اللهم إني أشكو إليك ضعف قوتي و قلة حيلتي و هواني على الناس، أنت رب المستضعفين و أنت ربي إلى من تكلني إلى بعيد يتجهمني أم إلى قريب ملّكته أمري إن لم يكن بك غضب عليّ فلا أبالي و لكن عافيتك أوسع لي أعوذ بنور وجهك الذي أشرقت به الظلمات و صلح عليه أمر الدنيا و الآخرة من أن تنزل بي غضبك أو يحل عليّ سخطك لك الحمد حتى ترضى و لا حول و لا قوة إلى بك.
ودخلت يدي جوة الحنين
مرقت فاطمة زي شفع نضاف
ناديتا يافطمة الرسول
دسي الكمنجات
من حساسيةالطيور الراحلة
من رجفي النجوم الافلة
ومن غرق الضفاف
دسيها من العين
من السمع المتكى حزين
ومن المجانين الرهاف
ضوت ملامحة مشرقة
وفرت جبينها لحاف لحاف
قت ليها متأسف شديد
قت ليها متأسف بخاف
وهاك ابتسامتك مرهقة
لو كنت قادر احتمل
شر التداعي كسير جناح
انا كنت قابلتك ثمل
منزوع فتيل وعاري الجراح
الليل دا لو كان منتظم
ومن المصابيح استراح
كان انفطمنا من النجم
ومن رضعة الضو في الصباح ...
#طبعا ابراهيم عبدالله ابنعوف
مرقت فاطمة زي شفع نضاف
ناديتا يافطمة الرسول
دسي الكمنجات
من حساسيةالطيور الراحلة
من رجفي النجوم الافلة
ومن غرق الضفاف
دسيها من العين
من السمع المتكى حزين
ومن المجانين الرهاف
ضوت ملامحة مشرقة
وفرت جبينها لحاف لحاف
قت ليها متأسف شديد
قت ليها متأسف بخاف
وهاك ابتسامتك مرهقة
لو كنت قادر احتمل
شر التداعي كسير جناح
انا كنت قابلتك ثمل
منزوع فتيل وعاري الجراح
الليل دا لو كان منتظم
ومن المصابيح استراح
كان انفطمنا من النجم
ومن رضعة الضو في الصباح ...
#طبعا ابراهيم عبدالله ابنعوف
يُمة الفِضية الدهبية..
نتلاقى قِدام
تكوني ارتحتي من وجع الحياة
ونكون بِرينا من الدخلنا بعد مشيك
مُتعافية، واحنا معاك تمام
نتلاقى انسام
كمّلنا باقي الونسة في ظل نور جلال الله
مع زُمرة جميل الانبياء
وأصحابهم البَررة الكِرام
نتلاقى احلام
واقفة بتقدمي في عتبة الباب حبيبة
بتوصي توبها على المحبة
وتدسي في روحها السلام
انا غايتو عافيلِك غيابِك
طالما بشوفِك في البرندة
مطبوعة صورتِك في المخدة
قُمتي بتغسلي باقي عِدة
وتشتتي الحَب للحمام..
يُمة الفداحة مافي الرحيل
ولا وجعة الموت في الغياب
يُمة البتكتُلني التفاصيل
وعيونِك التلقاني في الباب
دعواتك اليوم يفتر الحيل
تنزل علينا سلام و تِرحاب
يُمة الطُشاتة، إبر الخِياتة، وجع المشابِك والغسيل
اوضتِك اذا ما تاوقت ضلفة وسرح من لمستِك دولاب
انا ود كوابيس الملاريا وحُمة الليل
يُمة السهر وينِك، وسِيرة الالتهاب؟
كيف بمشي باقي اليوم بلا شاهي ومواويل
وكيف تكتمل عصرية دون صينية في ساعة صِحاب
يُمة السفر تاواق، بلاك الزاد قليل
انسيني في جيب شنطتك
دبوس يونِّس طرحتِك
حين جزمتك، فردة شُراب..
على سيرة الدومة ونخلاتِك
ليمونتِك طارحة وعطّاية
يا يُمة الريحة الما فاتت
سبتيها في فرو المُصلاية
شافع المُرسال الماعاود
والجاهلة التصرخ بكّاية
يُمة الفِضية الدهبية
مَصفى وكفتيرة وكُباية
مُشطك يا يُمة فتيل ريحتِك
والبينسة الحرست تسريحتِك
تربيزة ومُرواد ومِراية
مهموم من صوت الموتور
خايف من شكل الوضّاية
يوم تكمل موية الصِهريج
ونتوه بين جاية وما جاية
لو مرّة ندوّر لي مُفتاح
يُمة العنوان الغلط الصاح
لافوتِك كانت في البال
لا غيبتِك كانت محريّة..
في كل رُكن في البيت يُمة
مع صوت نقاع جردل في الزير
ما ملاية انفردت نُص الحوش
او قيّل في ضُهرية سرير
امبوبة الغاز، عين البوتوجاز
البصلة الحِرقت في التحمير
في صيحة مرحب عند الباب
وسلام يا الجوة صباح الخير
في فُرشة معلقة في الشُباك
وحِوار شمّاعة مع البِشكير
شايفِك في بِسلة على الشارع
في كارو لبن واقفة تبايع
يا يُمة الشاي الراجِنو
شفقانة تنومّي في شافِع
مبسوطة و صوتِك سامِعنو
مع طلبة خلوة في سورة الكهف
فلتت من مئذنة الجامع..
يا أستاذة وراك حِصة وطابور
وفصول مليانة اولاد وبنات
يا بذرة خير يا مِشعل نور
العاش في سيرة النور ما مات
رسموك بي لون في خد السور
ودسّوك اماتهُم في الدعوات
غنّوك بي كُل سرور وحُبور
سِت زينب جات سِت زينب جات 💜
_
أحبّك يا بت ابراهيم، ونتلاقى قدام.
نتلاقى قِدام
تكوني ارتحتي من وجع الحياة
ونكون بِرينا من الدخلنا بعد مشيك
مُتعافية، واحنا معاك تمام
نتلاقى انسام
كمّلنا باقي الونسة في ظل نور جلال الله
مع زُمرة جميل الانبياء
وأصحابهم البَررة الكِرام
نتلاقى احلام
واقفة بتقدمي في عتبة الباب حبيبة
بتوصي توبها على المحبة
وتدسي في روحها السلام
انا غايتو عافيلِك غيابِك
طالما بشوفِك في البرندة
مطبوعة صورتِك في المخدة
قُمتي بتغسلي باقي عِدة
وتشتتي الحَب للحمام..
