group-telegram.com/dr_bormotucher/782
Last Update:
Әлеге сорауга җавап эзләп карыйк. Беренчедән, татар галимнәре үз дөньяларына йомылып яшәмәгәннәр. Алар гасырлар буе алга киткән мөселман илләре белән багланышта булганнар, чит мәмләкәт галимнәре иҗат иткән хезмәтләр белән танышып торганнар. Идел-Урал мөселманнары өчен XIX гасырның икенче яртысыннан Госманлы дәүләте мәдәни кыйблага әверелә. Акрынлап Русия мөселманнары арасында Төркиядә басылып чыккан китаплар, вакытлы матбугат тарала. 1876 һәм 1889 елларда Истанбулда госманлы дәүләт эшлеклесе һәм тел галиме Әхмәд Вәфикъ пашаның "Ләhҗәи госмани" исемле госманлы төрек теленең аңлатмалы сүзлеге басылып чыга (https://islamansiklopedisi.org.tr/lehce-i-osmani). Зур бер ихтимал белән Каюм Насыйри бу басмадан хәбәрдар булган, һәм зур бер ихтимал белән Әхмәд Вәфикъ пашаның сүзлеге мәшһүр мәгърифәтчебезне үз лөгатен нәшер итәргә этәргән дияргә мөмкин дип уйлыйбыз. Үз хезмәте өчен үрнәк итеп төрек сүзлегенең исемен алуы да гаҗәп түгел. Бу - икенчедән.
(لهجۀ عثمانی > لهجۀ تاتاری)
BY Dr. Bormotucher
Share with your friend now:
group-telegram.com/dr_bormotucher/782