ЩыIэкIакIэм ыкIи лъэпкъ литературэм адэлэжьагъ.

Тхакlоу, драматургэу Цэй Ибрахьим непэ къызыхъугъэ маф.
Къуаджэу Щынджые щылэ мазэм и 11-м, 1890-рэ илъэсым къыщыхъугъ. Илъэси 9 ыныбжь охъуфэ ядэжь исэу, кIэлэегъаджэхэм Iоф дашIэзэ, еджапIэм чIэхьаным ар фагъэхьазырыгъ. 1899-рэ илъэсым Екатеринодар дэтыгъэ Кубанскэ Александровскэ илъэ­сих реальнэ училищым чIахьи, илъэсихэ щеджи, аужырэ классым нэсыгъэу иеджэн ыгъэтIылъын фаеу хъугъэ. Джащыгъум илъэс 16 зыныбжь Иб­ра­хьимэ шъхьэIыгъыжьыкIэ амал лъыхъоу ежь-ежьырэу IофшIэныр ригъэжьагъ. Театрэм билетхэр ыщэу, нотариусым дэжь тхакIоу, пхъэ гъэтIылъыпIэм, зэкIэ зыфагъазэрэр ышIэу римского. Ащ хэтэу илъэс зых-­зыбл кIуагъэ.
Ытхыхэрэр 1912-рэ илъэсым щегъэжьагъэу хиутыхэ хъугъэ.

📝Апэрэ рассказхэу «Гореинтеллигент», «Автомобиль» зыфиIохэрэр Петербург къы­щыдэкIыщтыгъэ гъэзетэу «Мусульманская газета» зыфиIорэм къыхиутыгъэх; рассказхэу «Обездоленные», «В сумерках», «Ржавчина» гъэзетэу «Майкопское эхо» къыригъэхьагъэх.

🔻Цэй Ибрахьимэ кIэлэцIыкIу­хэм апае тхэщтыгъэ. Адыгэ IорIуатэми дэлэжьагъ. адыгэ профессиональнэ сценическэ искусствэм егъэ­жьапIэ фишIыгъ. Краснодар театрэ техникумыр къыщызэ­Iу­хыгъэным иIахь ин хэлъ, ащ идиректорыгъ, IэпэIэсэныгъэмкIэ щыригъаджэщтыгъэх. Ежь ипьесэхэу ытхыгъэхэр аригъэгъэуцущтыгъэх, ышъхьэкIи режиссерэу, актерэу ахэлажьэщтыгъ.

📎1936-рэ илъэсым Iоныгъом и 7-м Ибрахьимэ идунай ыхъо­жьыгъ, илъэс 46-рэ къыгъэшIагъэр. Ау тхакIом, драматургым, фольклористым ыкIи общественнэ IофышIэшхуагъэм ищыIэныгъэ, итворчествэ Адыгеим ит гурыт еджапIэхэм, сэнэхьат зэгъэгъотыпIэ колледжхэм ыкIи АКъУ-м ифакультетхэм ащыщ­хэм ащызэрагъашIэ. АР-м и Лъэпкъ театрэтащ ыуlэ ехьы.