يُمة الفداحة مافي الرحيل
ولا وجعة الموت في الغياب
يُمة البتكتُلني التفاصيل
وعيونِك التلقاني في الباب
دعواتك اليوم يفتر الحيل
تنزل علينا سلام و تِرحاب
يُمة الطُشاتة، إبر الخِياتة، وجع المشابِك والغسيل
اوضتِك اذا ما تاوقت ضلفة وسرح من لمستِك دولاب
انا ود كوابيس الملاريا وحُمة الليل
يُمة السهر وينِك، وسِيرة الالتهاب؟
كيف بمشي باقي اليوم بلا شاهي ومواويل
وكيف تكتمل عصرية دون صينية في ساعة صِحاب
يُمة السفر تاواق، بلاك الزاد قليل
انسيني في جيب شنطتك
دبوس يونِّس طرحتِك
حين جزمتك، فردة شُراب..
على سيرة الدومة ونخلاتِك
ليمونتِك طارحة وعطّاية
يا يُمة الريحة الما فاتت
سبتيها في فرو المُصلاية
شافع المُرسال الماعاود
والجاهلة التصرخ بكّاية
يُمة الفِضية الدهبية
مَصفى وكفتيرة وكُباية
مُشطك يا يُمة فتيل ريحتِك
والبينسة الحرست تسريحتِك
تربيزة ومُرواد ومِراية
مهموم من صوت الموتور
خايف من شكل الوضّاية
يوم تكمل موية الصِهريج
ونتوه بين جاية وما جاية
لو مرّة ندوّر لي مُفتاح
يُمة العنوان الغلط الصاح
لافوتِك كانت في البال
لا غيبتِك كانت محريّة..
في كل رُكن في البيت يُمة
مع صوت نقاع جردل في الزير
ما ملاية انفردت نُص الحوش
او قيّل في ضُهرية سرير
امبوبة الغاز، عين البوتوجاز
البصلة الحِرقت في التحمير
في صيحة مرحب عند الباب
وسلام يا الجوة صباح الخير
في فُرشة معلقة في الشُباك
وحِوار شمّاعة مع البِشكير
شايفِك في بِسلة على الشارع
في كارو لبن واقفة تبايع
يا يُمة الشاي الراجِنو
شفقانة تنومّي في شافِع
مبسوطة و صوتِك سامِعنو
مع طلبة خلوة في سورة الكهف
فلتت من مئذنة الجامع..
يا أستاذة وراك حِصة وطابور
وفصول مليانة اولاد وبنات
يا بذرة خير يا مِشعل نور
العاش في سيرة النور ما مات
رسموك بي لون في خد السور
ودسّوك اماتهُم في الدعوات
غنّوك بي كُل سرور وحُبور
سِت زينب جات سِت زينب جات 💜
_
أحبّك يا بت ابراهيم، ونتلاقى قدام.
الصَّبُر البدردِق نُولُو ،
ما حاك حُضْنَك اليأويني ...
و الفَقِد النقرّض قولو ،
يتسرِّب يعم تكويني ...
يا مدي القماري حنينا ،
ما بغلبك طيوف تديني ...
النبي
النبي
النبي كان تجي وتَغَشَاني ،
بمرُقْلَك صحانة الصيني ...
ما وغوشت قلبك ضُمة؟!
ما خاطرك تجي توصيني ؟!
يرضيك العطش يشربني ؟!
وانت الطلتك تسقيني ؟!
ما نسيت في الحروف تلقيني ؛
غير فاء الفراق ...
ما عارفه العمر وين قُصُرو
بركب عكس ما يوديني
حساني السباق ...
الضحك البلاك يا يابا
شايفه نفاق نفاق ...
يا النبي في حواك مي حارة
يا باسط الجناين فيني
سبعة سنين زُقُاق ؟!!
ما رضيانة لومي الليك
ما ترضالي شغفي عليك
مُتَّكِّي في جناين الله
رسل لي بُراق ...
#محمد_الشيخ
ما حاك حُضْنَك اليأويني ...
و الفَقِد النقرّض قولو ،
يتسرِّب يعم تكويني ...
يا مدي القماري حنينا ،
ما بغلبك طيوف تديني ...
النبي
النبي
النبي كان تجي وتَغَشَاني ،
بمرُقْلَك صحانة الصيني ...
ما وغوشت قلبك ضُمة؟!
ما خاطرك تجي توصيني ؟!
يرضيك العطش يشربني ؟!
وانت الطلتك تسقيني ؟!
ما نسيت في الحروف تلقيني ؛
غير فاء الفراق ...
ما عارفه العمر وين قُصُرو
بركب عكس ما يوديني
حساني السباق ...
الضحك البلاك يا يابا
شايفه نفاق نفاق ...
يا النبي في حواك مي حارة
يا باسط الجناين فيني
سبعة سنين زُقُاق ؟!!
ما رضيانة لومي الليك
ما ترضالي شغفي عليك
مُتَّكِّي في جناين الله
رسل لي بُراق ...
#محمد_الشيخ
غيبي
في الكف والأصابع
قومي في الخلا والشدر
لا ترجي منّي فتاوي ليك
لا ترجي قُصّاص الأتر
انتِ الدروب الباينة والغابت تِحِت جِزم الخطر
انتِ القلوب التايبة من لمم السحابة
وواقعة في ذنب المطر
انتِ التناقض فيني والروح التنازع بين سمح لي شين
وفي خير انتشر في الناس وكم عيب انستر
"عمر السناري"
في الكف والأصابع
قومي في الخلا والشدر
لا ترجي منّي فتاوي ليك
لا ترجي قُصّاص الأتر
انتِ الدروب الباينة والغابت تِحِت جِزم الخطر
انتِ القلوب التايبة من لمم السحابة
وواقعة في ذنب المطر
انتِ التناقض فيني والروح التنازع بين سمح لي شين
وفي خير انتشر في الناس وكم عيب انستر
"عمر السناري"
رُوحُو: سوشيال ميديا جافة
ورُوحا: ضُل نِيمة وهبوب
جاتُو بي منديل مطرَّز
نزّل استوري وقلوب
فيديو كول بكفيهو جدًا
بس هِيْ عاشقة هوا الدروب
ورّتو يقابل أبوها
ختّ GIF منظر غروب
في النهاية الرّاوي أكّد:
(فات شمال.. ومشت جنوب)
هسّه عندها -قالوا- مَشتَل
وهو اشتغل: آدمن قروب
____
#محمد_سينتود
ورُوحا: ضُل نِيمة وهبوب
جاتُو بي منديل مطرَّز
نزّل استوري وقلوب
فيديو كول بكفيهو جدًا
بس هِيْ عاشقة هوا الدروب
ورّتو يقابل أبوها
ختّ GIF منظر غروب
في النهاية الرّاوي أكّد:
(فات شمال.. ومشت جنوب)
هسّه عندها -قالوا- مَشتَل
وهو اشتغل: آدمن قروب
____
#محمد_سينتود
كان أقُّلو تقول مسافر ،
كنا فضِّينا الظنون
وملينا منك فاضي نيلنا
وكل مساحات العشم
كان أقُّلو تقول مسافر ،
كنا بارينا المطارات
البتسرق كل من
يمنحنا من ملح
المآسي الفيهو دم
كان أقُّلو تقول مسافر ،
كنا صاحبنا الدموع
عانقنا منفاك الأخير
طاردنا صوتك في العدم
كان أقُّلو تقول مسافر ،
كان بستِّف روحي فيك
وأديكَ ذاتي وذكرياتي
وباقي وجعه وباقي حسره
وباقي هم
كان أقُّلو تقول مسافر ،
كان نعزي وطنا فيك
ونديك تشيلنا معاك
تميمه وبندقيه
وباقي غنية وباقي غم
كان أقُّلو تقول مسافر ،
شان يقوم (حميد) يجيك
ويديك بدل منفاك وطن
يديك كلامو وباقي صمتو
وكم قصيده وكم نغم ..
