group-telegram.com/mkudkidrverknevilyusk/985
Last Update:
Ытыктабыллаах Үөһээ Бүлүү улууһун олохтоохторо, күндү биир дойдулаахтарбыт!
Бүгүн, олунньу 10 күнүгэр, төрөөбүт дойдубут - Үөһээ Бүлүү улууһа төрүттэммитэ 90 сылын бэлиэтиибит. Бу үөрүүлээх бэлиэ күнүнэн Үөһээ Бүлүү улууһуттан силис-мутук тардар бар дьоммутун "Үөһээ Бүлүү улууһа" муниципальнай оройуон дьаһалтатын аатыттан уонна тус бэйэм ааппыттан итиитик-истиҥник эҕэрдэлиибин!
Төгүрүк 90 сыл устата улууспут элбэх уларыйыылары этэҥҥэ ааһан, Саха Өрөспүүбүлүкэтин биир бастыҥ уонна сырдык кэскиллээх улуустарыттан биирдэстэригэр кубулуйда.
Үөһээ Бүлүү улууһугар - Саха Сиригэр бастыҥ физмат оскуола төрүттэммитэ, дойдубут бастыҥ бэлиитиктэрэ, Аан дойду бастыҥ спортсменнара, Саха норуотун бастыҥ суруйааччылара, бэйиэттэрэ, култуура диэйэтэллэрэ, норуот хаһаайыстыбатын бастыҥ үлэһиттэрэ, наука доктордара төрөөн-ууһаан, кынат анньынан үөскээн тахсыбыттара.
Үөһээ Бүлүү улууһа киһи хапытаалын сайыннарыыга кылааты киллэрэр саха норуотун интеллегенциятын биһигэ буолар диэтэхпитинэ сыыспаппыт.
Салгыы төрөөбүт дойдубут тупсарын, сайдарын, өссө өрө күөрэйэрин туһугар түмсэммит үтүө түмүктэрдээх үлэни ыытарга сыал-сорук туруорабыт.
Биһиги бары киэн туттар, таптыыр дойдубут үйэттэн үйэҕэ өссө үрдүк чыпчаалга тахсан, аата ааттанан, сандаара сырдыы, сайда-тупса турдун!
Үөһээ Бүлүү - түмсүү, күүс, билии, сайдыы.
Улууспут олохтоохторугар баҕарабын чэгиэн-чэбдик доруобуйаны, дьоллоох олоҕу, табыллыыны, ситиһиини, үгүс үөрүүнү.
Дьол уйата, Дьол түөлбэтэ, дьоһун дойдум - Үөһээ Бүлүүм чэчирии-сайда тур!
#ҮөһээБүлүү90
T.me/ValeriNikolaev
BY МКУ "Департамент Культуры и Духовного развития" Верхневилюйского улуса
Share with your friend now:
group-telegram.com/mkudkidrverknevilyusk/985