#qaror_loyihasi_muhokamasi

⚡️Qaror loyihasiga 1500 tadan ortiq taklif berilgan. Siz ham taklif qoldirishingiz mumkin!

✅ Normativ-huquqiy hujjatlar loyihalari muhokamasi portali — regulation.adliya.uz da Maktabgacha va maktab taʼlimi vazirligi hamda Oliy taʼlim, fan va innovatsiyalar vazirligining “Xorijiy tillar va umumtaʼlim fanlarini bilish darajasini belgilovchi milliy va xalqaro tan olingan sertifikatlar roʻyxatiga oʻzgartirish va qoʻshimchalar kiritish toʻgʻrisida”gi qarori loyihasi joylashtirilgani haqida xabar bergan edik.

Unga ko'ra quyidagi o'zgarishlar kiritmoqda:

➖Pedagog xodimlarga ustama belgilashda qoʻllaniladigan xorijiy tillarni bilish darajasini belgilovchi sertifikatlar roʻyxati yangilanmoqda

➖Kimyo va Biologiya fani ustozlariga A-Level sertifikati uchun ustama to‘lash rejalashtirilmoqda

➖Informatika o‘qituvchilariga IC3 Digital Literacy Certification xalqaro sertifikati uchun ustama berish rejalashtirilmoqda

➖Chet tili fani o‘qituchilarini ishga qabul qilish va ustama to‘lash bo‘yicha xalqaro sertifikatlarga o‘zgartirish rejalashtirilmoqda

👉 Qaror loyihasi muhokamasida ishtirok eting hamda oʻz fikrlaringizni bildiring.

📍 Muhokama jarayonlari shu yilning 3-iyuliga qadar davom etadi.

📩 Qoʻshimcha savollarni Telegram botimiz (@uztdibot)ga yuborishingiz mumkin.

✅Ta’lim nazorati rasmiy kanali

‼️ Abituriyentlar diqqatiga! Ro‘yxatdan o‘tish yakunlanishiga sanoqli soatlar qoldi

Hurmatli abituriyentlar!

📆 2025-yil 25-iyun (bugun) — oliy ta’lim muassasalarining bakalavriatiga abituriyentlarni ro‘yxatga olishning so‘nggi kuni.

📱 Bugun soat 23:59 ga qadar onlayn ro‘yxatdan o‘tishingiz yoki ma’lumotlaringizni o‘zgartirishingiz mumkin (to‘lov qilingan bo‘lsa ham). Lekin undan so‘ng ma’lumotlaringizni o‘zgartira olmaysiz.

✅ Shu sababli:

➖ ro‘yxatdan o‘tish uchun qabulning so‘nggi soatlarini kutmang, imkon boricha ertaroq ro‘yxatdan o‘ting;

➖ ro‘yxatdan o‘tishda fanlar majmuasi (ketma-ketligini), ta’lim tili va test topshirish hududini tanlashda e’tiborli bo‘ling;

➖ xalqaro sertifikatingiz bo‘lsa, hoziroq tizimga yuklang (xalqaro sertifikatlar bo‘limiga);

➖ test sinovi uchun to‘lovni o‘z vaqtida amalga oshiring (test sinovi uchun to‘lovdan ozod qilinganlar bundan mustasno);

➖ ma’lumotlaringizni va to‘lov amalga oshirilganini shaxsiy kabinetingiz (qayd varaqasi) orqali tekshirib oling.

🌎 Ro‘yxatdan o‘tish uchun sayt manzili: my.uzbmb.uz

✔ @mandat_javobbot orqali qaysi oliygohda qanday yo‘nalishlar borligi va har birining o‘tish ballari bilan tanishish mumkin.

✅@sinovtestuz_bot orqali abituriyentlar uchun maxsus diagnostik testlarni ishlab, o'z bilimingizni bepulga sinovdan o'tkazishingiz mumkin!

📩 Qoʻshimcha savollarni Telegram botimiz (✅@uztdibot)ga yuborishingiz mumkin.

✅Ta’lim nazorati rasmiy kanali

#Tayinlov

Davlatimiz rahbarining tegishli qarori bilan:

Shakirova Sevara Baxodirovna — Maktabgacha va maktab taʻlimi vazirligi tizimidagi Ixtisoslashtirilgan ta'lim muassasalari agentligi direktori lavozimiga tayinlandi.

U bunga qadar Ixtisoslashtirilgan taʼlim muassasalari agentligi direktori o'rinbosari vazifasida ishlab kelayotgan edi.

Uzoq yillar turli taʼlim maskanlarida mehnat qilib kelgan Sevara Shakirova 2012-2019-yillarda Filologiya fanlariga ixtisoslashtirilgan Davlat umumta'lim maktabida o‘qituvchi, 2019-2022-yillarda Muhammad al Xorazmiy nomidagi ixtisoslashtirilgan maktabda direktor o‘rinbosari, 2022-2023-yillarda Toshkent shahridagi Prezident maktabida ijrochi direktor lavozimlarida ishlagan.

2023-2024-yillarda esa Ixtisoslashtirilgan taʼlim muassasalari agentligida boshqarma boshlig‘i vazifasida ish olib borgan.