#معز_عوض
كنا فضِّينا الظنون
وملينا منك فاضي نيلنا
وكل مساحات العشم
كان أقُّلو تقول مسافر ،
كنا بارينا المطارات
البتسرق كل من
يمنحنا من ملح
المآسي الفيهو دم
كان أقُّلو تقول مسافر ،
كنا صاحبنا الدموع
عانقنا منفاك الأخير
طاردنا صوتك في العدم
كان أقُّلو تقول مسافر ،
كان بستِّف روحي فيك
وأديكَ ذاتي وذكرياتي
وباقي وجعه وباقي حسره
وباقي هم
كان أقُّلو تقول مسافر ،
كان نعزي وطنا فيك
ونديك تشيلنا معاك
تميمه وبندقيه
وباقي غنية وباقي غم
كان أقُّلو تقول مسافر ،
شان يقوم (حميد) يجيك
ويديك بدل منفاك وطن
يديك كلامو وباقي صمتو
وكم قصيده وكم نغم ..
#معز_عوض
يمه
كل ما ادور اشاكيك
من قساوة الدنيا والحال
ومن عذاب في روحي باين
ومن تعب وهموم واهوال
القي دمعي كتبني يمه
ومد ليك أحوالي مرسال
غايتو
عايش يا الحبيبة
ذي ما تصبح وذي ما تمسي
مافي من يفقدني يمه
حظي من أفراحي منسي
شاي صباحك داك فقدتو
وقعدة الفرح البنسي
كسرة الصاج من إيدينك
والفطور يا ولدي هسي
وقلوة البن البيعدل
ولي مزاج الحن يرسي
اسي وينك يمة انتي
حالي كان شفتيهو انسي
قلبي يتشاباك يمه
وعيني بالدمعات تكسي
يلا يا خطواتي امشن
وارسي وين ما دايرة ترسي
كل زول في همو يمه
فرقتك فرقتنا والله
لمة البيت كان معاكي
لما كانو احبابنا شُلة
هسة كل زول باقي وحدو
والحنين بيناتنا قله
والمحنة الكنتي بيها
في وراك إحساسها ولاّ
اسي تشتهي ساي حبايبك
مرة مرة تجيك طلة
واسألوك عن حالك الكيف كيف
بالمحازن يعلم الله ..
يمه
روحي هي يومي تمرق
واقرب الناس ما بحسك
بيتنا ذي ما بيتنا بعدك
ذي وجع عماك لي نصك
حضنك الكان دافي ضمو
وبحنان الكون يدسك ..
يمة توب العافية انقد
الجراح بالكي تمسك ..
بيتنا
عاد يا يمة حالو
ما فضل من وش سماحو
الا ريحتك جوة في البيت
قدر ما افقد قدرتي ..
وينقطع من قلبي راس خيط
ريحة إيديك امشي ليها
والقي غصباً عني حنيت
والعن الموت الف مرة
روحي تمرق من ياريت
ياتو كون يا يمه بعد
ياتو بيت يبقالي ضُل بيت
تاني استغفر برايا
استغفر الله
يا الحبيبة
ولي المقادير ابقي لبيت
اخخخخ
ركن من تاني دمعي
مالو هذا الموت بعزل
مالو كان بيشلنا جمله
كان ولا انفجعن قلوبنا
لا دمع في عينا طله
كان تموت الفرقة بينا
وقام فرح في كل محله
يمه
ليمونتك حلاتها
كافيه لكل الفريق
صدقة لروحك ثمارها
فيها انفاسك شهيق
تعدل الحال من جناها
فاكه للحيرة العجولة
يوم ظروف الحال تضيق
كبرت اتلمن فروعها
والجذور حفرن عميق
يمه فاقداك للساقية
رغم إنها ديمه شاربة
الا ريك هو الرحيق
زي نسيت نساني شوقك
يمه اقولك
توبك ال داااك
داسو لسه
قدر ما ايامي تقسي
امرقو وابكيك للحول
حاااارة والله فرقة الأم
حاااارة موت والله يا زول
هامه لي يا يمه عارفك
عيشي لسع دوبو قندول
وياني اخر هم ولادك
وياني بفقدك دا مقتول
الف رحمة عليكي يمه
لو سواحل الدنيا حبري
ما بشيل إحساسي للقول
غايتو معليش يمه همي
قلتو ليك ياريتو ما يطول
يبقي ياريت حزن عابر
او يكون شدة وتزول
الف رحمة عليكي يمه
السلام والحب عليكي
وإنتي في سندس نعيمك
في الجنان بالعرض والطول
#ودالماجدي
كل ما ادور اشاكيك
من قساوة الدنيا والحال
ومن عذاب في روحي باين
ومن تعب وهموم واهوال
القي دمعي كتبني يمه
ومد ليك أحوالي مرسال
غايتو
عايش يا الحبيبة
ذي ما تصبح وذي ما تمسي
مافي من يفقدني يمه
حظي من أفراحي منسي
شاي صباحك داك فقدتو
وقعدة الفرح البنسي
كسرة الصاج من إيدينك
والفطور يا ولدي هسي
وقلوة البن البيعدل
ولي مزاج الحن يرسي
اسي وينك يمة انتي
حالي كان شفتيهو انسي
قلبي يتشاباك يمه
وعيني بالدمعات تكسي
يلا يا خطواتي امشن
وارسي وين ما دايرة ترسي
كل زول في همو يمه
فرقتك فرقتنا والله
لمة البيت كان معاكي
لما كانو احبابنا شُلة
هسة كل زول باقي وحدو
والحنين بيناتنا قله
والمحنة الكنتي بيها
في وراك إحساسها ولاّ
اسي تشتهي ساي حبايبك
مرة مرة تجيك طلة
واسألوك عن حالك الكيف كيف
بالمحازن يعلم الله ..
يمه
روحي هي يومي تمرق
واقرب الناس ما بحسك
بيتنا ذي ما بيتنا بعدك
ذي وجع عماك لي نصك
حضنك الكان دافي ضمو
وبحنان الكون يدسك ..
