group-telegram.com/D07804/172
Last Update:
مستهل ...قصيده شور للطف
...................
زينب انه والخيم حركوها
وين اخوتي النار ما طفوها
حايره واصفك بديه ......أمشي وياهم سبيه
صعبه اختكم بالغرب عفتوها
..............................................
حشمتكم ناشدتكم والضعن سار
وين اروح أمن الجروح وبالخيم نار
ماكو حيل ودنيا ليل نسوه وازغار
انطر وماكو خبركم ......عالنهر طايح علمكم
صعبه اختكم بالغرب عفتوها
...............
من عذابي ون مصابي خويه يحسين
همي موت بلايه صوت اينشف العين
وينه حيدر ريته يحضر يذبح البين
كربلا دار النوايب ......خويه حصدتلي المصايب
صعبه اختكم بالغرب عفتوها
..................
كلبي يعتب جنه يكتب وينه عباس
ياهو يكفل نومه طول صاحب الباس
حان موتج وين اخوتج تنشد الناس
للنهر جيت لكفيلي ......فطر مصابه دليلي
صعبه اختكم بالغرب عفتوها
..................
ضلمه صارت روحي حارت والحمل مال
صوتي طالع عالمسامع يهدم اجبال
ماكو خاطر بس مناحر والدرب طال
انه سموني الغريبه ......كلبي شايل جم مصيبه
صعبه اختكم بالغرب عفتوها
..................
ما عرفني حتى حزني ملني وارتاح
محني ضهري سال دمعي كثره الجراح
بيه حسره بلايه عبره والبصر راح
عيني طاحت وي دموعي .......والهظم عاش بضلوعي
صعبه اختكم بالغرب عفتوها
...................................
الشاعر داود العيساوي
BY الشاعر داود العيساوي
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/D07804/172