group-telegram.com/civilnetv/8168
Last Update:
Հայաստանի նախկին փոխվարչապետ Վաչե Գաբրիելյանի կարծիքով՝ հայ-ամերիկյան ռազմավարական գործընկերության կանոնադրության փաստաթղթից ակնկալիքները պետք է հավասարակշռել:
«Այս պահին տնտեսական տեսակետից դեռ էական փոփոխություններ այդ փաստաթղթից չեմ ակնկալում»,- նշում է Գաբրիելյանը: Նրա գնահատմամբ՝ էներգետիկ ոլորտում համագործակցության հնարավորությունները սահմանափակ են: Հայաստանը չի կարող ձեռք բերել ավելի էժան էներգակիրներ, քան ներկայում ստանում է Ռուսաստանից:
Նա նշում է, որ երկարաժամկետ հեռանկարում հնարավոր է՝ Հայաստանում ամերիկյան կամ արևմտյան տեխնելոգիաներով փոքրամասշտաբ մոդուլային ատոմակայանների կառուցում, սակայն այս տեխնոլոգիան դեռ փորձարկման փուլում է նույնիսկ ԱՄՆ-ում: Բացի այդ, ատոմակայանի վառելիքի մատակարարման հարցը, ըստ Գաբրիելյանի, մնում է բաց, քանի որ ԱՄՆ-ն ինքն է ուրան գնում Ռուսաստանից:
ԱՄՆ-ի հետ առևտրային հարաբերությունների զարգացման տեսանկյունից ևս կան խոչընդոտներ: Գաբրիելյանը հարց է բարձրացնում, թե որոնք են այն ապրանքատեսակները, որ Հայաստանը կարող է մրցունակ կերպով առաջարկել ամերիկյան շուկայում: Հաշվի առնելով Հայաստանի անդամակցությունը ԵԱՏՄ-ին՝ նա անհավանական է համարում, որ այդ միության մեկ անդամ երկիր, տվյալ դեպքում Հայաստանը ստանա էականորեն տարբերվող արտոնություններ ամերիկայն շուկային հասանելիության տեսանկյունից:
«Փաստաթուղթն այդ ուղղությամբ ավելի սերտ աշխատելու մտադրությունների մասին է: Դա ընդամենը նշանակում է, որ հարցերը քննարկելու և դրանց պարբերաբար անդրադառնալու լուրջ մտադրություններ կան»,- բացատրում է Գաբրիելյանը:
Նրա կարծիքով՝ համաձայնագրի հիմնական շեշտադրումը կլինի անվտանգության ոլորտում, քան տնտեսականում: Թեև տնտեսական համագործակցության զարգացումը չի բացառվում, անմիջական տնտեսական արդյունքներ առայժմ չեն կանխատեսվում:
https://bit.ly/40UEtyp
BY CIVILNET
Share with your friend now:
group-telegram.com/civilnetv/8168