Հարգելի երևանցիներ, Տիգրան Ավինյանին զեկուցած 3 ամսվա աշխատանքը նույնիսկ երկու տարում չկարողացան անել, ու տեսնում եք, թե ինչպես են քաղաքապետին
«հույս ունենք» ով են զեկուցում, ու այդպես էլ Երևանը ղեկավարում են՝ անհույս կերպով։

Տիգրան Ավինյան, քեզ զեկուցել էին, որ 5-6 ամսում այգին ամբողջությամբ բարեկարգված կլինի։ 5-6 ամսից արդեն մի քանի 5-6 ամիս անցել է, բայց այգին դեռ բարեկարգված չէ։ Եվ այս ամենը հաստատում է միայն մեկ բան՝ որ դու փուչիկ քաղաքապետ ես, որ թաղապետը քեզ ինչպես ուզի՝ այնպես էլ զեկուցում է։

❗️Դավիթ Անհախթ այգու շարունակությունը վաղը կհրապարակեմ։

Դավիթ Անհաղթ այգին դարձել է Աջափնյակի մետրոպոլիտենը, ընտրություններից ընտրություն են «կառուցում» 🤦‍♂️

Հենց այսպես են ժողովրդին սուտ խոստումներով նախընտրական կուտ տալիս, որպեսզի թալանի աթոռին գամված մնան։

❗️Որևէ մեկը չի կարող ասել, որ ես մանիպուլացնում եմ կամ սխալ եմ ներկայացնում։ Ամեն ինչ ներկայացված է հստակ փաստերով՝ ըստ զեկույցների։ Փաստերը անհերքելի են։

#սուտ_խոսաններ

300.000 դոլարով նշանակված «թաղապետը» աշխատում է ոչ թե ժողովրդի, այլ իր «ներդրումը» և մի բան էլ ավել հետ բերելու համար։

ՔՊ-ական Ռազմիկ Մկրտչյանին երկու ամսով կալանավորում են՝ ՔՊ-ական Տիգրան Մակարյանին ծեծելու համար։
Իսկ երբ տասը հոգով հարձակվեցին ինձ վրա՝ բացահայտ քաղաքական դրդապատճառներով, իրավապահ համակարգը նրանց ձերբակալելու փոխարեն ինձ ձերբակալեց։

❗️Այս երկրում ոչ թե օրենքով է ղեկավարվում, այլ՝ կուսակցական պատկանելությամբ։

Սա երկակի ստանդարտների վառ դրսևորում է։ Եվ այսքանից հետո դեռ համարձակվում են խոսել ժողովրդավարության ու եվրոպամետ արժեքների մասին։
❗️Ծիծաղելի կլիներ, եթե այդքան ողբերգական չլիներ։

Հարգելի լրատվամիջոցներ,
վաղը՝ ժամը 10։30-ին, Երևանի քաղաքապետարանի գլխավոր մուտքի մոտ հանձնելու եմ Երևանի քաղաքապետարանին՝ հենց իրենց իսկ կոռուպցիան։

❗️Բոլորիդ հրավիրում եմ լուսաբանելու կոռուպցիայի "հանձնում-ընդունումը"։

❗️Փաստաթղթային կեղծիքով՝ Երևանի քաղաքապետարանը իմ միջոցներով սարքած տանիքի համար գումար է դուրս գրել։

#Կոռուպցիա

Ի պատասխան ֆեյսբուքյան օգտատեր Հայկ Կոստանյանի այսօրվա հայտարարությանը, որը վերաբերում էր իմ կոռուպցիայի բացահայտմանը։

Հայկ Կոստանյանը իր հայտարարության մեջ նշել և կցել է իմ 23.02.2023թ դիմումը, որով ես դիմել էի շքամուտքի վերանորոգման նպատակով։ Նա նշել է, թե իբր «սխալմամբ է ներառվել շենքերի տանիքների երկաթյա թիթեղների տրամադրման ցանկում»։

❗️Փաստացի՝ ինչպես միշտ, կոռուպցիան ներկայացնում են որպես «սխալմունք»։

❗️Սակայն ես ունեմ հիմնավոր փաստեր, որոնք ապացուցում են, որ ցուցակը միտումնավոր է կազմվել՝ հետագայում գումար դուրս գրելու նպատակով։
✅️ Այսինքն՝ որևէ «սխալմունք» իրականում չի եղել։

