group-telegram.com/BeloyeChernoye/2075
Last Update:
Пачатак👆
😱Беззаконнікі гавораць пра Асноўны Закон – Канстытуцыю.
Але чамусьці адказныя людзі за выкананне Канстытуцыі выступаюць пад сціплым словам «бярозаўчане». Аўтар апытання не выйшаў ці не выйшла на вуліцу і не спытаў(ла) звычайных людзей пра тое, што такое Канстытуцыя і ці жывуць беларусы па ёй.
Але, відаць, не давяраючы такое адказнае пытанне простым людзям, недажурналіст(ка) пайшла па больш і менш высокіх, па раённых мерках, кабінетах.
Давераныя і правераныя рэжымам асобы талдычаць агульнымі фразамі пра Асноўны Закон - Канстытуцыю РБ, трэба дадаць не раз згвалчаную рэжымам самапрагалошанага.
🫵 Для вас,"таварышы", не існуе Канстытуцыі, вы яе, уключаючы старшыню нібы суда Наталлю Вакульчык, нават не чыталі. Бо вы ведаеце, што для вас бог і канстытуцыя – гэта дыктатар Лукашэнка, якога вы да дрыжыкаў баіцеся, але верна яму служыце. Ён добра ведае, чым вас заахвоціць – гэта беспакаранасцю за хлусню перад звычайнымі людзьмі, за беззаконне ў адносінах да іх жа, прыслужваючы ўзурпатару, які вельмі добра аплачвае з народнай кішэні вашу несумленнасць, непрафесіяналізм, некампетэнтнасць, ілжывасць, крывадушша і лакейства.
👨🎓Калі ў 2020-2021 гадах ішоў канвеер судовых працэсаў над грамадзянамі, якія адважыліся захацець рэалізаваць сваё канстытуцыйнае права, кожны з іх спасылаўся на Канстытуцыю, тым самым уводзячы бярозаўскіх «суддзяў» у ступар, глухату, немату, слепату, бо разумелі, што знаходзяцца паміж молатам і накавадлам — рэжымам і Канстытуцыяй. Асноўны Закон гэтым гаворачым галовам замяніла тэлефоннае права. Што вельмі выразна дэманстравалася пад час фальсіфікацый на выбарах пасля 1994 года, да чаго прылажылі руку ўсе пералічаныя пад час так званага апытання асобы.
😡 Размаўляць гэтым людзям пра Канстытуцыю проста блюзнерства (кощуственно).
☝️Ну як тут зноў не ўспомніць словы Івана Златаўста, якія прагучалі нядаўна ад Святланы Чаховiч ў «Маяку»: «Самы страшны час, калі грэх будзе прапаведавацца як дабрадзейнасць».
І гэты час настаў у Беларусі, якую і Бог забыў, і не бароніць Канстытуцыя, якую знявечылі камісары д´ябла.
BY Белое и Черное
Share with your friend now:
group-telegram.com/BeloyeChernoye/2075