Честовані читачі Інтерфийсы, приближаєме ся до важної даты, а тото є три рокы нашому проєктови, котрый шіковно перерӯс из реґуларных товмаченых новинок на піціцько май серйозні авторські публикації из назорами, не удхылявучи ся уд тематикы.

Раді сьме вам уповісти, ож ладиме парадноє сяточноє друкованоє выданя из майлїпшыми, на наш позӯр, публикаціями. Найдете там и пару еґзклузівных матеріалӯв, які щи не были на вебови!

Цїна выданя щи не є набизӯвно точна, бо моментално трудиме ся над компонованьом уміста. Уєдно из тым мусиме ся позвідати, ци будете хотїти купити собі фізичноє выданя? Заповнюйте исю форму, обы ся зголосити на дараб: https://forms.gle/fGwv2zuzRBUCiTuu7