group-telegram.com/prisoners_spring96/3441
Last Update:
📍Былога палітвязня, якога судзілі за надпіс на слупе «Света, я вас кахаю», перазатрымалі пасля вызвалення і зноў будуць судзіць
Аляксандра Плескацэвіча ў снежні 2021 года асудзілі да 2 гадоў "хіміі" паводле арт. 339 КК ("Хуліганства") за тое, што пакінуў надпісы і расфарбоўваў белай і чырвонай фарбамі хаты, слупы і будынкі ў сваёй вёсцы. Адзін з надпісаў — «Света, я вас кахаю». Свой тэрмін Аляксандр адбываў у магілёўскай ПУАТ-43, адкуль выйшаў у лютым 2023 года.
Пасля вызвалення мужчыну затрымалі па адміністрацыйнай справе. Яго асудзілі на 10 сутак за тое, што ён "у нявызначаны час з 16 па 27 лютага нанёс на 7 вокнаў і вугал фасада дома бела-чырвона-белую сімволіку".
Цяпер стала вядома, што мужчына затрыманы ўжо ў межах новай крымінальнай справы. Яго абвінавачваюць у "рэабілітацыі нацызму" (ч. 1 арт. 130-1 КК) і "хуліганстве" (ч.2 арт. 339 КК). Справу будуць разглядаць у Брэсцкім абласным судзе 28 лістапада. Суддзём прызначаны Андрэй Сіз.
BY Вясна: Палітвязні Беларусі
Share with your friend now:
group-telegram.com/prisoners_spring96/3441