1-mart O'zbekiston xalq shoiri Zulfiya Isroilova tavalludining 110 yilligi munosabati bilan Jizzax viloyat musiqali drama teatrida "Zulfiya - vafo kuychisi" nomli bayram tadbiri o'tkazildi.

Tadbirda viloyat korxona va tashkilot rahbarlari, viloyat va shahar kengashi deputatlar, ta'lim muassasalari, Zulfiya nomidagi davlat mukofoti sovrindorlari, Hamid Olimjon va Zulfiya nomidagi ijod maktabi o'quvchilaridan iborat keng jamoatchilik vakillari hamda ommaviy axborot vositalari xodimlari ishtirok etdi.

Tadbirni Jizzax viloyati hokimi o'rinbosari Gulnora Normurodova ochib berdi. Shundan so'ng Filologiya fanlari doktori, professor, O'zbekiston yozuvchilar uyushmasi a'zosi - Sayyora To'ychiyeva, filologiya fanlari doktori, professor Hulkar Hamroyeva, Maktabgacha va maktab ta'limi vazirligi Jizzax viloyat boshqarmasi boshlig'i Sanobar Suyarova, O'zbekiston yozuvchilar uyushmasi Jizzax viloyati bo'limi boshlig'i Mehribon Abdurahmonova nutq so'zladi.

Web sayt I Telegram I YouTube I Instagram I

#Zulfiya_vafo_kuychisi

Badiiy qismni Hamid Olimjon va Zulfiya nomidagi ijod maktabi "Musiqa" to'garagi a'zolarining doira sadolari boshlab berdi.

Zulfiyaxonimning ibratli hayotiga bag'ishlangan videorolik qiziqarli ma'lumotlarga boyligi bilan ahamiyat kasb etdi.

Hamid Olimjon va Zulfiya siymosining teatr aktyorlari tomonidan gavdalanganligi unga o'zgacha mazmun baxsh etdi.

Tadbirda Zulfiyaxonimga atalgan she'rlar hamda adabiyotshunos olimlarning shoira haqidagi fikrlari Hamid Olimjon va Zulfiya nomidagi ijod maktabi o'quvchilar tomonidan jarang sochdi.

Viloyatimizning taniqli xonandalari Akmal Isroilov, Feruza Boymatova, Zulxumor Mamarasulzoda, Adhambek To'ychiyev, Olmahon Abdullayevalar tomonidan kuy-qo'shiqlar ijro etildi. Tomoshabinlar "Afsona" raqs jamoasining raqslaridan bahramand bo'lishdi. Bayram dasturi barchaga birdek manzur bo'lib. jarayonlar viloyat va Respublika ommaviy axborot vositalari orqali keng yoritildi.

Web sayt I Telegram I YouTube I Instagram I