group-telegram.com/prisoners_spring96/4012
Last Update:
📍Прызначана дата апеляцыі па справе палітвязня Мікіты Залатарова
Мікіту затрымалі 11 жніўня 2020 года. Тады яму было 16 гадоў. У лютым 2021 года хлопцу прысудзілі 5 гадоў у выхаваўчай калоніі па крымінальнай справе аб «кактэйлях Молатава». Ён неаднаразова скардзіўся бацьку на катаванні .
У ліпені 2021 года хлопца зноў асудзілі. Яго абвінавацілі ў нападзе на супрацоўніка СІЗА-3 па арт. 364 КК за "наўмысна зрабленую падножку супрацоўніку СІЗА". Пазней палітвязня перавялі на турэмны рэжым.
У ліпені 2024 года ў Жодзіне над хлопцам адбыўся чарговы суд. Мікіту абвінавацілі паводле ч. 2 арт. 411 КК (злоснае непадпарадкаванне адміністрацыі калоніі). Справу разглядала суддзя Анастасія Кука. Прысуд пакуль невядомы.
У Мінскім абасным судзе 15 кастрычніка адбудзецца апеляцыя па справе Мікіты. Рашэнне будзе прымаць судавая калегія пад старшынствам суддзі Алега Лапекі.
💌Месца ўтрымання Мікіты: Следчая турма № 8, 222163, г. Жодзіна, вул. Савецкая, 22А
💻Напісаць анлайн
BY Вясна: Палітвязні Беларусі
Share with your friend now:
group-telegram.com/prisoners_spring96/4012