Абоны цаутыл афӕлгӕсгӕйӕ, уӕ цӕст цавӕр ныхӕстыл ӕрхӕцыд?

➡️ Ацы изӕр уӕ зонгӕ кӕнӕм ног дзырдимӕ — ӕнус.

⚫️ Дæхи «СапÆ»-йыл бафысс

Алы райсом пайдаимӕ!

📆 Кӕд цард чиныг у, уӕд йӕ бонтӕ — сыфтӕ. Чиныджы сыфтыл та ӕмбисӕндтӕ дӕр вӕййы.

#ӕлвӕст_хъуыдытӕ
#ӕмбисонд

Цӕгат Ирыстоны транспорты комитеты сӕргълӕууӕджы хӕстӕ рӕстӕгмӕ ӕххӕстгӕнӕгӕй сфидар кодтой Хъараты Зауырбеджы

🔻Уый тыххӕй уынаффӕ бафыста Сергей Меняйло. Йæ тыхы бацыд 9 июны. Уый размӕ Хъараты Зауырбег куыста акционерон æхсӕнад «Автоколонна 1210»-ы генералон директорӕй, транспорты комитеты сӕрдары хӕдивӕгӕй.

➡️ Апрелы «Сапӕ» фыста, комитетӕй дыууӕ ведомствойы кӕй кӕнынц, уый тыххӕй. Ног — фӕндӕгты хӕдзарад — дзуапп дӕтдзӕн регионты ӕмӕ муниципалитетты 'хсӕн фӕндӕгтӕн. Транспорты комитет та кусдзӕн къабазы рӕзтыл, дзуапп дӕтдзӕн бӕлццӕттӕ ласынӕн ӕмӕ ӕндӕр фарстатӕн.

⚫️ Дæхи «СапÆ»-йыл бафысс

Цӕгат Ирыстоны аэропортмӕ цӕудзӕн транспорт

🔻Цӕгат Ирыстоны транспорты комитет бакусдзӕн аэропортмӕ маршрутыл. Уый тыххӕй фехъусын кодта хицауады сӕрдары фыццаг хӕдивӕг Атарты Георгий.

Ныртӕккӕ 1-ӕм автовокзалӕй алы бон аэропортмӕ цӕуы автобус. Фӕлӕ дзы статистикӕмӕ гӕсгӕ цыппар бӕлццоны йеддӕмӕ нӕ вӕййы.

Цӕмӕй сӕ нымӕц фӕфылдӕр уа, уый тыххӕй фӕнд кӕнынц маршрут аивын ӕмӕ фысымуӕтты рӕзты цӕуын. Уыимӕ фӕтк афтӕ скӕнын, цӕмӕй бӕлццӕттӕ рейстӕм ма ӕрӕджы кӕной.

⚫️ Дæхи «СапÆ»-йыл бафысс

Цӕмӕй адӕмы бон уа хъаст, фиппаинаг кӕнӕ ӕндӕр информаци ӕрбарвитын, уый тыххӕй ног транспорты комитет сараздзӕн чат-бот

🔻Уый тыххӕй фехъусын кодта хицауады сӕрдары фыццаг хӕдивӕг Атарты Георгий. Куыд фӕбӕрӕг кодта, афтӕмӕй бӕлццӕттӕласджытӕй бирӕтӕ рейсмӕ рацӕуынц ӕрмӕст, машинӕ куы байдзаг вæййы, уӕд, кӕнӕ та сӕхи фӕндонмӕ гӕсгӕ маршрутӕй ахизынц. Ахӕм уацтӕн ӕвдисӕн чи уа, уыдонӕй курӕг сты чат-ботмӕ фыссын.

▫️Ныртӕккӕ домӕнтӕ афтӕ сты, ӕмӕ лицензи байсыны бар ис ӕрмӕст тӕрхондоны уынаффӕмӕ гӕсгӕ. Уый та ахӕм хатдзӕгмӕ ӕрцӕуы, бӕлццӕттӕласӕг маршрутмӕ ӕртӕ боны фӕд-фӕдыл куы нӕ рацӕуа, ӕрмӕст уӕд.

▫️Ӕрлӕууæн бынӕтты сфидар кӕндзысты камерӕтӕ, уыдон бӕрӕг кӕндзысты, бӕлццӕттӕласджытӕй дзы чи ӕмӕ цафон уыд, уый. Афтӕмӕй сбӕрӕг кӕндзысты, транспортон компанитӕ сӕ куысты фӕтк ӕххӕст кӕнынц ӕви нӕ, уый. Кӕд нӕ, уӕд сыл комитет гӕххӕттытӕ дӕтдзӕн тӕрхондонмӕ.

💬 «Мах хъӕуы, цӕмӕй, куыд ӕмбӕлы, афтӕ кусой. Ӕвзӕр куысты тыххӕй сӕ ивар кӕндзыстӕм, сӕ лицензитӕ сын исдзыстӕм, цӕмӕй сын маршрутыл хуызæнæн кусын ивар бафидынӕй пайдадӕр уа», — зӕгъы Атарты Георгий.

