group-telegram.com/viasna_brest/3765
Last Update:
💊 Пад пастом з Лукашэнка пакінуў каментар, дзе нецэнзурна абурыўся завышаным коштам на лекі. Стаў вядомы прысуд у Пінску
19 чэрвеня пінскі суд разглядаў справу супраць Шукалы Руслана Сяргеевіча. Яму закідалі публічную абразу Лукашэнкі, ч.1 арт.368 КК, паведамляе @viasna96.
Паводле версіі абвінавачвання, Руслан Шукала 19 красавіка 2022 года, "маючы намер і мэту на прыніжэнне гонару і годнасці ў непрыстойнай форме Аляксандра Лукашэнкі", у сацыяльнай сетцы "Аднакласнікі" пасля прагляду публікацыі ў выглядзе малюнка Лукашэнкі з тэкстам, які змяшчаецца над ім, размясціў для публічнага агляду ў адкрытай публічнай супольнасці нецэнзурны каментар у дачыненні да яго.
На судзе Руслан распавёў, што, праглядаючы стужку навін у «Аднакласніках», убачыў публікацыю з выявай Лукашэнкі, пад якім быў тэкст аб завышаных цэнах на лекавыя прэпараты, і пакінуў абразлівы каментар.
Суддзя Яўгенія Мельнік прызначыла пінчуку 2 гады "хіміі" (абмежавання волі з накіраваннем у папраўчую ўстанову). У мужчыны ёсць малалетнія дзеці.
BY Вясна | Брэст
Share with your friend now:
group-telegram.com/viasna_brest/3765