فقدت الضحكة
‏اللي في رحابتها دفى ملفاي
‏ولا عقب الدفى
‏بلقى قلوبٍ تستحق حرفي
‏بكيتك
‏لين ما قاعي نبت عشبه تحت ماطاي
‏وعرفت إني
‏محال انسى ليالي طالت بخوفي
‏والله إني فاقدٍ في وجهتك مسعاي
‏وعلى وين اتجه
‏لا صار عمري واقفٍ خلفي ؟

‏ترى عزيز النفس لامن عاف عاف بلا كلام
‏والله لو إنه وطن . . . ما عاد له حب وولا

‏ما ينتهي " كثر الغلا " إلا " بقلّ الإهتمام "
‏وإن جيتني بعدين مالك لا حضور ولا غلا

" ذكرتك وانا مابين سجة .. و راحة بال
‏وانا الشوق لو يلوي يديني فأنا البادي "

‏ياوجودي لا أسفر الصبح و أوحيت الاذان
‏جاء عيوني عن حلا النوم شي لدّها
‏وجد من كِسْرت يدينه وطاح من الحصان
‏ولا لقى حاجه تخبّي يجي في سدّها ..

ياكل اعيادي وسنيني والعُمر

حلوه سنيني فيك .. يا عيد روحي

" يابعد عمرٍ مخاسيره معك عندي غنيمه "

يستر الله علي من طاري مثل ظلي
‏مايخلّى، وأنا التعبانة المستريحه
‏والله إني عزيزة نفس وإن التغلي
‏يمنع دمع العين دمعٍ ما أتراخص مطيحه

‏أبكي لأنك كنت نازل بصدري
‏وشلون تنزل في مكان و تضرّه؟

‏ليت النهايه كانت شوي بدري
‏يمكن قدرت أسامحك و أتشّره

‏عمومًا أدري معك كم طاح قدري
‏وإنك بترجع عقب غيبه و جرّه

‏وبتدور من بين النساء لين تدري ..
‏" إنك خسرت أندر نساء المجرّة " ‏

كلهم شافوك واحد بس انا شفتك وطن
‏والله انك في عيوني كل كوني و الحياة

‏لو يشوفونك بعيني شافوا ان مالك ثمن
‏يا غناة اللي يدور من فقر عمره غناة

‏انت ضحكات الأماني وانت لذات الشجن
‏وانت دعوة والديني من بعد فرض الصلاة ♥️

" كشفنا ضحكة أول حلمنا "

أنا أشوفك بعين قلبي
أشوفك عمر وسنينٍ
‏على الكيف وعلى المشهاة
وأشوفك في عيون أعداي حلمٍ مايطولونه

اختَرتك مِن الناس لِلقلب خلَّى
‏ياحيثك مرادي وكيفي وذوقي ..

ان كنت تجهلّني فـ أخذ مني التعريف
‏ أنا درب ما تقدر بوجهين تسلكني

‏أنا أكبر من التلميع و البهّرجه و الزيف
‏لا غبْت أنفقد وإن جيت ربي مجملّني

تورث الغلطه نضوج و تصنع العثرات صامل
‏و تنجب النكبات صبر و تخلق الاحداث حكمه

‏والظروف تعلم الانسان أبجديات التعامل
‏و الحياة تدور دورتها و تعطي الكل قسمه

‏مشها لا خابت الهقوه ولا تعرض وجامل
‏يمكن النقمه بساعه تنقلب وتصير نعمه

يالفاتنه اللي ما يضاهيها مساء ولا صباح
‏الصبح يتنفّس هواها و المسا يزهى بها
‏ㅤ
‏تسيّد حضورك شعور القلب يا سيد الملاح
‏ولا فيه نبضة قلب رمشك ما يثير إعجابها
‏ㅤ
‏يا ملح نجد وزين نجد من الرياض اليا رماح
‏شعرك لياليها . . و طغيانك غرور إعرابها