Yodingizda bo‘lsa kerak, davlatimiz rahbari 1-oktabr “Oʻqituvchi va murabbiylar kuni” munosabati bilan o‘tkazilgan uchrashuvda xalqaro fan olimpiadalari g‘olib va sovrindorlarini rag‘batlantirish tizimini yangi bosqichga ko‘tarish, xalqaro darajadagi olimpiadalarga tayyorlash markazi tashkil etish vazifasini oldimizga qo‘ygan edi.

Topshiriqdan keyin shu vaqtgacha ancha tashkiliy ishlar qilindi. Bugun Fan olimpiadalari markazida bo‘lib xalqaro olimpiadalarga tayyorgarlik jarayonlari va iqtidorli o‘quvchilarni aniqlash borasida olib borilayotgan ishlar bilan tanishdim.

Markaz jamoasining kelgusidagi rejalari haqida ma’lumot oldik, o‘quvchilarimizning tayyorgarlik jarayonlarini kuchaytirish, qurilish-ta’mirlash ishlarini sifatli yakunlash masalalarini muhokama qildik.

Joriy o‘quv yilida xalqaro fan olimpiadalari va musobaqalarda yutuqlarimiz ko‘p bo‘ldi, yoshlarimiz erishgan natijalar barchamizni faxrlantirdi. Endigi vazifa yutuqlar soni va salmog‘ini yanada oshirish, o‘quvchilarimiz bilan tizimli ishlash, muammolarni vaqtida hal etib, sharoitlarni yaxshilashdir.

Biz o‘quvchilarimiz uchun munosib sharoit yaratsak kelgusi yillarda natijalar, yutuqlar yanada ko‘payishiga ishonaman. Kashf etilmagan iqtidor, oltin boshlarimiz hali juda ko‘p.

@hilola_umarova