group-telegram.com/hossword/341
Last Update:
كلام أول مرة أكتبه بهذا الوضوح
احنا مستضعفين
مانقدرش نحرر بلادنا عشان نتكلم في تحرير عْرْة
بتتجاب من بيتك عشان منشور على فيسبوك. لو عملت فيديو قلت فيه الممثلة فلانة شغلها حرام هاتلاقي أشرف زكي بيرفع عليك قضية ويرميك في السجن. النقاب واللحية بيتشتموا في برامج التوك شو. الفضائيات بتجيب ناس من عينة سعد الهلالي وكريمة ينقضوا الدين ويعملوا مهرجان الجنة للجميع وماتقدرش تحاسبهم.
ماتقعدوش بقى يا جماعة تريحوا ضمايركم بشوية الشعارات بتاعت احنا مش رجالة واحنا غثاء السيل.
احفظها يا حبيبي: احنا مستضعفين. مفيش بايدك حاجة غير الدعاء والمقاطعة وأحيانا المساعدات المادية. أنت مستضعف زيك زي بني إسرا**ل في زمن فرعون. أهلك وأصحابك مرميين في المعتقلات ومش عارف تطلعهم.
فممكن تقول لي يا اللي بتزايد هاتحرر عْرْة ازاي؟ ايه الحل عشان مانبقاش غثاء؟ نروح على الحدود فنشتبك مع العساكر ويضربونا بالنار تاني زي ما ضربونا في رابعة ورمسيس والحرس الجمهوري ويطلع مشايخ العار تبرر لهم وتقول علينا صداميين؟
وبعدين هو احنا عارفين نحرر مصر لما نحرر عْرْة؟ انت اتاخدت منك جزيرتين واتاخد منك الغاز وممنوع تدخل أماكن في بلدك بيدخلها الصها** ويصيفوا فيها. ده الشجر بيتقطع ويتصدر لإسرا**ل وماتقدرش تمنع ده.
كفاية جلد لأنفسنا. احنا زينا زي عْرْة وسوريا والسودان. تحت احتلال. نعمل بآية الاستضعاف ومانطبلش للظلمة ونساعد المسلمين قدر استطاعتنا. نتألم ونزعل بس من غير ما نعمل تمثيليات ودراما واحنا مش رجالة. عشرات الألوف في المعتقلات والمنافي ومئات الإعدامات وتقول لنا مش رجالة وغثاء السيل.
ماتجلدوش الناس المعذورة. لو قلت ١٠٠ مرة احنا مش رجالة مفيش حاجة هاتتغير.
والدليل على إنها مزايدات فارغة - إن اللي بيقولها مابيعملش حاجة ومايقدرش يعمل حاجة.
حسام عبد العزيز
#أدمن
BY حسام عبد العزيز
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/hossword/341