⚫️ Дæхи «СапÆ»-йыл бафысс

Дзӕуджыхъӕуы сывӕллӕттӕн фӕзтæ саразынӕн ацы аз уӕлӕмхасӕн радих кӕндзысты 26 милуан сомы бӕрц

🔻Уый тыххӕй горӕты муниципалон сконды уӕнгтӕ ивддзинӕдтӕ бахастой 2025-2027 азты бюджетмӕ. 

Сывӕллӕттӕн фӕзтӕ фӕзындзысты Дзӕуджыхъӕуы 16 ӕвзарӕн участочы, фылдӕр ӕргом аздахдзысты, бирӕ адӕм кӕм цӕры ӕмӕ депутаттӕм фылдӕр курдиӕттӕ кӕцӕй уыд, уыцы районтӕм.

Хӕстӕгдӕр рӕстӕг Дзӕуджыхъӕуы муниципалон сконды депутаттӕ специалисттимæ ӕмӕ цӕрджытимӕ сбӕрӕг кӕндзысты, фӕзтӕ кӕм уыдзысты, уыцы бынӕттӕ, сӕ фӕзуат ӕмӕ дзы бӕлвырдӕй цы хъӕуы, уый. Стыр ӕргом аздахдзысты сӕ хӕрзхъӕддзинадмӕ ӕмӕ экологон ӕдасдзинадмӕ.

➡️ Дзӕуджыхъӕуы муниципалон сконды сӕрдары фыццаг хӕдивӕг Черчесты Зӕринӕйы ныхӕстӕм гӕсгӕ, ӕппӕт куыстытӕм цӕст дардзысты депутаттӕ.

⚫️ Дæхи «СапÆ»-йыл бафысс

Цӕгат Ирыстоны доны хӕдзарады разамонӕджы хӕстӕ рӕстӕгмӕ ӕххӕстгӕнæг сси Кцойты Тамерлан

🔻Цӕуы йыл 39 азы, каст фӕци Хӕххон-аграрон университеты механизацийы факультет ӕмӕ Дзӕуджыхъӕуы разамынды институты юриспруденцийы факультет. Уыд муниципалон куыстуат «Ухоженный город»-ы хицау, стӕй — доны хӕдзарады генералон директоры хӕдивӕг.

⚫️ Дæхи «СапÆ»-йыл бафысс

Дыууæ мæскуыйаг сылгоймаджы аныгъуылдысты Фыййагдоны

🔻Фыдбылыз æрцыд Хæрисджынмæ хæстæг. Дыууæ туристы хаццоны райстой квадроциклтæ. Инструктор сæ акодта зындгонд маршрутыл. Сылгоймæгтæ нæ сарæхстысты æмæ 25 метры бæрзæндæй цæугæдоны ныххаудтой. Уый уыд боны цыппар сахатыл. Иу буар донæй систой зынгхуыссынгæнджытæ, иннæйы 5 км дæлдæр ссардтой пъæлицæйæгтæ.

📄 Сылгоймæгтæ — 43-аздзыд Мария М. æмæ Юлия З. — республикæйы улæфыдысты æртæ боны. Юлия амард йæ гуырæн боны. Сæххæст ыл 33 азы.

➡️ Фыййагдоны хъæуы администрацийы сæргълæууæг Гуыриаты Валерий «Сапæ»-йæн куыд радзырдта, афтæмæй сæм квадроциклтæ хаццоны райсæн ис фондз раны. Цалдæр боны размæ бахаста хъæппæрис, хъæуы астæу ацы транспортæй пайдагæнæн куыд нæ уа, уый фæдыл. Йæ уынаффæ баст уыд, шофыртæ æгæр кæй хъæлæба кæнынц, уыимæ.

⚫️ Дæхи «СапÆ»-йыл бафысс

Абоны цаутыл афӕлгӕсгӕйӕ, уӕ цӕст цавӕр ныхӕстыл ӕрхӕцыд?

➡️ Ацы изӕр уӕ зонгӕ кӕнӕм ног дзырдимӕ — дон.

⚫️ Дæхи «СапÆ»-йыл бафысс

Сылгоймаг аныгъуылд Дзæуджыхъæуы цæугæдоны

🔻Регионы æнæнхъæлæджы уавæрты министрад куыд хъусын кæны, афтæмæй сылгоймаг фæдæлдон Терчы, фысымуат «Владикавказ»-ы цур.

Донæй йæ систой Олег Кошевойы уынджы цур. Реанимацион мадзæлттæ йын нæ баххуыс сты. Чи у, уый нæма сбæрæг.

⚫️ Дæхи «СапÆ»-йыл бафысс

Алы райсом пайдаимӕ!

