group-telegram.com/vicspring/4127
Last Update:
Алену Янушкоўскую, блогерку і актывістку, якая была вымушана пакінуць Беларусь, праз суд выпісваюць з адзінага жытла Справу пра "высяленне без прадастаўлення іншага жыллёвага памяшкання" сёння разбірае суд Віцебскага раёна ( суддзя Таццяна Лабацкая). 🔻
Жытло Алены Янушкоўскай - хату ў вёсцы Суйкава пад Віцебскам - прадалі з аўкцыёну за пазыкі па штрафах і падатках. Сума запазычанасці актывісткі складала 1436 рублёў 60 капеек. Яе жытло ацанілі ў 10 700 рублёў, а прадалі амаль удвая даражэй. Грошы, што мусілі застацца пасля пагашэння запазычанасці, жанчына дагэтуль не атрымала.
Блогерку выпісваюць з хаты па зыску новага гаспадара - Станіслава Кадушкевіча. Высветлілася, што яго Алена ведае асабіста. Ён ураджэнец вёскі Пестуніца Віцебскага раёна, жанчына некаторы час жыла там, дапамагаючы дачцэ даглядаць дзяцей. І зрабіла пра гэтую вёску некалькі матэрыялаў для свайго відэаблога па скаргах мясцовага насельніцтва, пасля чаго частка згаданых недахопаў была выпраўлена. ➡️ https://tinyurl.com/3ubs5uu6
BY Віцебская Вясна
Share with your friend now:
group-telegram.com/vicspring/4127