Үйэ кирбиитин өҥөйөн

🧿Олунньу 14 күнүгэр Атамайга Төрөөбүт тыл декадатын түмүктүүр тэрээһинэ "Чобуо чуорааннар" куолу күрэһэ буолла.

🎖Быйыл Улуу Кыайыы 80 сылыгар, Россияҕа, Сахабыт сиригэр Аҕа дойдуну, Ийэ дойдуну көмүскээччилэр сылларыгар ананан, "Үйэ кирбиитин өҥөйөн" диэн тиэмэҕэ ыытылынна.

Биир дойдулаахпыт Семен Данилов "Саха саҥата" хоһоонун сэлэлии туран, дорҕоонноохтук ааҕан, тэрээһини саҕалаатыбыт.

Күрэскэ оскуола 1 кылааһын үөрэнээччилэрин, бэлэмнэнии бөлөх оҕолорун тэҥэ орто, улахан бөлөх иитиллээччилэрэ кыттыыны ыллылар.

👏👏Түмүккэ "Кылаан чыпчаал" аат I кыл. үөрэнээччитэ Валера Фёдоров буолла.
I үрдэл- бэлэмнэнии бөлөх иитиллээччитэ Эрчим Гуринов, II - I кыл. үөрэнээччитэ Айхан Винокуров, III- I кыл. үөрэнээччитэ Күндүлээнэ Татаринова, "Кэскиллээх этээччи"- бэлэмнэнии бөлөх иитиллээччитэ Айыллаана Иванова буоллулар.

✍️Раиса Иванова-Арылыйа
Валентина Яковлева
@silatrudagorny

Биир идэлээхпитин үрдүк наҕараадатынан эҕэрдэлиибит

📰Бэҕэһээ Дьокуускайга "Дьулурҕан" спортивнай таһаарыы 25 сылын бэлиэтээтэ. Бу бэлиэ датаны кытта "Дьулурҕан" редактора, спортивнай суруналыыс Петр Павлов 60 сааһа сөп түбэстэ.

👏👏Тэрээһиҥҥэ биһиги корреспондеммыт Вячеслав Алексеев СӨ физическэй культура уонна спорт сайдыытыгар кылаатын иһин
Ил Түмэн Бочуотунай Грамотатынан наҕараадаланна.

🏆Кини оҕолорго "Чыпчаал" Кубогын тэрийэн, көҕүлээн ыытар. "Кыайыыттан – ситиһиигэ, үрдэлтэн – чыпчаалга" диэн Горнайга физическэй культура уонна спорт сайдыытын кинигэтигэр быһаччы үлэлэспитэ.

🤼‍♂️🏹⚽️Өрүү спорт сонуннарын, спортсменнарбыт ситиһиилэрин, кыайыыларын-хотууларын мэлдьи сырдатар.

✍️🤳Биир идэлээхпитин Вячеслав Алексеевы айымньылаах үлэҥ үрдүктүк сыаналаммытынан итиитик-истиҥник эҕэрдэлиибит. Өрүү ааҕааччыларбытыгар спорт сонуннарын киэҥ эйгэҕэ сырдата, билиһиннэрэ тур.

@silatrudagorny

Дэгиттэр спортсмен, үтүө үлэһит Андрей Васильев бэһис күрэхтэһиитин тэрийдэ

🏆Афанасий Парфёнов аатынан СК буулдьанан ытыыга ССРС спордун маастара, көҥүл тустуу, самбо, остуол тенниһэ о.д.а. спорт көрүҥнэрин өрө тутан кэлбит, үлэ, ИДьМ бэтэрээнэ Андрей Васильев 70 сааһыгар аналлаах остуол тенниһигэр бэтэрээннэргэ аһаҕас күрэхтэһии арылынна.

👏👏Бу күн буруйдааҕын улуус, Бэрдьигэстээх нэһилиэгин салалтата, чугас дьоно, доҕотторо, остуол тенниһин өрөспүүбүлүкэтээҕи салалтата эҕэрдэлээтилэр, үтүө тылларын анаатылар.

Андрей Васильев улуус сайдыытыгар киллэрбит кылаатын сыаналаан туран, улуус үрдүк наҕараадаларын үөрүүлээх быһыы-майгы ортотугар туттардылар.

✍️Вячеслав Алексеев
@silatrudagorny