com/14836

1.3K viewsJan 15 at 19:31

"ХАЙ ПОЛЬШЧА СТАНЕ ВАМ ДОМАМ"

У суботу, 9-га студзеня, з нагоды Новага году і Нараджэньня Хрыстовага адбылося традыцыйнае спатканьне Прэзыдэнта Рэспубліка Польшча Анджэя Дуды з прадстаўнікамі беларускіх супольнасьцяў, арганізацыяў і зь вядомымі беларусамі, якія вымушаныя былі зьехаць зь Беларусі, ратуючыся ад перасьледу і рэпрэсіяў антынароднага рэжыму Лукашэнкі.

Трэба асабліва адзначыць цёплую, прыязную атмасфэру таго спатканьня. Прэзыдэнт Дуда адзначыў, што Польшча адкрытая для беларускіх людзей і шчыра хацела б, каб беларусы адчулі тут свой прыхільны ім сяброўскі дом. Ён выказаў надзею і пажаданьне, каб Новы 2025 год стаў годам свабоды для Беларусі.

Гасьцей было дастаткова шмат, і, практычна, да канца гасьціны Прэзыдэнт заставаўся сярод беларусаў, размаўляючы з рознымі людзьмі на розныя тэмы, не вылучаючыся нічым. На прысутных беларусаў, якія прывычныя да натуральных простых адносінаў, гэта зрабіла шчырае і добрае ўражаньне.

А ўвогуле, раздумляючы над беларуска-польскімі дачыненьнямі, фактам зьяўляецца тое, што Польшча, па маіх ацэнках, ёсьць цяпер найбольш дэмакратычнай і найбольш прыязнай для беларусаў краінай у Эўропе. (І што важна -- найбольш нармальнай, бяз крайнасьцяў і сацыяльных вычварэньняў.)

Думаю, што ў гэты цяжкі для Беларусі час мы, беларусы, павінны быць шчыра ўдзячныя палякам, Польскай дзяржаве (і таксама амэрыканцам і ЗША) за прыхільнасьць і спрыяньне ў нашым імкненьні да свабоды, справядлівасьці і дэмакратыі.

Цяпер беларускі народ апынуўся пад акупацыйным прэсам агрэсіўнай Расеі і антынароднага рэжыму Лукашэнкі. Рэжым праводзіць несьціханыя рэпрэсіі супраць беларусаў. Працягваецца агрэсіўная вайна супраць Украіны. Гучаць пагрозы з Масквы супраць Польшчы і ўсяго сьвету.

Сумняваюся, каб гэтыя маскоўскія пагрозы прывялі да рэальнай агрэсіі супраць краінаў Эўразьвязу. Але калі б такія пагрозы сапраўды ператварыліся б у рэальную агрэсію, мы, беларусы, якія цяпер жывем у Польшчы, павінны стаць моцна і збройна ў абарону Польшчы, гэтак жа, як цяпер нашыя дабраахвотнікі змагаюцца супраць расейскага мордэра ва Украіне, разам з украінцамі.

У гэтым разуменьні агульнай абароны перад агульнай небясьпекай ёсьць галоўны ідэёвы сэнс нашай інтэграцыі ў польскае грамадзтва. Не забывайма, што толькі пры нашай актыўнай беларускай пазыцыі можна вярнуць свабоду, нашу незалежную, вольную Беларусь.

13 студзеня 2025 г. Зянон ПАЗЬНЯК

BY Біле ⨁ Сонце