group-telegram.com/viasna_brest/4278
Last Update:
Прафілактычны ўлік, прафілактычнае назіранне, прэвентыўны нагляд [ПРАЦЯГ]
А мы патлумачым пэўныя паняцці, якія дапамаюць зразумець, калі могуць (але не мусяць) прымяняць самае значнае абмежаванне, а менавіта "прэвентыўны нагляд":
🔹 цяжкае злачынства — гэта злачынства па такім крымінальным артыкуле, максімальнае пакаранне па якім больш за 6 гадоў (але менш 12 гадоў). То бок не важна, колькі чалавеку па такому артыкулу прысудзілі. Важна, колькі сам артыкул прадуглеждвае. Напрыклад, ч.2 арт.293 (Удзел у масавых беспарадках) — цяжкае "злачынства". Але ч.1 арт.293 (Арганізацыя масавых беспарадкаў) ужо асабліва цяжкае злачынства.
🔹 асабліва цяжкае злачынства — злачынства па крымінальным артыкуле, максімальнае пакаранне па якім больш за 12 гадоў.
🔹 асуджанасць (рус. судимость) дзейнічае, пакуль яна не пагасіцца, ці не будзе знята судом. Пагашэнне асуджанасці адбываецца праз 5 гадоў для цяжкіх артыкулаў, праз 8 гадоў для асабліва цяжкіх артыкулаў.
❔Якія паводле "цяжкасці" папулярныя артыкулы для палітычнага пераследу?
🟢 не адносяцца да цяжкіх ці асабліва цяжкіх артыкулаў:
ч.1 арт.130; ч.1 і ч.2 арт.342; ч.1 і ч.2 арт.367; ч.1 і ч.2 арт.368; арт.369; арт.370; ч.3 арт.361-1; ч.1 арт.361-2; ч.1 арт.361-4;
🟠 адносяцца да цяжкіх артыкулаў:
ч.2 і ч.3 арт.130; ч.2 арт.293; ч.1 арт.361-1; ч.2 арт.361-2; ч.2 арт.361-4
🔴 адносяцца да асабліва цяжкіх артыкулаў:
няма такіх сярод "папулярных палітычных" артыкулаў
Засталіся пытанні? Звяртайцеся па кансультацыі да берасцейскай "Вясны", ці ў ініцыятыву "Вольныя", ці ў іншыя праваабарончыя ініцыатывы.
BY Вясна | Брэст
Share with your friend now:
group-telegram.com/viasna_brest/4278