group-telegram.com/soliqnews/10599
Last Update:
#qonunchilikdagi_yangiliklar
🖊Prezident qaroriga koʻra joriy yil 1-maydan “Ijtimoiy himoya yagona reestri”ga kiritilgan jismoniy shaxslar chakana savdo obyektlaridan ayrim tovarlarni sotib olganda xarid summasidan 1% miqdordagi keshbek oʻrniga, 12% QQS qaytariladi.
♻️QQS qaytarib beriladigan mahsulotlar roʻyxati
🐏Qoʻy goʻshti
🐓Parranda goʻshti
🐄Mol goʻshti
🥚Tuxum
🫙Oʻsimlik yogʻi
📲QQSni qaytarib olish uchun “Ijtimoiy himoya yagona reestri”dagi isteʼmolchi Soliq mobil ilovasini yuklab olib, FACE ID orqali roʻyxatdan oʻtishi hamda ilovada xarid chekining QR-kodini skaner qilishi lozim.
📊QQSni qaytarishda sotib olingan mahsulot QQS qaytariladigan mahsulotlar roʻyxatiga kirganligi, xaridor “Ijtimoiy himoya yagona reestri” da ekanligi hamda tadbirkor QQS toʻlovchi sifatida roʻyxatdan oʻtganligi inobatga olinadi.
☝️Agar reestrdagi isteʼmolchi:
🔹QQS qaytariladigan mahsulotlar bilan birga boshqa turdagi mahsulotlarni xarid qilib chekni roʻyxatdan oʻtkazganda QQS qaytariladigan mahsulotlar uchun 12%, boshqa turdagi mahsulotlar uchun 1% keshbekka ega boʻladi;
🔹QQS toʻlovchisi boʻlmagan tadbirkorlik subyektidan QQS qaytariladigan mahsulotlar sotib olganda 1% keshbek qaytariladi.
💳QQS summasi chek roʻyxatdan oʻtkazilgan oydan keyin oyning 25-sanasidan so‘ng Soliq mobil ilovasi orqali toʻlab beriladi.
Тelegram |Facebook |Youtube| Instagram |Twitter
