group-telegram.com/viasna_brest/3916
Last Update:
🕊 Вестачка ад палітзняволенай Алены Гнаук
У канцы ліпеня пружанку Алену перавялі ў зарэчанскую калонію №24 (Зарэчча, Гомельская вобласць). Гэтая калонія вядомая сваімі жорсткімі ўмовамі. Звычайна ў "Зарэчча" адпраўляюць ужо не ў першы раз асуджаных жанчын.
Днямі палітзняволеная выйшла з карантыну ды трапіла ў атрад №1.
«Атрад размешчаны на 3-м паверсе вялікага трохпавярховага будынка-казармы. У атрадзе 93 чалавекі. Людзі тут прасцейшыя, чым у ПК-4 у Гомелі. Там, у ПК-4, шмат тых, хто патрапіў упершыню са сваімі амбіцыямі. І з інтэлектам некалькі вышэй за сярэдні. Вельмі шмат ідуць па наркатычных артыкулах. А гэта людзі далёка не дурныя. І, у асноўным, працуюць заўгасамі...» — пішуць сваякі ў інстаграме Гнаук.
Нагадаем, актывістка асуджана па трох крымінальных справах да 4 гадоў і 6 месяцаў калоніі.
Алена передае ўсім вітанні. Давайце падтрымаем яе:
📮 ПК-24. 247526, вул. Вытворчая, 44, г. п. Зарэчча, Рэчыцкі раён, Гомельская вобласць, атрад №1
Гнаук Алена Пятроўна
BY Вясна | Брэст
Share with your friend now:
group-telegram.com/viasna_brest/3916