group-telegram.com/viasna_brest/538
Last Update:
Паліну Шарэнду-Панасюк перавезлі ў «Навінкі» для псіхіятрычнае экспертызы.
22 лютага берасцейскі актывіст Андрэй Шарэнда пасля 12 содняў арышту выйшаў з ІЧУ. А сёння ён распавёў «Белсату», што ягоную жонку Паліну Шарэнду-Панасюк 23 лютага этапавалі з берасцейскага СІЗА № 7 у «Навінкі».
«Там на працягу двух тыдняў мая жонка будзе праходзіць судова-псіхалагічна-псіхіятрычную экспертызу. Лічу, што гэта ціск на чалавека, каб маральна зламаць, помста за пазіцыю. Яна не прызнае следчых, якія ходзяць да яе, і не дае ніякіх паказанняў, бо лічыць іх злачынцамі», – сказаў Андрэй Шарэнда.
У «Навінках» Паліна не зможа атрымліваць лістоў. Нагадаем: жанчыну затрымалі ва ўласнай кватэры 3 студзеня. Датычна яе распачалі крымінальную справу паводле артыкулу 364 КК РБ («Гвалт або пагроза выкарыстання гвалту ў дачыненні працаўніка органаў унутраных справаў»).
Крыніца: @belsat
Фота: асабісты архіў сям'і Шарэндаў
BY Вясна | Брэст
Share with your friend now:
group-telegram.com/viasna_brest/538