group-telegram.com/indep_uz/3045
Last Update:
‼️ЭЪЛОН
“Илм-фан ва инновацион ривожланиш” илмий журнали таҳририяти ҳамда Россия Федерациясининг “Научная электронная библиотека” (“Илмий электрон кутубхона”) компанияси ўртасида ҳамкорлик алоқалари ўрнатилди. Эндиликда журналда нашр этилган мақолалар компания томонидан ташкил этилган eLIBRARY.RU электрон кутубхонаси платформасига ҳам жойлаштирилади.
eLIBRARY.RU – илмий нашрларни ўз ичига қамраб олган, илмий маълумотларни қидириш ва таҳлил қилишга мўлжалланган Россиянинг йирик илмий кутубхонаси ҳисобланади. Кутубхона Россия илмий иқтибослик индекси (РИНЦ) билан интеграциялашган.
РИНЦ олимлар ва ташкилотларнинг нашр фаоллиги кўрсаткичларини баҳолаш мақсадида Россия Федерацияси Таълим ва фан вазирлиги топшириғига асосан яратилган бепул ва омма учун очиқ бўлган илмий иқтибосларнинг библиографик маълумотлар базасидир. Ушбу база россиялик олимларнинг 12 миллиондан ортиқ мақолалари, шунингдек, мамлакатнинг 6000 дан ортиқ журналларидан ушбу мақолаларга иқтибослар тўғрисида маълумотлар тўплайди.
eLIBRARY.RU ва РИНЦ “Научная электронная библиотека” компанияси томонидан ишлаб чиқилган ва йўлга қўйилган.
Facebook | Telegram | Web | Instagram
BY "Innovatsion rivojlanish nashriyot-matbaa uyi"
Share with your friend now:
group-telegram.com/indep_uz/3045