يمة توب العافية انقد
الجراح بالكي تمسك ..
بيتنا
عاد يا يمة حالو
ما فضل من وش سماحو
الا ريحتك جوة في البيت
قدر ما افقد قدرتي ..
وينقطع من قلبي راس خيط
ريحة إيديك امشي ليها
والقي غصباً عني حنيت
والعن الموت الف مرة
روحي تمرق من ياريت
ياتو كون يا يمه بعد
ياتو بيت يبقالي ضُل بيت
تاني استغفر برايا
استغفر الله
يا الحبيبة
ولي المقادير ابقي لبيت
اخخخخ
ركن من تاني دمعي
مالو هذا الموت بعزل
مالو كان بيشلنا جمله
كان ولا انفجعن قلوبنا
لا دمع في عينا طله
كان تموت الفرقة بينا
وقام فرح في كل محله
يمه
ليمونتك حلاتها
كافيه لكل الفريق
صدقة لروحك ثمارها
فيها انفاسك شهيق
تعدل الحال من جناها
فاكه للحيرة العجولة
يوم ظروف الحال تضيق
كبرت اتلمن فروعها
والجذور حفرن عميق
يمه فاقداك للساقية
رغم إنها ديمه شاربة
الا ريك هو الرحيق
زي نسيت نساني شوقك
يمه اقولك
توبك ال داااك
داسو لسه
قدر ما ايامي تقسي
امرقو وابكيك للحول
حاااارة والله فرقة الأم
حاااارة موت والله يا زول
هامه لي يا يمه عارفك
عيشي لسع دوبو قندول
وياني اخر هم ولادك
وياني بفقدك دا مقتول
الف رحمة عليكي يمه
لو سواحل الدنيا حبري
ما بشيل إحساسي للقول
غايتو معليش يمه همي
قلتو ليك ياريتو ما يطول
يبقي ياريت حزن عابر
او يكون شدة وتزول
الف رحمة عليكي يمه
السلام والحب عليكي
وإنتي في سندس نعيمك
في الجنان بالعرض والطول
#ودالماجدي
يانجمه
فرتكي من وشيك توب الملام..
وإنصرِّي في القول ياوجيده
عشان اطاوعك بالكلام
سنين عديده..
اسوي حيل عشان أجيك
تبق قصيده
شيمه مارقه في المسام
حنين وريده
شوق شديد
مسافة إيدا
ينقطع نفس حمام
وفد دميعه في الملام
ومابيزيدا
أو بزيدا
يوم
سمعت ايدي في السلام
تناغم ايدا استحيت
وياسلام اكان لقينا في الضلمه
من وميضا
اشتهيتا شهوة المودر الايام
تبن عميرو شافو ضاع تحت
مسيدا
حسا نفسو في ثبات طويل وقام
ياهُمام
كم لبثت في غناها بالتمام؟؟
قال بريدا
شفت جنه ولاكيه بالحجام
قال شهيدا
طيب ايه نقص من السلام
راحة ايدا
…
قالو عنو ماعرف سر الغرام
ومات وحيدا
او كأنو حي سجين وحزنو دام
سما نفسو جوز حمام
وفر روحو فك قيدا
..
.
الشوق البسوي كتييير
وبرجعنا للشعر
#العمراني
فرتكي من وشيك توب الملام..
وإنصرِّي في القول ياوجيده
عشان اطاوعك بالكلام
سنين عديده..
اسوي حيل عشان أجيك
تبق قصيده
شيمه مارقه في المسام
حنين وريده
شوق شديد
مسافة إيدا
ينقطع نفس حمام
وفد دميعه في الملام
ومابيزيدا
أو بزيدا
يوم
سمعت ايدي في السلام
تناغم ايدا استحيت
وياسلام اكان لقينا في الضلمه
من وميضا
اشتهيتا شهوة المودر الايام
تبن عميرو شافو ضاع تحت
مسيدا
حسا نفسو في ثبات طويل وقام
ياهُمام
كم لبثت في غناها بالتمام؟؟
قال بريدا
شفت جنه ولاكيه بالحجام
قال شهيدا
طيب ايه نقص من السلام
راحة ايدا
…
قالو عنو ماعرف سر الغرام
ومات وحيدا
او كأنو حي سجين وحزنو دام
سما نفسو جوز حمام
وفر روحو فك قيدا
..
.
الشوق البسوي كتييير
وبرجعنا للشعر
#العمراني
أنا منسي زي مَشْبَك وحيد فوق السِّلِك
شايفاني كائن منطوي
بس -من وِعِيت- بمسِك قوي
أدِّيني فرصة... وبذْهِلِك
أنا منفِي زي مَشْبَك ضعيف فوق الحَبِل
لكنّي بعرف أحتوي
شيّال حمول ما ملتوي
برعاكِ، لو قلبِك قِبِل
أنا حالي زي كُلّ المشابِك.. مُنْهَكَة
مصلوبة في الشِّتا والسَّموم
بس ما حصَل كسَرتْ فِ يوم
(خاطِر قُماش) فيها انْتَكَا
___
#محمد_سينتود
شايفاني كائن منطوي
بس -من وِعِيت- بمسِك قوي
أدِّيني فرصة... وبذْهِلِك
أنا منفِي زي مَشْبَك ضعيف فوق الحَبِل
لكنّي بعرف أحتوي
شيّال حمول ما ملتوي
برعاكِ، لو قلبِك قِبِل
أنا حالي زي كُلّ المشابِك.. مُنْهَكَة
مصلوبة في الشِّتا والسَّموم
بس ما حصَل كسَرتْ فِ يوم
(خاطِر قُماش) فيها انْتَكَا
___
#محمد_سينتود
أنا ما بقدر أعيش من غيرك
العبارة دي تبدو درامية
وأحياناً دراما رخيصة
لكنها دقيقة حقيقية في الأنوات والعوالم الداخلية ،،
في شبكة العلاقات في نسخة منك انت مختلفة مع كل شخص محيط بيك،،