✅Ta’lim nazorati rasmiy kanali

⚡️APTIS sertifikatlarini magistraturaga va ishga kirishda hamda o‘qituvchilarga ustama belgilashda inobatga olish rejalashtirilmoqda

"Xorijiy tillar va umumtaʼlim fanlarini bilish darajasini belgilovchi milliy va xalqaro tan olingan sertifikatlar roʻyxatiga oʻzgartirish va qoʻshimchalar kiritish toʻgʻrisida"gi qo‘shma qaror loyihasi e'lon qilindi.

Unga ko‘ra, xorijiy tillarni bilish darajasini belgilovchi sertifikatlar ro‘yxatiga Aptis ESOL for Teachers va Aptis ESOL Advanced sertifikatlarini ham kiritish rejalashtirilgan.

Magistratura qabul qilishda inobatga olinadigan ro‘yxatga esa ❌ Test of English as a Foreign Language (TOEFL iTP) o‘rniga✅ Aptis ESOL Advancedni kiritish rejalashtirilgan.

Maktab kollej va litsey o‘qituvchilarini ishga qabul qilish va ustama belgilashda Aptis ESOL for Teachers, oliy tashkilotlari pedagoglariga esa Aptis ESOL for Teachers va Aptis ESOL Advanced inobaatga olinishi mumkin.

Eslatib o‘tamiz, APTIS for teachers sertifikati 2021-yildagi qarorga asosan tan olib kelingan va 2024-yilda qarorga o‘zgatirish kiritilib ro‘yxatdan chiqarib tashlangan edi.

👉 Qaror loyihasi muhokamasida ishtirok eting hamda oʻz fikrlaringizni bildiring.

📍 Muhokama jarayonlari shu yilning 3-iyuliga qadar davom etadi.

📩 Qoʻshimcha savollarni Telegram botimiz (@uztdibot)ga yuborishingiz mumkin.

✅Ta’lim nazorati rasmiy kanali

Prezident Shavkat Mirziyoyevning yoshlar bilan uchrashuvda hududlarning ta'lim sohasi bo‘yicha natijalariga ham to‘xtalib o‘tdi.

Yoshlarning oliygohga kirish ko‘rsatkichi bo‘yicha Surxondaryo bir yil ichida 11-o‘rindan 4-o‘ringa ko‘tarilib, katta sakrash qildi. Jizzax va Sirdaryo ham yaxshi natija ko‘rsatmoqda.

Ikki yil oldin xalqaro fan olimpiadalarida 7 ta hududdan 45 nafar o‘quvchi sovrin olgan bo‘lsa, o‘tgan 6 oyda ularning safiga Jizzax, Andijon, Namangan, Samarqand, Surxondaryo, Xorazm, Toshkent viloyatlari o‘quvchilari ham qo‘shilib, jami 166 ta medal qo‘lga kiritildi.

“Bir million dasturchi” loyihasi doirasida 325 ming yoshlar o‘qitildi. Ayniqsa, Xorazm, Qashqadaryo va Samarqand yoshlari ITdan katta daromad topishni o‘rganib oldi.

Boshqa bir misol: o‘tgan yili 150 mingdan ziyod yoshlarimiz xalqaro til sertifikatlari oldi, bu 2023-yilga nisbatan 2 baravar ko‘p.

Xorijiy tillarni mukammal bilish bo‘yicha Toshkent shahri, Farg‘ona, Namangan, Buxoro va Samarqand yoshlari ancha ilgarilab ketdi.

✅Ta’lim nazorati rasmiy kanali

⚡️Endilikda banklar top-300 talik oliygohga kirgan yoshlarga 20 ming dollargacha imtiyozli taʼlim krediti beradi

Prezident yoshlar bilan uchrashuvda “Taʼlim – kelajak sarmoyasi” degan ezgu gʻoya jamiyatimizda katta harakatga aylanayotganligini ta'kidladi.

Yaqinda “El-yurt umidi” jamgʻarmasi faoliyati takomillashtirildi. Endi top-300 talik oliygohga kirganlar uchun oʻqish va yashash xarajatini qoplash tizimi yangi tartibda ishlay boshlaydi.

Eng avvalo, STEM yoʻnalishlari (ilm-fan, texnologiya, muhandislik va matematika), energetika, transport, urbanizatsiya, arxitektura, qurilish, qishloq va suv xoʻjaligi kabi drayver sohalar uchun kvotalar bir necha karra oshiriladi.

Endilikda banklar top-300 talik oliygohga kirgan yoshlarga 20 ming dollargacha imtiyozli taʼlim krediti beradi.

📩 Qoʻshimcha savollarni Telegram botimiz (@uztdibot)ga yuborishingiz mumkin.

✅Ta’lim nazorati rasmiy kanali

Navoiy viloyatidagi maktabga oʻquvchilari faolligi uchun BYD avtomobili topshirildi

Taʼlimni rivojlantirish respublika ilmiy-metodik markazi, Turin politexnika universiteti hamda Fan olimpiadalari markazi hamkorligida IBRO–2025 olimpiadasi tashkil etildi.

