🌿 30 лістапада, у сьвята апостала Андрэя Першапакліканага, грэка-католікі ў Берасьці адзначылі сваё парафіяльнае сьвята ў гонар сваіх сьвятых заступнікаў – братоў-апосталаў Пятра і Андрэя, апекуноў хрысьціянскага Захаду і Ўсходу. Сьвяточную Боскую Літургію ўзначальваў Апостальскі Адміністратар для грэка-католікаў Беларусі Архімандрыт Сяргей (Гаек), казаньне падчас сьвята прамовіў дэкан Заходняга дэканату БГКЦ айцец Андрэй Крот з Горадні. З імі саслужыў таксама а. Віталь Быстроў, а дыяканскае служэньне спаўняў Вячаслаў Гарчакоў з Івацэвічаў.