group-telegram.com/budytel/898
Last Update:
🎼Антон Скиба (*1903 - †11.01.1978) - русинськый дериґент тай педаґоґ.
Родив ся у Шелестові (Кольчино) у родині учителя. Удходив народну школу у свому рідному селови. Учив ся у Мукачовськув учительськув семінарії. Туй ся Скиба заінтересовав музиков тай спюваньом. У 1924 році забрали го у чехословацьку армію. Після армії пушов ся учити в університет у Брнови, но лишив го позад бідности. У 1931 році зачав робити учительом музикы в Мукачові. Туй уже заклав повноцінный хор із студентув тай інтеліґенції. У 1933 році хор дустав назву "Метеор" тай став єдным із ліпшых у Пудкарпатьови, выступав даже за границьов. У час ДСВ хор ся розпав, солістув мобілізовали у мадярську армію. Уже у 1948 році "Метеор" зась успішно выступав. Но Антона Скибу того самого року заяли радянські спецслужбы тай засудили на 25 рокув трудовых таборув за "антирадянщину". У 1955 році Скибу амністовали тай упустили дому, но квартиру му не вернули. Дожив бідным учительом тай умер у 1978 році. У 1992 році реабілітованый.
#тямиме #Скиба
BY Нео-будитель
Share with your friend now:
group-telegram.com/budytel/898