Ushbu olimpiadada eng faol qatnashib, o‘quvchilari yuqori o‘rinlarni qo‘lga kiritgan Navoiy viloyati Karmana tumanidagi 6-umumta'lim maktabi jamoasiga bosh sovrin – BYD Chazor avtomobili topshirildi.

IBRO–2025 g‘oliblar ro‘yxati: https://bit.ly/46ndmz3

✅Ta’lim nazorati rasmiy kanali

#Qabul2025 #Texnikum

⚡️ Bugundan 9-sinf bitiruvchilarini texnikumlarga qabuli boshlandi

🔰 Umumiy o‘rta ta’lim maktablarining 2025-yil 9-sinf bitiruvchilari 515 ta texnikumning birida kunduzgi yoki dual ta’lim shakllari bo‘yicha o‘qish uchun my.edu.uz elektron platformasi orqali 1-iyuldan 20-iyul (shu kuni ham) kuniga qadar onlayn ro‘yxatdan o‘tishlari mumkin.

▪️Platformaga:
🔹 tugʻilganlik haqidagi guvohnoma yoki ID karta maʼlumotlari;
🔹 3x4 hajmidagi fotosurat kiritiladi.

✔️ Maʼlumot oʻrnida, joriy yil 139 245 nafar 9-sinf bitiruvchisi davlat granti asosida o‘qishga qabul qilinadi.
Shundan:
🔹118 595 nafari kunduzgi ta’lim shakliga;
🔹20 650 nafari dual ta’lim shakliga.

📩 Qoʻshimcha savollarni Telegram botimiz (@uztdibot)ga yuborishingiz mumkin.

✅Ta’lim nazorati rasmiy kanali

✅ ISFTda chegirma asosida oʻqish uchun doʻstlaringizni taklif qiling

Bu — kontrakt uchun 57% gacha chegirma ham demakdir.

ISFTga o‘qishga olib kelgan har bir do‘stingiz uchun kontrakt to‘lovidan chegirma taqdim etiladi:
🔘1-do‘st uchun — 7%;
🔘 Keyingi har bir do‘st uchun — 5% dan.

Bularning barchasi maxsus gologrammali stikerlar orqali qayd etib boriladi.

Eslatma: Dastur faqat kontraktning 1/4 qismi to‘langandan so‘ng kuchga kiradi.

Batafsil — videoda!

📄 Litsenziya (№ 441247, 12.10.2021-y.)

🌐 admission.isft.uz | ☎️ +998555061717

Telegram | Instagram | Veb-sayt | Qabul-bot |

Toshkent arxitektura-qurilish universitetida taʼlim tizimi samaradorligi oshiriladi

“Toshkent arxitektura-qurilish universiteti faoliyatida taʼlim tizimi samaradorligini oshirish va ilmiy tadqiqotlarning amaliyot bilan integratsiyasini taʼminlash chora-tadbirlari toʻgʻrisida”gi Prezident qarori (PQ-209-son, 01.07.2025-y.) qabul qilindi.

Qarorga koʻra, 2025/2026 oʻquv yilidan Toshkent arxitektura-qurilish universitetida oʻqitishning dual taʼlim shakli joriy etiladi:

🔸 1-kurs talabalari uchun – taʼlim dasturlarining 60 foizi (nazariy qismlari) auditoriyalarda, 40 foizi (amaliyot qismi) qurilish sanoati korxonalarida;

🔸 2-, 3- va 4-kurs talabalari uchun – taʼlim dasturlarining 40 foizi (nazariy qismlari) auditoriyalarda, 60 foizi (amaliyot qismi) qurilish sanoati korxonalarida.

📝 2025-yil 1-sentyabrdan tajriba-sinov tariqasida “maktab – texnikum (litsey) – universitet” tamoyili asosida kadrlarni tayyorlash yoʻlga qoʻyiladi.

✔️ Bunda Toshkent shahri Yunusobod tumani 250- va 273-sonli umumtaʼlim maktablari Universitetga biriktiriladi va Universitet:

🔸 har oyda 1 marotaba 7–9-sinf oʻquvchilarini ularning qiziqishlari doirasida belgilangan sohalarga oid mavzularni Universitet laboratoriyalarida darsdan tashqari mashgʻulot sifatida oʻqitadi.

2025-yil 1-sentyabrdan “Universitet – laboratoriya – korxona – vazirlik” ekotizimi joriy etiladi.

Ekotizim doirasida har yili talabalar, magistrantlar, ilmiy izlanuvchilar oʻrtasida “Eng yaxshi 20 ta gʻoya” tanlovi eʼlon qilinib, saralab olinadi;

💸 Shuningdek, amaliyotga joriy etilgan ilmiy tadqiqotlar mualliflarini BHMning 35 baravari miqdorida moliyaviy ragʻbatlantiradi.

🔗 2025-yil 1-sentyabrdan davlat oliy taʼlim tashkilotlarining arxitektura va qurilish yoʻnalishidagi barcha laboratoriyalari faoliyati Universitet tomonidan “UniLab” platformasi orqali muvofiqlashtirib boriladi.

✅Ta’lim nazorati rasmiy kanali