Ուրեմն սկսենք սկզբից։

Այո, ես 23.02.2023թ դիմում եմ ներկայացրել շքամուտքի վերանորոգման համար, երբ նախօրոք տեղեկացել էի, որ վարչական շրջանը իրականացնում է նման ծրագիր։ Շքամուտքի վերանորոգման դիմումիցս առաջ՝ նախկին Նոր Նորք վարչական շրջանի մի պաշտոնյայից խնդրել էի, որ ինձ տրամադրեն 2023թ վերանորոգման ենթակա շքամուտքների հասցեական ցուցակը, որը ինձ տրամադրվել էր 22.02.2023թ, որից հետո նոր 23.02.2023թ դիմում էի ներկայացրել շքամուտքի վերանորոգման համար։

Ցանկը ստուգելիս պարզվեց, որ այդ ցուցակում առկա էին շքամուտքեր, որոնք արդեն վերանորոգված էին, ինչպես նաև հասցե, որը գոյություն չունի։ Այդ ամենի մասին ես անմիջապես տեղեկացրել եմ վարչական շրջանի մի պաշտոնյայի և հայտնել, որ հետևողական եմ լինելու այդ գործընթացին։ Արդյունքում՝ արդեն իսկ վերանորոգված շքամուտքների կոռուպցիոն սխեման կանխել էի։😎

‼️Այսինքն՝ պարզից էլ պարզ է, որ նույն ժամանակահատվածում կազմվել են կեղծ ցուցակներ՝ արդեն իսկ վերանորոգված շքամուտքերի և վերանորոգված տանիքների համար, հետագայում գումար դուրս գրելու նպատակով։
Այսպիսի բազմակի «սխալմունքների» զուգադիպություն չի կարող լինել, դա հենց կոռուպցիայի մասին է վկայում։

✅️Հերթական անգամ հիմնավոր փաստերով հիմնավորեցի, որ ես ճիշտ էի, չնայած նրան, որ ֆեյսբուքյան օգտատեր Հայկ Կոստանյանը չէ՛ր էլ պնդում, թե ես սխալ եմ եղել, այլ պարզապես հերթական անգամ երկար տեքստ գրելով փորձել է մանիպուլացնել հանրությանը։

😒Ի դեպ, վերոնշյալ կոռուպցիոն բացահայտման տեսանյութը կարող եք դիտել հետևյալ հղումով՝👇
https://www.facebook.com/share/v/1UzCsxBjjc/

Հրապարակմանը կից ներկայացնում եմ վերոնշյալ վերանորոգված և հասցե չունեցող շքամուտքների՝ ինձ տրամադրված ցուցակը։

❗️367 միլիոն դրամ է վճարվել նոր «բարեկարգված», սակայն արդեն քանդվող Հաղթանակի 40-ամյակի այգու «բարեկարգման» աշխատանքների համար։

‼️Ամբողջական տեսանյութը կհրապարակեմ վաղը։

Հաղթանակի 40-ամյակի այգու այս «բարեկարգման» աշխատանքների ընդհանուր արժեքը, ըստ պայմանագրի, կազմում է 339 միլիոն դրամ։ Սակայն Երևանի քաղաքապետարանը այս անորակ աշխատանքներն իրականացրած «Երվադա» ընկերությանը վճարել է 367 միլիոն դրամ, այսինքն՝ նախատեսված գումարից 28 միլիոն դրամով ավելի։

Այսինքն՝ այս անորակ աշխատանքների համար ոչ միայն ամբողջ նախատեսված գումարը վճարել են, այլև մի բան էլ ավել։

❗️2023 թվականին, երբ այգու «բարեկարգման» աշխատանքներն էին իրականացնում, ես հանրայնացրել էի, որ դրանք կատարվում են անորակ։ Եվ խնդրեմ՝💁 երկու տարի անց իմ խոսքերը հաստատվեցին։

ℹ️ 2023 թվականի անորակ «բարեկարգման» աշխատանքների վերաբերյալ իմ հրապարակած տեսանյութը կարող եք դիտել այս հղումով՝ 👇
🔗https://www.facebook.com/Art.Chakhoyan/videos/975166883704057/

