group-telegram.com/hussein_hider/397
Last Update:
الله يساعدك ياگلبي عالنوح
حبيبك شفته تحت الخيل بي روح
اعله موته مالحگ
گبل ذبحه انسحگ
الله يساعدك ياگلبي عالنوح
............................
انه زينب يگلبي واسمع اللچمات
ابالي الطف بقه ومن بالي مايطلع
ياگلبي الجره ميحمله ياهو الچان
لاعين التشوف ولااذن تسمع
منو يگدر يشوف ابن امه فوگ الگاع
والخيل اعله صدره وجسمه يتوزع
بسيوف برماح بخنجر بسچين
بكلشي چان ابوالسجاد يتگطع
عالخيال اصيح وبيه حرگه
دخله ينذبح والنوب اسحگه
على الغبره شهگ
گبل ذبحه انسحگ
الله يساعدك ياگلبي عالنوح
............................
من گبل الذبح سحگوا بصدر حسين
نفس يصعد وينزل حافر بصدره
اعله جسمه الخيل تسحگ مودرب دربين
ظلت روحه رده اتدوسه وتعبره
يحرّك بيده من كثر الالم وايلوج
كل حافر يخلي بالصدر حفره
العظم من ينكسر ينكسر گلب الخيل
واتدنگ عليه واتبوسه من نحره
بذن زينب يرتل صوت العظام
وجثته امن السحگ وصلت للخيام
امن التراب اختنگ
گبل ذبحه انسحگ
الله يساعدك ياگلبي عالنوح
............................
الخيل اول بدايه مارضت عالدوس
تبعد عنه كلساع ويردوها
تدري المنطرح فوگ الثره معصوم
بخجل تركع وتسجد يمه شافوها
صوت امن المعسكر بالعساكر صاح
يالعسكر عيون الخيل شدوها
حتى ماتشوفه من تدوس اعليه
خلوها تهووس فوگه خلوها
وبكل كتر منه خلت اصواب
انخبط لحم ابواليمه ويه التراب
اويه التراب انطبگ
گبل ذبحه انسحگ
الله يساعدك ياگلبي عالنوح
............................
الجسم الف وتسمعيّة جرح مجروح
حگه اللي يگول شلون صابنه
فرد طلعه اطلعت سبعين الف لحسين
والطبره اعله طبره الطعنه عالطعنه
ماظل صوب من حسين مامصيوب
حتى حاجبه بحجاره شگنّه
انخبط ويه الترايب جسم ابوالسجاد
يعني حسين كلشي مابقه منه
يصيح اعليه صوت وبچّه الاكوان
وحگ جدي يزينب آنه عطشان
تره گلبي احترگ
گبل ذبحه انسحگ
الله يساعدك ياگلبي عالنوح
............................
جسم حسين ماظل بنفس سچين
گبال عيون زينب جسمه يتبتر
السمه مطرت بذاك اليوم بس موماي
سهام ونار مطرت فوگ ابوالاكبر
الشمر بيده گلب وجها اعله وجه الگاع
من نور البوجها ايشوف مايگدر
حتى بذبحته ياحسره مامرتاح
من مگفاه صارت گطعة المنحر
من النحر تالي فاضت الروح
الجده يشتكي رايح المذبوح
يجد چبدي انشرگ
گبل ذبحه انسحگ
الله يساعدك ياگلبي عالنوح
............................
الشاعر
حسين حيدر الكربلائي
BY الشاعر حسين حيدر الكربلائي
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/hussein_hider/397