Æрыдоны 4 скъолайы ацыд хъомыладон сахат ирон традицитӕ ӕмӕ æгъдӕутты тыххӕй ,,Мӕ гыццыл Иры æгъдау”. Бацæттӕ йӕ кодта ирон ӕвзаг ӕмӕ литературӕйы ахуыргӕнӕг Хубаты Гюльнарӕ.

Сывӕллӕттӕ райхӕлдтой нӕ фыдӕлтӕ куыд цардысты ӕмӕ куыд цӕрынц нырыккон дуджы, куыд бирæвæрсыг ӕмӕ вазыгджын у ӕгъдау.
Цы арф хъуыды æмбæхст ис ацы хуымӕтӕг дзырды.
Скъоладзаутӕ радзырдтой хистӕрӕн кад кæнын куыд хъӕуы, кӕрӕдзийы нымайын ӕмӕ кӕрӕдзийæн аргъ кӕнын.

Куыд цымыдисаг сты нӕ бӕрӕгбӕттӕ, куыд баст сты ирон aдæмы цардимæ.
Скъоладзаутæ сӕхи хъарутӕй сарæзтой ,,Ирон куывдтыты" чингуытӕ. Зӕрдиагӕй сӕ балæвар кодтой нӕ уазджытӕн Хъесаты Сталбегӕн ӕмӕ Калоты Эммӕйӕн.

Хъомыладон сахат бацæттæ канынмæ фæкастысты ныййарджытæ, скъолайы сæргълæууæг Лазарты Ларисæ, ирон авзаг ӕмӕ литературæйы ахуыргӕнӕг Агъуызарты Дианӕ.

Æппæтдунеон æхсæнадон змæлд «Иры Стыр Ныхасы» АРФÆ ракодтой:

ГӔБӔРАТЫ ӔХСАРӔН - нырыккон Ай Ти - технологиты фæрцы стыр ӕвӕрӕн кӕй хӕссы мобилон бастдзинады мидӕг йæ цымыдисаг ӕ ф т у а н æ й фæсивæд æмæ рæзгæ фæлтæры алывæрсыг рæзынадмæ, сæ монон-удварнон хъомыладмӕ, мадæлон æвзаг æмæ литературӕйы рæзт æмæ зындгонддзинадмӕ
(æфтуан «Базон-базон»)

КУДЗАТЫ АСЛАНӔН -  нырыккон Ай Ти - технологиты фæрцы активонæй егъау ӕвӕрӕн кӕй хӕссы национ чиныджы ивынад «цифрӕмӕ», уымæй стыр пайдайæн фæсивæд æмæ рæзгæ фæлтæры ӕргом раздахынæн мадæлон æвзаг æмæ литературæмæ. Сæ монон-удварнон хъомыладмæ æмæ национ хиæмбарынадмæ («Ирон чиныджы оцифровкæ»)

ХАДЫХЪАТЫ АЛАНӔН -  нырыккон Ай Ти - технологиты фæрцы йæ архайдæй стыр ӕвӕрӕн кӕй хӕссы  сабиты рæзтмæ зонадон æмæ техникон къабæзты, мадæлон æвзагыл аив æмæ ирд ирон мультипликацимæ, фæсивæд æмæ рæзгæ фæлтæры монон-удварнон хъомыладмӕ æмæ мадæлон æвзаджы зындгонддзинадмæ 
(«Нарты кадджытæ», ирон мультипликаци)

ХОРАНТИ АЛИХАНӔН - нырыккон Ай Ти - технологиты фæрцы стыр ӕвӕрӕн кӕй хӕссы мобилон бастдзинады мидӕг йæ цымыдисаг ӕ ф т у а н æ й хæрз чысыл сабиты, фæсивæд æмæ рæзгæ фæлтæры монон-удварнон хъомыладмӕ, сæ мадæлон æвзаг зонынмæ, йæ рæзт æмæ зындгонддзинадмӕ
(æфтуан «Авдæн»)


БУДАЙТИ МУРАТӔН - нырыккон Ай Т - технологиты фæрцы стыр ӕвӕрӕн кӕй хӕссы мобилон бастдзинады мидӕг йæ цымыдисаг ӕ ф т у а н æ й фæсивæд æмæ рæзгæ фæлтæры монон-удварнон хъомыладмӕ, мадæлон æвзаджы рæзт, дзырды фарн æмæ зындгонддзинадмӕ (дзырдуат «Digor»)
      
ДЗАНТИАТЫ МИХАИЛӔН - нырыккон Ай Ти - технологиты фæрцы стыр ӕвӕрӕн кӕй хӕссы йæ цымыдисаг мобилон бастдзинады ӕ ф т у а н æ й фæсивæд æмæ рæзгæ фæлтæры монон-удварнон хъомыладмӕ, мадæлон æвзаджы зындгонддзинадмæ  æмæ нæ адæмон бæрæгбоны мидис хуыздæр, арфдæр базонынмæ («Ирон къæлиндар»)