‏بلاش تظهر لحد كمية الحب ال جواك نحيته او انك قد ايه ضعيف من غيره ومحتاجه فحياتك عشان هيدوس عليك ومش هيهمه انت كويس ولا لا هيجي عليك عشان عارف انك متقدرش تعيش من غيره هيغلط بدل المرة الف عشان عارف انك هتسامحه هيمشي ويرجع بمزاجه لانه متاكد ان ف كل مرة هتكون دايما مستنيه

‏حقيقي العشرينات سِن مُريب جداً، إللي هو إنت شخصية تافهه عنده ١٠ سنين ولا شخصية ناضجة ماشية في الأربعين،هتلاقي نفسك مريت بـ مواقف المفروض مكنتش تمر بيها في الوقت ده، شخصيتك مليانة تناقضات وعقلك آلة مبتبطلش تفكير، شخص مزاجي كل دقيقة بحال، أسوأ وأسرع فترة عُمرية هتمر بيها فـ حياتك .

كل العيوب اللي ممكن حد يشوفها فيك ، في حد تاني قادر يشوفها مميزات ، الدوشة و الصداع ممكن يتشافوا حيوية و طاقة .. الزن يتشاف اهتمام ، والرغي يتشاف حب ، وحتى السكوت يتشاف ونس ، العيب ف العين اللي مبتشوفش تصرفاتنا بعين المُحب و مبيوصلهاش اشارة بجمال كل تصرف طالع من قلبنا ، في ناس كتير في الدنيا هتقابلهم ويشوفوك حلو زي ما انت بدون ما تبذل أي مجهود و هيلاقوا إن حتى عيوبك بتحليك .

‏العتاب محبة لكن كُتره مزلة، علشان كدا أنا ضد إنك تقعد تعاتب الشخص على نفس الحاجة أكتر من مرة، لإن مفيش حد مش واخد باله طول الوقت، هما واخدين بالهم وعارفين بيعملو إيه، وبما إن زعلنا مش مهم عندهم وبيكرروا اللي بتضايقنا، وزي ما العتاب محبة للي قدامك الإنسحاب برضو محبة لنفسك .

الحقيقة إن كل البشر عاديين جداً لما تتعود عليهم مش مبهرين تماماً لما تتعود على طلتهم مش ملفتين نهائي لما تقرب منهم كل يوم والحقيقة إن العلاقات صعبة قوي عشان كدا عشان لما الانبهار بيروح كله بيبقى عادي إلا القلب ، القلب الحلو متجدد الابهار ، القلب الحلو مش بيتشبع منه أبداً ، القلب الحلو مصدر الونس ومكان الأمان ، القلب الحلو عالم نضيف موازي عن العالم الحقيقي اللي مليان شر ، متخدش قرار وأنت منبهر .. ومتتأخرش على قرارك لما تلاقي قلب حلو .

‏The magic you are looking for is in the work you avoiding .
الجملة دي معناها ان السحر اللي انت بتدور عليه علشان يغير حياتك .. موجود في الحاجات اللي انت بتتجنب تعملها ..
السحر ده موجود في المهمة الصعبة اللي انت اعتذرت عليها علشان خايف ، موجود في المقابلة المهمة اللي اجلتها علشان قلقان ، موجود في الصلاة في ميعادها و سبتها علشان مكسل ، جميلة اوي الفكرة اللي بتقول ان الطريق الصحيح في احيان كتير جداً هو الطريق اللي في اتجاه خوفك و عكس اللي علي هواك .

من وقت للتاني دماغي بقت تزنقني في زون -انت بيتزهق منك- واللي هو بقيت في صراع طول الوقت بين فكرة انا اتزهق مني؟ انا فيا ايه كويس؟ طب انا فيا ايه يخلي اللي قدامي ميزهقش مني اصلًا؟ وغيرها كتير أسئلة بايخة بتحاصرني مبتسيبنيش

شعور إنك بقيت تتأقلم مع أي حاجه وأي وضع عشان مفيش حاجه تانيه تقدر تعملها، خلاك بقيت تتأقلم حتى مع الحاجات اللي ليها حل بس انت خلاص مش قادر تحل وبقيت شايف إن التأقلم هو الحل المناسب

في وسط دوشة الحياة وتقلباتها ، قليل جدًا لما تلاقي شخص وجوده لوحده بيطمنك ، بيخليك تحس إن الدنيا مهما اشتدت عليك فيه أمان وفيه سند ، الشخص ده مش سهل يتكرر، ولو لقيته، حافظ عليه بكل اللي تقدر عليه حافظ عليه بكلامك ، بتقديرك ، بإهتمامك ، وبإنك تكون جنبه في كل لحظة زي ما هو جنبك ، الناس اللي بتديك الإحساس ده هما أندر حاجة في الدنيا ، لأن الأمان مش حاجة بتتقال ، الأمان بيتحس فلو لقيت اللي يخليك مطمن ، خليه دايمًا قريب ، وما تسمحش لأي حاجة تبعده عنك .