الأنا العاشقة مثلا بتتوجد بوجود الأنا المعشوقة (بتمثل الطرف الآخر)
إحساس الشخص انه ما بقدر يعيش من دون الطرف الآخر هو حقيقي، بالنسبة للأنا العاشقة
حرفياً ما حتعيش وما حيكون ليها وجود،،
نفس الحكاية
الام وطفلها
الموظف وموظفه،،
أو في شبكة العلاقات المادية
زي الثري وراس ماله
أو المشجع وفريقه إلخ
عشان كده الناس ممكن تمرض أو تغادر الحياة اذا كانت هي الأنا المسيطرة، ،
_____
يقول الأصمعي بينما كنت أسير في البادية إذ مررت بحجر مكتوب عليه :
أ يا معشر العشاق بالله خبروا .. إذا حل عشق بالفتى كيف يصنع
فكتبت تحته البيت التالي :
يداري هواه ثم يكتم سره ..ويخشع في كل الأمور ويخضع
يقول ثم عدت في اليوم الثاني فوجدت مكتوب تحته هذا البيت :
وكيف يداري والهوى قاتـ ـل الفتى .. وفي كل يوم قلبه يتقطع
يقول فكتبت تحته البيت التالي :
إذا لم يجد صبرا لكتمان سره .. فليس له شئ سوى المـــ ــوت ينفع
يقول الأصمعي فعدت في اليوم الثالث فوجدت شابا ملقى على ذلك الحجر ميتا مكتوب تحته هذان البيتان:
سمعنا اطعنا ثم متنا فبلغوا .. سلامي إلى من كان بالوصل يمنع
هنيئا لأرباب النعيم نعيمهم .. وللعاشـــــــق المسكين ما يتجرع
#ماستر_أحمد_عبدالله
#مركز_إنلايت
العبارة دي تبدو درامية
وأحياناً دراما رخيصة
لكنها دقيقة حقيقية في الأنوات والعوالم الداخلية ،،
في شبكة العلاقات في نسخة منك انت مختلفة مع كل شخص محيط بيك،،
الأنا العاشقة مثلا بتتوجد بوجود الأنا المعشوقة (بتمثل الطرف الآخر)
إحساس الشخص انه ما بقدر يعيش من دون الطرف الآخر هو حقيقي، بالنسبة للأنا العاشقة
حرفياً ما حتعيش وما حيكون ليها وجود،،
نفس الحكاية
الام وطفلها
الموظف وموظفه،،
أو في شبكة العلاقات المادية
زي الثري وراس ماله
أو المشجع وفريقه إلخ
عشان كده الناس ممكن تمرض أو تغادر الحياة اذا كانت هي الأنا المسيطرة، ،
_____
يقول الأصمعي بينما كنت أسير في البادية إذ مررت بحجر مكتوب عليه :
أ يا معشر العشاق بالله خبروا .. إذا حل عشق بالفتى كيف يصنع
فكتبت تحته البيت التالي :
يداري هواه ثم يكتم سره ..ويخشع في كل الأمور ويخضع
يقول ثم عدت في اليوم الثاني فوجدت مكتوب تحته هذا البيت :
وكيف يداري والهوى قاتـ ـل الفتى .. وفي كل يوم قلبه يتقطع
يقول فكتبت تحته البيت التالي :
إذا لم يجد صبرا لكتمان سره .. فليس له شئ سوى المـــ ــوت ينفع
يقول الأصمعي فعدت في اليوم الثالث فوجدت شابا ملقى على ذلك الحجر ميتا مكتوب تحته هذان البيتان:
سمعنا اطعنا ثم متنا فبلغوا .. سلامي إلى من كان بالوصل يمنع
هنيئا لأرباب النعيم نعيمهم .. وللعاشـــــــق المسكين ما يتجرع
#ماستر_أحمد_عبدالله
#مركز_إنلايت
بين انتماي لي فكرة شاعرة ،
وبين مشاعرك والدَفو ..
أنا كنت أعجَز من مُجرد فِكرة شاغرة ،
"أظل أريدك ؛
والعفو..!"
كان في عيونك طفلة شاطرة ،
وكنت بيتين من كتاب أثري اختفوا...
أنا صاح بجاهِد كنت في يَم صُدفة عاثرة ،
وانتي بتعلّمي فيني فلسفة الطفو...
أنا ما اكتمل في ليل على البال
_ وردة عابرة _ ؛
الا ونهارات الحقايق يقطفوا...
" من كُتر
ما انتَشيت
حَــنــيــن ؛
ألـقَـانـي
كُــل مــا
أمِد بَنـان
يتحَسسوك
بيّرجِفوا..! "
أنا قلبي مُركب _اتشَّرق بي موجة _،
وانت البَراك كَفيّك
رَغم الرِقة قادرين يغرفوا
وأظل
أنا
الناي
الوحيد
الراجي
نوتة
تألِّفوا ...
#ودالشيخ
وبين مشاعرك والدَفو ..
أنا كنت أعجَز من مُجرد فِكرة شاغرة ،
"أظل أريدك ؛
والعفو..!"
كان في عيونك طفلة شاطرة ،
وكنت بيتين من كتاب أثري اختفوا...
أنا صاح بجاهِد كنت في يَم صُدفة عاثرة ،
وانتي بتعلّمي فيني فلسفة الطفو...
أنا ما اكتمل في ليل على البال
_ وردة عابرة _ ؛
الا ونهارات الحقايق يقطفوا...
" من كُتر
ما انتَشيت
حَــنــيــن ؛
ألـقَـانـي
كُــل مــا
أمِد بَنـان
يتحَسسوك
بيّرجِفوا..! "
أنا قلبي مُركب _اتشَّرق بي موجة _،
وانت البَراك كَفيّك
رَغم الرِقة قادرين يغرفوا
وأظل
أنا
الناي
الوحيد
الراجي
نوتة
تألِّفوا ...