📆 Кӕд цард чиныг у, уӕд йӕ бонтӕ — сыфтӕ. Чиныджы сыфтыл та ӕмбисӕндтӕ дӕр вӕййы.

#ӕлвӕст_хъуыдытӕ
#ӕмбисонд

🎵 Дзуццаты Сослан — «Зӕлинӕ»

#Сапӕ_playlist

Къуыдыргалмӕй хаст алагираг балер кӕсаг у ӕргъайы хуызӕн нард

🔻Краснодары лабораторийы ветеринарон-санитарон иртӕстытӕм гӕсгӕ, «Ир-Фиш»-ы балер кӕсаджы сой 11,2% ис. Уый къухы бафтыд энтомологон технологиты руаджы.

💬 «Мах кӕсагӕн ӕмбал нӕй. Хорз балер кӕсагӕн йӕ нард вӕййы 6,5%, махӕн та 11,2% у.  Ӕрдзы нӕ, фӕлӕ аразгӕ аквакультурӕты кӕй цӕры, ууыл ахуыргӕндтӕ тынг бадис кодтой», — радзырдта «Сапӕ»-йӕн куыстуаты хистӕр наукон кусӕг Хъотайты Давид.

Кӕсаджыкуыстгӕнӕг хæдзарад «Ир-Фиш» балхӕдта америкæйаг бындзыты. Дарынц сӕ инсектарийы. Уым ӕрӕфтауынц ӕйчытӕ. Уыдоны та дарынц лабораторийы.

💬 «Фӕзынынц дзы къуыдыргӕлмытӕ. Хæссӕм сӕ органикон хауӕццӕгтӕй: кӕсагӕй, хойрӕгты базарты цы баззайы, уыдонæй ӕмӕ ӕндӕртӕй. Ам ма иу пайда хъуыддаг ис: бырондонмӕ ӕппарыны бӕсты сӕ хӕрын кӕнӕм ӕмӕ уӕлдӕфмӕ метан къаддӕр цӕуы», — ӕмбарын кӕны Хъотайты Давид.

Фӕстӕдӕр сӕ техникӕйы руаджы æфсадæн субстратæй фæхицæн кӕнынц. Афтӕмӕй рауайы цӕрӕгойтӕн хӕринаг ӕмӕ зайӕгойтӕн пайда хъацӕн.

💬 «Мӕнмӕ гӕсгӕ, фидӕны къуыдыргӕлмытӕй парахатӕй пайда кӕндзысты. Мах сыл фондз азы куыстам, хатгай тынг зын уыд. Ӕрмӕст иртӕстытыл 25 милуан сомы схардз кодтам. Стыр наукон куыст бакодтам ӕмӕ йӕ хатдзӕгтыл нӕ зӕрдӕ тынг дарӕм», — зӕгъы «Ир-Фиш»-ы хицау Гӕбуты Игорь.

➡️ Хӕстӕгдӕр рӕстӕг амалхъом адӕймаг фӕнд кӕны сӕрмагонд кусӕнгӕрзтӕ балхӕнын. Уӕд сӕ бон уыдзӕн фармаци ӕмӕ косметологон къабазӕн къуыдыргалмӕй урсаг ӕмӕ сой кӕнын.

⚫️ Дæхи «СапÆ»-йыл бафысс

Дзӕуджыхъӕу ӕрӕхгӕндзӕн тӕрккъӕвда ӕмӕ кӕндзӕн тыхджын дымгӕ

🔻Ныридӕгӕн иуӕй-иу районты рухс ахуыссыд, Доваторы проспекты та бӕлӕстӕ ӕд бынтӕ ратыдта.

➡️ Ӕнӕнхъӕлӕджы уавӕрты министрадӕй куыд хъусын кӕнынц, афтӕмӕй 14 июньмӕ  кӕндзӕн тынг дымгӕ, уардзӕн, ранӕй-рӕтты ихимӕ. Дымгӕ кӕндзӕн секундмӕ 20-25 метры.

⚫️ Дæхи «СапÆ»-йыл бафысс

📺 Хъомыладон куыст хъӕуы ӕви нӕ? Цавӕр хъуамӕ уа: фӕлмӕнӕй ӕви тыхӕй, хи дӕнцӕгыл ӕви дзургӕйӕ? Уый тыххӕй ныхас дӕргъвӕтин рауайдзӕн ӕмӕ алкӕмӕ йӕхи хъуыды уыдзӕн. Абон та уын ӕвдисӕм советон кинонывӕй скъуыддзаг. Хъомыладон куысты ирд дӕнцӕг.

#аивады_хӕзнадон 

⚫️ Дæхи «СапÆ»-йыл бафысс

Алы райсом пайдаимӕ!

📆 Кӕд цард чиныг у, уӕд йӕ бонтӕ — сыфтӕ. Чиныджы сыфтыл та ӕмбисӕндтӕ дӕр вӕййы.

#ӕлвӕст_хъуыдытӕ
#ӕмбисонд