group-telegram.com/viasna_brest/2889
Last Update:
❗️У Берасці затрымалі вядомага святара грэка-каталіцкай царквы Ігара Кандрацьева
Перад пачаткам службы прыкладна ў 18.00 па беларускім часе ў царкву прыехалі сілавікі і затрымалі айца Ігара.
Па нашай інфармацыі, сілавікі дагэтуль у царкве.
У дні пратэстаў Ігар Кандрацьеў выходзіў на вуліцы, размаўляў з дзяўчатамі і жанчынамі ў ланцугах салідарнасці, суцяшаў іх і маліўся разам з імі.
У інтэрв'ю «Салідарнасці» святар казаў, што «уся гэтая хлусня, фальсіфікацыі – гэта вайна супраць Бога. А пасля ўсіх гэтых арыштаў кандыдатаў і звычайных грамадзян, яшчэ перад выбарамі, я прыняў рашэнне пазначыць сваю грамадзянскую пазіцыю. Мяркую, што Святлану Ціханоўскую, гэтую мілую, цудоўную жанчыну, пакінулі ў ліку кандыдатаў у прэзідэнты толькі таму, што не паставіліся да яе сурʼёзна».
У адным з інтэрвʼю айцец Ігар расказаў, што ў 2020 годзе патрабаваў ад старшыні гарвыканкаму пайсці ў СІЗА і вызваліць затрыманых падчас пратэстаў.
«І Аляксандр Рагачук насамрэч пайшоў. Не нагамі, але ён пайшоў фактычна. Адправіўшыся ў свой кабінет, ён пачаў тэлефанаваць у Менск, кіраўнікам сілавых структур, каб развязаць пытанне з затрыманымі. Калі я пераканаўся, што старшыня займаецца гэтым пытаннем, пайшоў да ізалятару разам з іншымі пратэстоўцамі. Мы былі там да трох гадзін ночы, пакуль не выпусцілі апошніх затрыманых».
Больш падрабязнай інфармацыі пра затрыманне Ігара Кандрацьева пакуль няма.
Крыніца: @belsat
BY Вясна | Брэст
Share with your friend now:
group-telegram.com/viasna_brest/2889