#ودالشيخ
عبارة مذيع الجزيرة محبطة في نشرة اخبار اليوم الأول مايو حينما قال
" المواجهات التي اندلعت في منتصف الشهر الماضي "
فكرة الشهر الماضي دي كعبة جدا
خصوصا لما تشاهد التقرير البعدها عن الحرب الاوكرانية الروسية
والتي تدخل عامها الثاني
اتجول في تعليقات عدد من المعارف واستمع اليهم بما في ذلك اهل بيتي فاجد أغلبها حديث عن انتهاء المعركة واحتفاء بالحرب وكأنها لعبة
حالة من الشبق والعرم الحربي واغلاق الأعين عن مصائب الناس بقسوة عجيبة
في صورة في القنوات دي بتجي بتاعة نساء ضعيفات كدا ومعاهم شفع داخلين على تشاد على الأرجل
انا ممكن احلف صادق ديل لا عارفين الاطاري ولا الكيزان ولا حميدتي ولا البرهان
لكن الحرب عذبتهم عذاب
ياخ دي مصيبة حقيقية
مخليانا مكشوفين العالم من غير مقدرات قتالية ، وحالتنا بالبلا ، اعداد ضخمة في حالة خروج قسري من البيوت نازحين ولاجئين
اذا كان هذا اليوم فعلا يوم حاسم كما قرأت هنا وهناك وان قوة الدعم السريع تقلصت ل ٥٠ ٪
اذا هذا هو وقت التفاوض
حركة شعبية واسعة تقف مع فكرة الجيش الواحد والتي هي فكرة منطقية بدون اي مغالطة
تدمج قوات الدعم السريع في الجيش بعد تنحي حميدتي واخوه ويذهب البرهان وهذا عين ما ذكراه في الميديا ان كل منهم مستعد للذهاب
الناس تتخلص من الذاكرة الذبابية بقبول الكباشي كقائد جديد فقط لانه ضد حميدتي
حدث ما حدث ليست مجرد عبارة ولكنها استخفاف بجريمة فض الاعتصام التي تشارك فيها اعداء اليوم اصدقاء الامس
قيادة جديدة للقوات المسلحة
وخلق مسار ديمقراطي جديد بعيدا عن الاطاري المختلف عليه
جدية في بناء دولة
بقوات مسلحة ليست لها اطماع في الحكم
وعودة مرة اخرى لحوار مدني - مدني ينتج انتقال ديمقراطي حقيقي
عمر عشاري
" المواجهات التي اندلعت في منتصف الشهر الماضي "
فكرة الشهر الماضي دي كعبة جدا
خصوصا لما تشاهد التقرير البعدها عن الحرب الاوكرانية الروسية
والتي تدخل عامها الثاني
اتجول في تعليقات عدد من المعارف واستمع اليهم بما في ذلك اهل بيتي فاجد أغلبها حديث عن انتهاء المعركة واحتفاء بالحرب وكأنها لعبة
حالة من الشبق والعرم الحربي واغلاق الأعين عن مصائب الناس بقسوة عجيبة
في صورة في القنوات دي بتجي بتاعة نساء ضعيفات كدا ومعاهم شفع داخلين على تشاد على الأرجل
انا ممكن احلف صادق ديل لا عارفين الاطاري ولا الكيزان ولا حميدتي ولا البرهان
لكن الحرب عذبتهم عذاب
ياخ دي مصيبة حقيقية
مخليانا مكشوفين العالم من غير مقدرات قتالية ، وحالتنا بالبلا ، اعداد ضخمة في حالة خروج قسري من البيوت نازحين ولاجئين
اذا كان هذا اليوم فعلا يوم حاسم كما قرأت هنا وهناك وان قوة الدعم السريع تقلصت ل ٥٠ ٪
اذا هذا هو وقت التفاوض
حركة شعبية واسعة تقف مع فكرة الجيش الواحد والتي هي فكرة منطقية بدون اي مغالطة
تدمج قوات الدعم السريع في الجيش بعد تنحي حميدتي واخوه ويذهب البرهان وهذا عين ما ذكراه في الميديا ان كل منهم مستعد للذهاب
الناس تتخلص من الذاكرة الذبابية بقبول الكباشي كقائد جديد فقط لانه ضد حميدتي
حدث ما حدث ليست مجرد عبارة ولكنها استخفاف بجريمة فض الاعتصام التي تشارك فيها اعداء اليوم اصدقاء الامس
قيادة جديدة للقوات المسلحة
وخلق مسار ديمقراطي جديد بعيدا عن الاطاري المختلف عليه
جدية في بناء دولة
بقوات مسلحة ليست لها اطماع في الحكم
وعودة مرة اخرى لحوار مدني - مدني ينتج انتقال ديمقراطي حقيقي
عمر عشاري
دقيت ليك،
أبت سنابلك تفتح الباب
يا مُزدري و فقري وعنيد
جِيتك قديم
بي شوق جديد
يا طينة الجالوص وقت ماتضيق قليبة الروح
احِب فيك نصعة اللابكوت
وشفقة انتظار تحليل
هِش المناظير
باكتيريا انتظارك سارحة
انا رجعوني من البحر
وانت بتشيل في عينة
جات بالهينة
من يد بِت
غريرة و لينة
هسة اذا اشتكت من لزعتك
او لسعتك، بترِق؟
واذا رقيت
تفتكر تنجو الجميلة من الكوابيس والاِبر؟
انا في البحر
انا بالصفق، يطلقني في حوشها الكبير
بِت البساتين والشجر
حنِّس مقاشيشها، الحويش أضيق من يستحمل رُباط التوب
كلِّم حمامات السِفنجة الزرقاء تبرُد
واستميح عينيها ما يدخُل تُراب
بنقُح كُلنا، وبصيبنا داء ربط التياب!
#فيصل_خليفه
أبت سنابلك تفتح الباب
يا مُزدري و فقري وعنيد
جِيتك قديم
بي شوق جديد
يا طينة الجالوص وقت ماتضيق قليبة الروح
احِب فيك نصعة اللابكوت
وشفقة انتظار تحليل
هِش المناظير
باكتيريا انتظارك سارحة
انا رجعوني من البحر
وانت بتشيل في عينة
جات بالهينة
من يد بِت
غريرة و لينة
هسة اذا اشتكت من لزعتك
او لسعتك، بترِق؟
واذا رقيت
تفتكر تنجو الجميلة من الكوابيس والاِبر؟
انا في البحر
انا بالصفق، يطلقني في حوشها الكبير
بِت البساتين والشجر
حنِّس مقاشيشها، الحويش أضيق من يستحمل رُباط التوب
كلِّم حمامات السِفنجة الزرقاء تبرُد
واستميح عينيها ما يدخُل تُراب
بنقُح كُلنا، وبصيبنا داء ربط التياب!
#فيصل_خليفه
ما جدوى الشراب
والحلق في الجبيرة
يكفيني السراب
والأمل في المسيرة
بنحبك تراب
وننوم في حصيرة
لو أرضك جراب
سماك لسع مطيرة
ما بغرِّد غراب
شوم ، مع انو طيرة
تشجيهو انطراب
معزوفة الزخيرة
فوق سن الحراب
والخطط الخطيرة
شاهرلك كتاب
كاتب فوقو سيرة
عن حسن المتاب
وتبريرات فطيرة
بجي يوم الحساب
والايام دميرة
و(الشالو التساب
بطلع يوم جزيرة )
من قلب السراب
من أرض الجزيرة
والبلد احتراب
والخرطوم أسيرة
شايلة علي عتاب
وأمنيتي الأخيرة
(لا تحصل خراب
لا أرجى يوم وديرا)
#عزام
والحلق في الجبيرة
يكفيني السراب
والأمل في المسيرة
بنحبك تراب
وننوم في حصيرة
لو أرضك جراب
سماك لسع مطيرة
ما بغرِّد غراب
شوم ، مع انو طيرة
تشجيهو انطراب
معزوفة الزخيرة
فوق سن الحراب
والخطط الخطيرة
شاهرلك كتاب
كاتب فوقو سيرة
عن حسن المتاب
وتبريرات فطيرة
بجي يوم الحساب
والايام دميرة
و(الشالو التساب
بطلع يوم جزيرة )
من قلب السراب
من أرض الجزيرة
والبلد احتراب
والخرطوم أسيرة
شايلة علي عتاب
وأمنيتي الأخيرة
(لا تحصل خراب
لا أرجى يوم وديرا)
#عزام
شنو الفضّل محل كنا ؟!
بَزِح فارغ الرصاص بلقاك ؟!