مفيش حاجه تعوض الحنيه لما متجيش ف وقتها ، مفيش حاجه تقيله قد انك تلاقي رد فعل قاسي من حد قريب منك ف وقت كنت مستني فيه طبطبه مهما كنت قوي ، مهما كنت متماسك نفسيا ، بيجي عليك وقت بتستني الحنيه عليك حتي لو بكلمه .

بلاش تنازُلات في عِلاقاتك أيًا كان مُسمى العِلاقة دي إيه؛ ما تقبلش بأقل من اللي تستحقه، وما تظلمش نفسك وتيجي عليها، وما توافقش من الأول على وضع مش مُناسب ليك، واِيّاك تشيل لوحدك مسؤولية نجاح العِلاقة لإنّك هتتشاف مدلوق وواقع .. تصرُّفاتك دي مش كُل الناس هتعرف تترجمها حُب.

"الاشتياق" مش سبب كافي لرجوعك، أنتَ محتاج ضمانات كتير اووي والسبب اللي يخليك ترجع انك تلاقي "ضمانات" أكيده وإن كل الحاجات اللي خلتك تمشي مش هتتكرر تاني ومش هتعيش نفس المتاعب مره تانيه ساعتها بس ممكن تفكر في الرجوع .. لكن اي رُجوع مَبني على العاطفة و الاشتياق فهو وجع قلب ومضيعة للوقت

الحاجات بتبقى واضحة والله احنا بس اللي مش بنبقى دايماً مؤهلين نستوعبها بشكلها الحقيقي ف بنفضل نلف وندور في متاهات كتير لحد ما بنستسلم لأول حقيقة شوفناها بس كان لازم نوصلها واحنا مفرهدين عشان ضميرنا يرتاح إننا حاولنا أكتر من الكفاية

لما متلاقيش اللي أنت عاوزه أعمل المتاح , الحياة مش عادلة وعمرها ما كانت عادلة ولا هتبقى عادلة , حتى لو سعيت وعملت كل اللي عليك مش لازم توصل للي نفسك فيه , عشان كدا اوعى تقف اتعامل مع المتاح وحاول في اللي نفسك فيه بس اوعى تقف عشان ملقتش اللي نفسك فيه .

يا صديقي لو شوفت مني تصرف بعيد عن شخصيتي اللي انت عارفها كويس متزعلش مني ، أحياناً ضغوط الحياة لما بتدوس علينا بتحولنا تحول مؤقت لنسخه مؤقته هتاخد وقتها وتروح ، شويه الضعف أو العصبيه أو سوء الظن هي مراحل لحظيه مش انت المقصود بيها ولا السبب فيها ، صديقك مش جبل بس مستحمل كتير لكنه في نفس الوقت زي ما هو متغيرش ، ولو شوفت فيا شئ متعرفوش من فضلك اكرمني بحسن ظنك

رحم الله شهداء الاهلي لن ننساكم ، 74 شهيد فى قلوبنا للأبد ⁦.

مفيش أسوء من إنك تبقي متعشم في حد و يخذلك بيبقا شعور وحش أوي يعني مثلا تبقي مستني رد فعل معين و تبص تلاقي رد فعل تاني عكس المتوقع و ترجع تحاول تاني تقول يمكن كان فيه سبب او مش واخد باله فيديلك صدمة و خيبة أمل اكبر من اللي قبلها و ندخل في دوامه بقي .

و لَقَدْ يَسَّرنَا القُرٱَنَ للذِكَرِ فَهَل مِن مُذَكَرٍ ' •
«@ELZAKkRr»

مش سهلة خالص فِكرة إن الشخص يعافر ويجاهد نفسه عشان يتعايش مع وضع هو مُجبر عليه، وضع لا يملُك فيه رفاهية الاختيار .. لإن الحقيقة هو ما كانش فيه خيارات عشان يقرر أو يختار ما بينهُم، هو لقى نفسه مرة واحدة بيتفرض عليه واقع مُعيّن ومطلوب منّه يعيش ويتعايش مع الوضع دا من غير أيّ اعتراض!

متحاولش تليق بالعافية على ناس مش شبهك مش هتعرف تليق ، متحاولش تليق على اماكن مش دافية على قلبك مش هتليق ، متحاولش تعيش طريقة مش لايقة على روحك مش هتليق اللي مش بيليق على عفويتك من الأول عمره ما هيليق عليك بعدين ، اختار اللي اللي لايق على كيانك ده أحلى نصيب وعزوة ليك .