group-telegram.com/hussein_hider/395
Last Update:
رَدَدوها بصبرٍ جميل
حسبي الله ونعم الوكيل
من بني سفيان
……………..
سار ومشه ضعن السبي..ولاحول اله ولاقوه
بس العليل ويه النسه..وبالموت يمشي الخطوه
حرگ الخيم هد الحرم..والجيش بيها شسوه
مابيها حيل اعله المشي..يجرون بيهم گوه
والتي تسقطُ لاتقوم
اتعبوهم بذاك الهجوم
ملةُ الطغيان
……………..
طه بذبح بيته وهله..لوهوه الموصيهم
والله لاصار وجره..مثل اللي صار اعليهم
وانچان مطلبهم زلم..النسوان شلهم بيهم
بأي ذنبٍ سُبيت..وليش الحبل بيديهم
مارويتم بتلكَ الدماء
حتى عُدتُم لسبيّ النساء
نسوةُ الرحمن
……………..
بن سعد من صار السبي..مااخذ درب الصحره
ايطب للاسواق وللمدن..والضعن كلها اتنظره
الناس ايتباهون بفخر..نسوة نبيهم اسره
أُمة ابو الزهره بفرح..ومنذبح ابن الزهره
ذبحوهُ عزيزُ الرسول
قطعوهُ حبيبُ البتول
زمرةُ الشيطان
……………..
يفتر ضعن بيت النبي..وماضل بشر ماشافه
والناس مابيها نفر..بالحرم الله يخافه
راس ابو اليمه اعله الرمح..ابن زياد ابد عافه
نزله من رمحه وضرب ..بالخيزرانه شفافه
سيدٌ لشباب الجنان
وعلى فمَهُ الخيزُران
ينكُتُ القران
……………..
والشام بيها اشچم جرح..چم آه من آلامه
راس الحسين اعله الرمح..وجوه الرمح دمامه
والخله زينب تختنگ..وليل السبي متنامه
لسكينه اجت وادم غرب..يردونها خدامه
هذه بِنتُ خيرِ الانام
بنتُ خيرِ الورى والكرام
ابنةُ عدنان
……………..
الشاعر
حسين حيدر الكربلائي
كربلاء المقدسة٢٠٢٣/٨/٧
BY الشاعر حسين حيدر الكربلائي
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/hussein_hider/395