بلقى ضِحِكْنا تحت انقاض ؟
ورود الشارع الشاهِد ؟!
منو الفضّل من الأصحاب ؟
شنو الفضّل من الأصحاب ؟
منو السالمنا بي ضحكة
وهناك مدفون بدون شاهد ؟!
بتنبت ضحكتك ياسمين ؟!
تقوم خرطوم محل أترك ؟!
محل ست شاي حمامة تَرِكْ ؟!
بقول يمكن ، بقول وارد ...
محل بتطير فراشاتك ،
هناك شايف دُخَان جاحِد ...
يسوع مصلوب سمعتو بئن ،
وجامع دَّوّوّ نزل ساجِد ...
مِنيو الحرب فيو صنفين :
تموت موت حار على الفاقدين ،
أو تفقد معالمَك فيك ؛
تموت بس موت على البارد ...
#ودالشيخ
بَزِح فارغ الرصاص بلقاك ؟!
بلقى ضِحِكْنا تحت انقاض ؟
ورود الشارع الشاهِد ؟!
منو الفضّل من الأصحاب ؟
شنو الفضّل من الأصحاب ؟
منو السالمنا بي ضحكة
وهناك مدفون بدون شاهد ؟!
بتنبت ضحكتك ياسمين ؟!
تقوم خرطوم محل أترك ؟!
محل ست شاي حمامة تَرِكْ ؟!
بقول يمكن ، بقول وارد ...
محل بتطير فراشاتك ،
هناك شايف دُخَان جاحِد ...
يسوع مصلوب سمعتو بئن ،
وجامع دَّوّوّ نزل ساجِد ...
مِنيو الحرب فيو صنفين :
تموت موت حار على الفاقدين ،
أو تفقد معالمَك فيك ؛
تموت بس موت على البارد ...
#ودالشيخ
الطيب صالح عندو مقوله واصفا نساء السودان لمن يختن الحنه خته اولي بدون نشادر بقول فيها (شفق المغيب ليس دما ولكن حناء علي قدمي امرأة )
.
انتي قايلة الجاي فوق ريح الله سايقا كلو ما خير ؟!
لالا معروف
خير وحاتك
واسألي الطير
كل ما يجي ماري بظروف
أسألي الشجر الوقف كمين سنة مساند قفا النيل
من عوا أمشير
واسألي النيل
من طميهو الداخرو في الجوف
يات تساب غرَّق ضفافو وما استفاد من خدرتو الغير
أسالي الطابية
الملازمين
القماير
واسألي الشارع البوديك كدي على ابروف
لسه فيك شك ؟!
لسه فيك خوف ؟!
انتي يالخرطوم مكانك
ما محل ختوك جنس ديل
ديل بخبروك ؟!
ديل بعبروك
خشُّو ديوانك ضيوف ليل
قامو من شرا مايدتك صوف
جرُّو في ترا جلدك الشوك
شبَّحوك بين ويل وبين ويل
صبَّحوك لا زاد ولا طوف
غرَّقوك في مفرق السيل
فرَّقوك يامقرن الحب
قمَّحوك لا وادي لا جروف
انتي يالخرطوم مكانك فينا معروف
انتي يالخرطوم عواصم بي نواطحا تنحنيلك
ترمي فيك حيل الممالك من سحيق امس القديم تتشابى تتلاحق كتوف
انتي يالخرطوم تواريخ تلبسك سحنات بعنخية وتكتبك بي حروف لنج من رمادات الحتوف
انتي يالخرطوم
أكنك ..
قايلة كل الجاي فوق ريح الله سايقا ليك ماخير ؟!
لالا والله
خير وحاتك يا بلادي
وبكرة بنشوف
.... ...... .......
#عزام
انتي قايلة الجاي فوق ريح الله سايقا كلو ما خير ؟!
لالا معروف
خير وحاتك
واسألي الطير
كل ما يجي ماري بظروف
أسألي الشجر الوقف كمين سنة مساند قفا النيل
من عوا أمشير
واسألي النيل
من طميهو الداخرو في الجوف
يات تساب غرَّق ضفافو وما استفاد من خدرتو الغير
أسالي الطابية
الملازمين
القماير
واسألي الشارع البوديك كدي على ابروف
لسه فيك شك ؟!
لسه فيك خوف ؟!
انتي يالخرطوم مكانك
ما محل ختوك جنس ديل
ديل بخبروك ؟!
ديل بعبروك
خشُّو ديوانك ضيوف ليل
قامو من شرا مايدتك صوف
جرُّو في ترا جلدك الشوك
شبَّحوك بين ويل وبين ويل
صبَّحوك لا زاد ولا طوف
غرَّقوك في مفرق السيل
فرَّقوك يامقرن الحب
قمَّحوك لا وادي لا جروف
انتي يالخرطوم مكانك فينا معروف
انتي يالخرطوم عواصم بي نواطحا تنحنيلك
ترمي فيك حيل الممالك من سحيق امس القديم تتشابى تتلاحق كتوف
انتي يالخرطوم تواريخ تلبسك سحنات بعنخية وتكتبك بي حروف لنج من رمادات الحتوف
انتي يالخرطوم
أكنك ..
قايلة كل الجاي فوق ريح الله سايقا ليك ماخير ؟!
لالا والله
خير وحاتك يا بلادي
وبكرة بنشوف
.... ...... .......
#عزام
قيلت كيف..؟ ليهو الحمد
طيبين عقابِك..؟
اي طيبين
الا
قلت اتفقدك من تاني اصد
كيفنك انت..؟
يابتي
نحن مع الكريم
عاد تاني شن
ناقصنا هو.. ليهو الحمد
اتناولي
العراقي داك
جيبيهو..امسك ياولد
قولو شكرا..
خليهو.. ماشرطا يرد
باقي
الغيارات يابا وين
يابا النغسلك وافوت
انتي امشي
رامي عليك رضاي
ولا تنسي
في الراكوبة عود
في
اخرو ردخه معلقة
شيليها
للشفع سلام
و قوليلن الايام تعود
الروح تصن..
الريح تدق
زي زول يدق
وفي
بالو يتجاوط خبر
تتنفض
الواطاة وتقوم
يتلاقى
في الميله الشدر
تتنادى
في الرعده البيوت
في
حوش
دخل من المطر
جدع
اللحافات
فوق سرير
وفي
الطين نعال
مملوصة
جنب خفجة اتر
كان همو
في
السقف القديم
في
قدرة الشق الصبر
في
المجرى
في الجار القريب
الزيفه والحيل الفتر
في
الصدقة
والعيد القريب
في
الراحو والجايبو السفر
الروح تصن..
صينيه
في لفة زقاق
وقفة
سلام وعقاب شمش
صبارة
جنب جك حق عصير
وضاية في غمدة رمش
الندهة
للزول البعيد
التمرة والزاد والبرش
الشافع
اليلعب بعيد
النهره والنضم اليطش
الفَتره
والضو الكمل
اللفته والريق العطش
القعدة
والأذان قريب
وصبر الدقايق المابتمش
المده
عند ساعة الفطور
الونسه والزمن اليمش
الروح تصن..
