group-telegram.com/viasna_brest/3862
Last Update:
Паліну Шарэнда-Панасюк збіраюцца вывозіць з калоніі — і пасадзіць у гомельскае СІЗА
Ўсё праз справу за «непадпарадкаванне адміністрацыі калоніі» (родныя думалі, што па справе ўжо скончылі следства, хутка перададуць у пракуратуру і суд, але ўсё аказалася складаней)
Берасцейскую палітзняволеную Паліну Шарэнда-Панасюк заўтра-паслязаўтра перавядуць у СІЗА №3 (у Гомелі). А следства па справе па арт.411 за «непадпарадкаванне адміністрацыі калоніі», якое 1 жніўня мусіла скончыцца, ўсё ж такі яшчэ не завершана. Як стала сёння вядома, следства працягнулі яшчэ на 2 месяцы.
А паколькі 3-гадовы тэрмін Паліны скончваецца 6 жніўня, то яе збіраюцца змясціць пад варту і перавясці ў гомельскае СІЗА.
У СІЗА Паліне можна пісаць паштоўкі, лісты, а таксама рабіць бандэролі і грашовыя пераводы (прычым у гомельскім СІЗА бандэролі не ідуць у месячны ліміт вагі перадач). Падтрымайце актывістку праз пару дзён па новым адрасе:
📮СІЗА-3. 246003, г. Гомель, вул. Кніжная, 1А
Шарэнда-Панасюк Паліна Сяргееўна
BY Вясна | Брэст
Share with your friend now:
group-telegram.com/viasna_brest/3862