Օրվա կուրսով մանդատի վաճառական Արամ Սարգսյանի՝ Մասիվի նորանշանակ թաղապետը շարունակում է իրենց կուսակցական կոռուպցիայի սուրբ գործը՝ մասնավորապես առանց բիտում թքել-կպցնելով ասֆալտապատման աշխատանքները։

Փաստաթղթերով քաղաքապետարանը վճարում է բիտումի համար, ինչը նաև վերահաստատեց «ԱՊԱԼԼՈՆ» ընկերության պատասխանատուն, որ իսկապես առանց բիտում ասֆալտ են անում։ Այսինքն՝ պաշտոնյաները միտումնավոր չտեսնելու են տալիս, որ առանց բիտում ասֆալտ են փռում, ու մենակ ես եմ տեսնում, որ առանց բիտում ասֆալտ են անում։
Իսկ երբ ես հանրայնացնում եմ, ասում են՝ «Պուտինն ա մեղավոր» 🤦‍♂️, այն դեպքում, երբ համար մեկ պատասխանատուն հենց իրենք են։

Երկու ամիս առաջ անհերքելի փաստերով տեսանյութ էի հրապարակել, թե ինչպես են «բարեկարգման» անվան տակ 15 միլիոն դրամի համակարգային կոռուպցիա իրականացրել։
🎞 Տեսանյութի հղումը՝ 👇
🔗https://www.facebook.com/Art.Chakhoyan/videos/580283231846115/

Ինչի առթիվ նաև գրությամբ տեղեկացրել էի Նիկոլ Փաշինյանին։ Ի պատասխան՝ գրավոր պատասխան ստացա, թե կոռուպցիա չկա, ամեն ինչ որակով է արվել։
Մի խոսքով՝ կարճ ասած՝ պատասխանել էին՝ «շեֆու նարմալնի»։🤦‍♂️

Բայց ՀՀ դատախազություն դիմելուց հետո տեսանյութում ներկայացված փաստերի հիման վրա հարուցվեց քրեական գործ։

Իսկ երբ փորձեցի գրությամբ պարզել՝ Երևանի քաղաքապետարանը որքան գումար է ամբողջությամբ վճարել այդ կոռուպցիոն «բարեկարգման» աշխատանքների համար, Շին-բարեկարգման վարչության պետ Անդրանիկ Թևոսյանը պատասխանում է՝ «քրեական վարույթ է հարուցվել»։ Այսինքն՝ նույն մարդը, ով նախկինում պատասխանել էր՝ «շեֆու նարմալնի», հիմա ասում է՝ «քրեական վարույթ է հարուցվել»։🤦‍♂️

❗️Այս հրապարակման իմաստը կայանում է նրանում, որ Երևանի քաղաքապետարանի պաշտոնյաները այսուհետ չասեն, թե իբր Չախոյանը չափազանցնում է, մանիպուլացնում է ու գնում է չընդունված աշխատանքներն է ցույց տալիս՝ «հո մենք այդ աշխատանքները չենք ընդունելու»։

Բայց ես հստակ փաստերով ցույց տվեցի, որ նույնիսկ այն դեպքում, երբ պաշտոնյաներին նախապես տեղեկացնում ես կոռուպցիոն «բարեկարգման» աշխատանքների մասին, և այդ ամենը նաև գրավոր դիմումներով ես ամրագրում, միևնույն է՝ այդ կոռուպցիոն «բարեկարգման» աշխատանքների համար քաղաքապետարանը վճարում է։
Քանի որ սա ոչ թե անփույթություն է կամ պատահականություն, այլ՝ համակարգային կոռուպցիա։

#Նիկոլ #Կոռուպցիա

Այ սենց՝ հողի վրա, առանց փոշեզրկման ու առանց նորմալ բիտումի, ասֆալտ են փռում, որը կարճ ժամանակ անց քանդվում է, ու պաշտոնյաների ախորժակի չափ «փոսեր» են առաջանում։

Եթե «փնթի կառավարումը» սպորտաձև լիներ, ապա «թաղապետ» Արտակ Հովակիմյանը հաստատ կզբաղեցներ առաջին տեղը։

Հեսա Գագիկ Շամշյանը կգա ու շնչակտուր ռեպորտաժ կնկարահանի՝ գովերգելով «թաղապետին»

❗️Ի դեպ՝ շինարարը ընդունեց, որ աշխատանքները կատարվում են անորակ՝ քաղաքաշինական նորմերի խախտմամբ։