شافع
سأل هو العيد متين..؟
والإبرة في التوب القِدِم
ردتلو
جاي العيد قريب
يومين وشهر الخير يتم
يمه
هسع تبكي مالك..؟
لا لا
ياولدي الغبار..اوعك تهم
باكر
تروح السوق معاي
و الدايرو يا ولدي بيتم
داير لي
لعبة بعد نفوت
اي وكمان جزمة وهدم
يمه
المسافرين
قالو جو..اي البلد باكر تلم
يمه
الندس عيديتي دي..
شيلن
جناي وادي المعاك
الفرحة بالدس ما بتعم
الروح تصن..
شافعي
قالت..
اي سايمي
من متين ..؟
من دِبييييل
دبيل اتَلتَلي ملتييين
ااتُل واسوم
اشلَب واسوم
ووكت الفتول
زي امي شلتلي لدمتين
صايمي
زي الضب دحين..؟
اي دُتلك..
الا احوي سايملو يومين
يابت..
امرقي خلاص نمش
لا ترجي اقولك مرتين
الشي
دايلِي سفندتي..
مع السلامة نحن ماشين
الروح تصن..
حبوبتي
اجيبلك تشربي
لا لا مابقدر
كفاي .. اشرب براك
جيب لي
السرير لا جاي شوي
وشيل المواعين الهناك
خُت
الجُكاكه وغتهن
واربط
عقاب العيش معاك
حبوبتي
مارق دايري شي..
فرش
المصلاية
واطفي اللمبة
ديك .. يديك مناك
لاتنسى
تضرب لي ابوك
وتقولو امك مشتهاك
بضربلو
بس اخد الرصيد..
جزلاني وين..؟
اب تشوف ماياهو داك
الروح تصن..
الله اكبر
الله اكبر
الله اكبر
لا إله إلا الله
الله اكبر
الله اكبر
ولله الحمد
شارع
اتنفض يسالم
في فرح يادابو حاس
في
هدم في نص سرير
وايد تدق ..
قوم .. قوم خلاص
في
عيون يادابا جرت
من
وشي الصحية النعاس
في
صغار اتلمو بدري
شان
يورو الجابو ليهُن
دار تبادل..؟هاك خلاس
في
مباركة من بعيد
في
المسافة الجاي ناس
في
وشي صينية وقفت
وايد
مشت جايبالا ترباس
في
عصاري
مشت تواجب
لاقت
العيد ريحتو اعراس
#الرحال
طيبين عقابِك..؟
اي طيبين
الا
قلت اتفقدك من تاني اصد
كيفنك انت..؟
يابتي
نحن مع الكريم
عاد تاني شن
ناقصنا هو.. ليهو الحمد
اتناولي
العراقي داك
جيبيهو..امسك ياولد
قولو شكرا..
خليهو.. ماشرطا يرد
باقي
الغيارات يابا وين
يابا النغسلك وافوت
انتي امشي
رامي عليك رضاي
ولا تنسي
في الراكوبة عود
في
اخرو ردخه معلقة
شيليها
للشفع سلام
و قوليلن الايام تعود
الروح تصن..
الريح تدق
زي زول يدق
وفي
بالو يتجاوط خبر
تتنفض
الواطاة وتقوم
يتلاقى
في الميله الشدر
تتنادى
في الرعده البيوت
في
حوش
دخل من المطر
جدع
اللحافات
فوق سرير
وفي
الطين نعال
مملوصة
جنب خفجة اتر
كان همو
في
السقف القديم
في
قدرة الشق الصبر
في
المجرى
في الجار القريب
الزيفه والحيل الفتر
في
الصدقة
والعيد القريب
في
الراحو والجايبو السفر
الروح تصن..
صينيه
في لفة زقاق
وقفة
سلام وعقاب شمش
صبارة
جنب جك حق عصير
وضاية في غمدة رمش
الندهة
للزول البعيد
التمرة والزاد والبرش
الشافع
اليلعب بعيد
النهره والنضم اليطش
الفَتره
والضو الكمل
اللفته والريق العطش
القعدة
والأذان قريب
وصبر الدقايق المابتمش
المده
عند ساعة الفطور
الونسه والزمن اليمش
الروح تصن..
شافع
سأل هو العيد متين..؟
والإبرة في التوب القِدِم
ردتلو
جاي العيد قريب
يومين وشهر الخير يتم
يمه
هسع تبكي مالك..؟
لا لا
ياولدي الغبار..اوعك تهم
باكر
تروح السوق معاي
و الدايرو يا ولدي بيتم
داير لي
لعبة بعد نفوت
اي وكمان جزمة وهدم
يمه
المسافرين
قالو جو..اي البلد باكر تلم
يمه
الندس عيديتي دي..
شيلن
جناي وادي المعاك
الفرحة بالدس ما بتعم
الروح تصن..
شافعي
قالت..
اي سايمي
من متين ..؟
من دِبييييل
دبيل اتَلتَلي ملتييين
ااتُل واسوم
اشلَب واسوم
ووكت الفتول
زي امي شلتلي لدمتين
صايمي
زي الضب دحين..؟
اي دُتلك..
الا احوي سايملو يومين
يابت..
امرقي خلاص نمش
لا ترجي اقولك مرتين
الشي
دايلِي سفندتي..
مع السلامة نحن ماشين
الروح تصن..
حبوبتي
اجيبلك تشربي
لا لا مابقدر
كفاي .. اشرب براك
جيب لي
السرير لا جاي شوي
وشيل المواعين الهناك
خُت
الجُكاكه وغتهن
واربط
عقاب العيش معاك
حبوبتي
مارق دايري شي..
فرش
المصلاية
واطفي اللمبة
ديك .. يديك مناك
لاتنسى
تضرب لي ابوك
وتقولو امك مشتهاك
بضربلو
بس اخد الرصيد..
جزلاني وين..؟
اب تشوف ماياهو داك
الروح تصن..
الله اكبر
الله اكبر
الله اكبر
لا إله إلا الله
الله اكبر
الله اكبر
ولله الحمد
شارع
اتنفض يسالم
في فرح يادابو حاس
في
هدم في نص سرير
وايد تدق ..
قوم .. قوم خلاص
في
عيون يادابا جرت
من
وشي الصحية النعاس
في
صغار اتلمو بدري
شان
يورو الجابو ليهُن
دار تبادل..؟هاك خلاس
في
مباركة من بعيد
في
المسافة الجاي ناس
في
وشي صينية وقفت
وايد
مشت جايبالا ترباس
في
عصاري
مشت تواجب
لاقت
العيد ريحتو اعراس
#الرحال