حُبّ الله 💜✨ | روضة إسماعيل ✨

"عاوز أرتبط بزول يتقبلني زي ما أنا"

الجملة دي كانت قادرة دائمًا إنها تستوقفني، وببدأ فعلًا أفكر فيها شديد من ناحية المعنى، وبسأل نفسي:

هل فعلًا ح ألقى زول يتقبلني زي ما أنا؟!
والإجابة كانت بتكون؛ أكيد (لأ)..

إذا كان أنا في نفسي بتغير، وبتجدد، وبتحول بمرور الوقت ومع كل موقف بيمر بي في حياتي، ومرات كتيره أنا نفسي ما بقدر أتحملها وبتضايق مني..
فكيف ح يجي زول يتقبلني زي ما أنا؟!

خلينا نتفق إنو مافي ثوابت في الحياة، ومافي تقبُّل مُطلق وكامل، لأنو نحن كائنات متجددة، ومتقلبة، وكل لحظة قادرة إنها تأثر في تفاصيلنا بشكل كبير، فأكيد ح تجي لحظات الشخص التاني ما حيكون قادر يتقبلك فيها، والطبيعي إنو إنت لازم تكون فاهم الحاجة دي، وما تحاول تجبر الناس إنها تتقبل وتتحمل مزاجيتك وتقلباتك، لأنو إنت زاتك ما ح تتحمل نفسك.

فالتقبل شيء جميل بس لما يكون المبدأ الأساسي فيهو هو تقبُّل فكرة البقاء، و وقتها ح تقدر تتقبل التقلبات والإختلاف، وما ح يكون مجرد تقبُّل مادي ينتهي بإنتهاء الحالة المزاجية أو الشكلية أو المادية..

"فلو علي أنا ح أرتبط بزول يتقبل فكرة البقاء معاي، حتى لو جات أوقات بقيت فيها ما أنا نفس الشخص الأول ولا هو نفس الشخص الأول"
- Almigdad Ibrahim💜✨

www.group-telegram.com/it/hub_allah.com/806

174 viewsOct 30, 2022 at 09:22

"عاوز أرتبط بزول يتقبلني زي ما أنا"

الجملة دي كانت قادرة دائمًا إنها تستوقفني، وببدأ فعلًا أفكر فيها شديد من ناحية المعنى، وبسأل نفسي:

هل فعلًا ح ألقى زول يتقبلني زي ما أنا؟!
والإجابة كانت بتكون؛ أكيد (لأ)..

إذا كان أنا في نفسي بتغير، وبتجدد، وبتحول بمرور الوقت ومع كل موقف بيمر بي في حياتي، ومرات كتيره أنا نفسي ما بقدر أتحملها وبتضايق مني..
فكيف ح يجي زول يتقبلني زي ما أنا؟!

خلينا نتفق إنو مافي ثوابت في الحياة، ومافي تقبُّل مُطلق وكامل، لأنو نحن كائنات متجددة، ومتقلبة، وكل لحظة قادرة إنها تأثر في تفاصيلنا بشكل كبير، فأكيد ح تجي لحظات الشخص التاني ما حيكون قادر يتقبلك فيها، والطبيعي إنو إنت لازم تكون فاهم الحاجة دي، وما تحاول تجبر الناس إنها تتقبل وتتحمل مزاجيتك وتقلباتك، لأنو إنت زاتك ما ح تتحمل نفسك.

فالتقبل شيء جميل بس لما يكون المبدأ الأساسي فيهو هو تقبُّل فكرة البقاء، و وقتها ح تقدر تتقبل التقلبات والإختلاف، وما ح يكون مجرد تقبُّل مادي ينتهي بإنتهاء الحالة المزاجية أو الشكلية أو المادية..

"فلو علي أنا ح أرتبط بزول يتقبل فكرة البقاء معاي، حتى لو جات أوقات بقيت فيها ما أنا نفس الشخص الأول ولا هو نفس الشخص الأول"
- Almigdad Ibrahim💜✨

BY حُبّ الله 💜✨ | روضة إسماعيل ✨