group-telegram.com/beliph/814
Last Update:
Схема аператыўных участкаў па высяленні асаднікаў з заходніх абласцей Беларускай ССР.
Схема была распрацаваная НКВД да першай хвалі дэпартацыі, што адбылася з 9 на 10 лютага 1940 года. На ёй бачна, адкуль і як савецкі картны апарат планаваў сцягваць асаднікаў і леснікоў для далейшай адпраўкі цягнікамі ўглыб СССР.
Галоўнымі кропкамі збору рэпрэсаваных былі чыгуначныя станцыі і тагачасныя абласныя цэнтры: Беласток, Брэст-Літоўскі, Пінск, Баранавічы і Вілейка. Да чыгуначных станцый людзей звозілі падводамі з 37 аператыўных раёнаў. У аперацыі планавалася задзейнічаць больш амаль 3500 вагонаў з шырокай і вузкай каляінай.
Як вынікала са справаздачы тагачаснага кіраўніка БССР Панцеляймона Панамарэнкі Сталіну, у акцыі ўдзельнічала больш за 15000 мясцовых актывістаў. "Насельніцтва сустрэла высяленне з вялікім задавальненнем і аказвала аператыўным групам усялякую дапамогу", - пісаў Панамарэнка і падкрэсліваў, што "за выключэннем асобных выпадкаў, асаднікі не аказвалі супраціву і не здзяйснялі спробаў да ўцёкаў".
У рэпрэсаваных саветы канфіскавалі 8 тыс. коней, 20 тыс кароў і 18 тыс дробнай скаціны, 4,5 тыс буйной сельскагаспадарчай тэхнікі, 8 тысяч падводаў, 20 тыс. жылых і гаспадарчых пабудоў і 103 тыс гектараў зямлі.
BY Беларускі інстытут публічнай гісторыі
Share with your friend now:
group-telegram.com/beliph/814