group-telegram.com/budytel/903
Last Update:
🔔Євгеній Фенцик (*05.10.1844 – †05.12.1903) - русинськый сященик, публіцист, писатель русофільської орієнтації.
Родив ся у селови Мала Мартинка Бережської жупы. Ушколовав ся в Ужгородськув тай Сатмарськув ґімназіях. Дале кунчив Богословськый факультет у Відньови, де контактовав із другыми студентами-словянами. У 1869 році усяченый на сященика, поповав у многых селах: Лютув, Дусині, Порошкові, Великому Ракувци і др. Послідні рокы служив у Горінчові, де і умер у 1903 році.
Євгеній Фенцик знамый ги єден із ключовых русинськых публіцистув послідньої чверти 19 стороча - часу ростучої мадяризації. Уд 1885 року зачав выданя часописа "Листок" (тай "Додаток" ид ньому), котрый быв єдным із немногых русинськых новинок того періода. Фенцик быв членом Общества св. Василія, выдав 5 учебникув про русинські школы, писав прозу тай поезію, пудручні тексты про священикув ("Літурґіка", "Молитвослов"). До кунця живота ся обставав русофілом, хоть быв ідейным наступником першої ґенерації будителюв.
#тямиме #Фенцик
BY Нео-будитель
Share with your friend now:
group-telegram.com/budytel/903