group-telegram.com/viasna_brest/3918
Last Update:
🤝 Дапамога былому палітзняволенаму «рэйкаваму партызану» Сілюку Максіму
Максім — жыхар Берасця. Быў затрыманы 28 лістапада 2020 года па справе аб блакаванні чыгуначных пуцей і развешванні пудзілаў у горадзе. Яму былі прад'яўлены абвінавачанні па ч.2 арт.339 КК (размаляваў пратэстнымі надпісамі Табакерку) і па арт. 309 КК (пастаяў побач, пакуль іншы закараціў рэйкі, ды й на судзе чыгуначнікі самі казалі, што нічога страшнага ад гэтага не магло здарыцца). Падрабязней тут.
18 траўня 2021 Максім быў асуджаны судом Ленінскага раёна Берасця на 2 гады і 6 месяцаў зняволення. Адбываў пакаранне ў ПК-17. Максім цалкам адбыў тэрмін і 1 лютага 2023 выйшаў на волю.
«У Польшчы я жыву 2 месяцы і спрабую сваімі сіламі падняцца на ногі — працую на розных працах, арандую жыллё. Заашчадзіў крыху грошай, каб адправіць сына ў школу. Але гэта вельмі складанае выпрабаванне. І мне патрэбна дапамога.
За час, пакуль я быў у калоніі, назапасіўся вялікі абавязак па аліментах перад маленькай дачкой. Таксама ёсць доўг за кватэру, у якой мы з сынам цяпер жывем у Польшчы.
Я не люблю прасіць, але быць слабым бацькам для сваіх дзяцей, быць клопатам для сяброў і сваякоў — гэта яшчэ горш. Да 2020 гада я быў паспяховым і самадастатковым шчаслівым сем'янінам. Але зараз я пачынаю новае жыццё ў новай краіне. І няма нічога горшага, чым пачынаць яго з даўгоў».
Адзначым, што на медыцынскую дапамогу грошы ўжо не збіраюцца: гэтая патрэба ўжо пакрываецца 🧡
Падтрымаць збор на BYSOL
BY Вясна | Брэст
Share with your friend now:
group-telegram.com/viasna_brest/3918