group-telegram.com/antikornews/6958
Last Update:
Ағымдағы жылдың 25 желтоқсанында Бас прокуратура жанындағы Құқық қорғау органдары академиясында алғашқы кәсіби даярлық тыңдаушыларының бітіруіне арналған салтанатты іс-шара өтті.
Іс-шараға Академия мен Сыбайлас жемқорлыққа қарсы іс-қимыл агенттігінің басшылығы, оқу орнының оқытушылары, түлектер мен олардың ата-аналары қатысты.
Салтанатты рәсім барысында Сыбайлас жемқорлыққа қарсы іс-қимыл агенттігі Төрағасының орынбасары Дархан Құрақбаев түлектерді оқуын сәтті аяқтауымен құттықтап, профессор-оқытушылар құрамына алғыс білдірді.
Сонымен қатар Дархан Құрақбаев шені бар қызметкерлер мінсіз беделге, жеке абыройға, адал ар-ожданға және әділдікке ие болу керектігін атап өтті. Нағыз офицердің негізгі қасиеті – ерлік пен ар-намыс.
Біздің орган сыбайлас жемқорлыққа қарсы күрестің алғы шебінде тұрғандықтан, бұл қасиеттер аса маңызды. Азаматтардың өмір сүру жағдайын жақсарту – жұмыстағы басты бағдар болуы тиіс.
Төрағаның орынбасары жас мамандардың жоғары тәртіп стандарттарын, офицерлік абырой мен мәдениетті көрсетіп, үлгі болатынына сенім білдірді. Түлектерге әділдік пен құқықтық тәртіпті қорғауға әрқашан дайын нағыз маман әрі шынайы патриот болуды тіледі.
Сондай-ақ, оқу үлгерімі бойынша жоғары нәтижеге қол жеткізген бес үздік түлекке Сыбайлас жемқорлыққа қарсы іс-қимыл агенттігінің Төрағасы атынан алғыс хаттар табыс етілді.
Естеріңізге сала кетейік, Сыбайлас жемқорлыққа қарсы қызмет қатарына түсуге ниет білдірген 380 үміткердің 124-і түсу емтиханына жетті, оның тек 50-і ғана ең жоғары балл жинап, Академияға қабылданды.
#Заң_мен_Тәртіп
#ЗАҢменТӘРТІП
_
❗️Егер Сіз жемқорлық фактілеріне тап болсаңыз, 1424 нөмірі арқылы немесе @antikorkz_bot Telegram-боты шұғыл хабарлаңыз!