خطوات للأجُر🌸.))

من لحظة بداية قراءتي لسورة البقرة كل يوم وبقيت أحس ما أنها محاوطاني انا وبس لا محاوطة كل البحبهم..

ففي يوم قريتها ونمت حلمت بأن واحد من أولاد خالتي اللي أنا مربياهم على يدي عمل حادث ونزل منو دم كتير وكتير شديد صحيت مخلوعة وجريت عليهم أطمن عليه لقيتهم بخير الحمدلله

الغريبة إنو هو في الحلم بقول لي واصلي انتي البتعالجيني وهو صغير جداً على جملة كبيرة زي دي

حكيت لي أبوي لأنو الحلم كان مخليني متوترة جداً وخايفة عليه أبوي قال لي دا بيعني إنو هو إتخلص من كل حاجة سيئة فيه سواء حسد أو عين أو غيرها والجملة بتعني إنك ما تقيفي من البقرة واصلي إنتي الشفاء ليهُ.

وغيرها كتير من المواقف العرفت إنو لو ما قرايتي للبقرة لكنت ح أكون جاهلة عنها وما فاهماها

أنا حقيقي شخصيتي إتغيرت كتييير بعد قرايتي ليها وحاسة إنو نفسي إتادبت بيها

من التغيرات الواضحة عدم التفكير في المال!
ما عندي أي هم لو بقى ما عندي قروش ولا بقلق خاااالص وبكون عندي يقين إنو حتجيني قروش وحقيقي من بقى عندي توكيل تجاهُ ربنا في المال وبقيت ما بشيل هم تقريبا لي 6 شهور ما إتقطعت قروش خالص حتى لو يبقى فاضل لي فكة لكن قطعة كاملة دي ما حصلت!
لأنو دا أمر مفروغ منو ونحن ساي بنهلك نفسنا فيهُ.

بقيت باردة أعصاب بطريقة ما عادية ومستحيل أجاري إنسان في سوء يا أسكت يا أقول حاجة فيها أدب!

وبقيت بقدر أتخلى عادي وأقفل أي نقاش عادي
بقيت بقدر الزمن بطريقة ما طبيعية وبشوف إنو دايماً انا أولى وعقلي أولى وحاجات كتيرة أولى من الونسة والقطيعة والمشاكل والوقوف!

أنا ما لقيت سحر أقوى من سحر البقرة على القارئ وعلى كل حياتو وعلى أحبابوا
فلو تعملوا مدى تأثيرها عليكم لظللتم تقرؤنها ليلاً ونهاراً

قبل يومين مزاجي كان ما رايق وكنت بتكلم مع أبوي هو حس إنو مزاجي ما رايق فسألني إنتي ما قريتي البقرة صاح!

حاجة بسيطة من غير ما أشرحها قدرت تبين إنو قراءة البقرة تأثيرها واضح جداً على تصرفاتي وكلامي.

ح أفضل طول عمري شايفاها سلاح
سلاحي الخاص
أحارب بيهُ نفسي ، الدنيا ، الناس ، الظروف.

أقروها كل يوم الصباح بعد صلاة الفجر وأدعوا لي.❤️
#إسراء_الخليفة

www.group-telegram.com/hk/Sudaniislam.com/19639

1.0K viewsتنزيل صابر, Jun 10 at 18:46

من لحظة بداية قراءتي لسورة البقرة كل يوم وبقيت أحس ما أنها محاوطاني انا وبس لا محاوطة كل البحبهم..

ففي يوم قريتها ونمت حلمت بأن واحد من أولاد خالتي اللي أنا مربياهم على يدي عمل حادث ونزل منو دم كتير وكتير شديد صحيت مخلوعة وجريت عليهم أطمن عليه لقيتهم بخير الحمدلله

الغريبة إنو هو في الحلم بقول لي واصلي انتي البتعالجيني وهو صغير جداً على جملة كبيرة زي دي

حكيت لي أبوي لأنو الحلم كان مخليني متوترة جداً وخايفة عليه أبوي قال لي دا بيعني إنو هو إتخلص من كل حاجة سيئة فيه سواء حسد أو عين أو غيرها والجملة بتعني إنك ما تقيفي من البقرة واصلي إنتي الشفاء ليهُ.

وغيرها كتير من المواقف العرفت إنو لو ما قرايتي للبقرة لكنت ح أكون جاهلة عنها وما فاهماها

أنا حقيقي شخصيتي إتغيرت كتييير بعد قرايتي ليها وحاسة إنو نفسي إتادبت بيها

من التغيرات الواضحة عدم التفكير في المال!
ما عندي أي هم لو بقى ما عندي قروش ولا بقلق خاااالص وبكون عندي يقين إنو حتجيني قروش وحقيقي من بقى عندي توكيل تجاهُ ربنا في المال وبقيت ما بشيل هم تقريبا لي 6 شهور ما إتقطعت قروش خالص حتى لو يبقى فاضل لي فكة لكن قطعة كاملة دي ما حصلت!
لأنو دا أمر مفروغ منو ونحن ساي بنهلك نفسنا فيهُ.

بقيت باردة أعصاب بطريقة ما عادية ومستحيل أجاري إنسان في سوء يا أسكت يا أقول حاجة فيها أدب!

وبقيت بقدر أتخلى عادي وأقفل أي نقاش عادي
بقيت بقدر الزمن بطريقة ما طبيعية وبشوف إنو دايماً انا أولى وعقلي أولى وحاجات كتيرة أولى من الونسة والقطيعة والمشاكل والوقوف!

أنا ما لقيت سحر أقوى من سحر البقرة على القارئ وعلى كل حياتو وعلى أحبابوا
فلو تعملوا مدى تأثيرها عليكم لظللتم تقرؤنها ليلاً ونهاراً

قبل يومين مزاجي كان ما رايق وكنت بتكلم مع أبوي هو حس إنو مزاجي ما رايق فسألني إنتي ما قريتي البقرة صاح!

حاجة بسيطة من غير ما أشرحها قدرت تبين إنو قراءة البقرة تأثيرها واضح جداً على تصرفاتي وكلامي.

ح أفضل طول عمري شايفاها سلاح
سلاحي الخاص
أحارب بيهُ نفسي ، الدنيا ، الناس ، الظروف.

أقروها كل يوم الصباح بعد صلاة الفجر وأدعوا لي.❤️
#إسراء_الخليفة

BY خطوات للأجُر🌸.))