🚀 Қазақстандықтар «Жұмысшы мамандықтар қаласына» бара алады ✍️ 2025 жылғы 11-15 ақпан аралығында Мемлекет басшысы жариялаған Жұмысшы мамандықтарының жылы аясында елордада «Жұмысшы мамандықтар қаласы» фестивалі өтеді, деп хабарлайды Оқу-ағарту министрлігінің баспасөз қызметі.
🧑🏼🏭 Ертең сағат 11:30-да Жұмысшы мамандықтар қаласы ресми түрде іске қосылады. Фестиваль болашақ мамандардың, жұмыс берушілердің, техникалық және кәсіптік білім беру ұйымдарының өзара ынтымақтастық алаңына айналады.
🔺 Фестиваль қонақтары: тау-кен ісі, металлургия, машина жасау және көлікшілер, аграршылар мен су, құрылыс, құтқарушылар, өрт сөндірушілер бұрышын және болашақ мамандықтар бойынша тақырыптық көшелерді аралай алады.
🌐 Бірнеше күн бойы семинарлар, мұнай және энергетика өнеркәсібі тақырыптары бойынша хакатон, мамандықтар шеруі, бос орындар жәрмеңкесі, стартаптардың тұсаукесерлері, машина жасау бойынша шеберлік сыныптары, концерттер, халықаралық аккредиттелген колледждердің тренингтері және т. б. өтеді.
📚 Фестивальді ұйымдастырушы - Қазақстан Республикасы Оқу- ағарту министрлігі.
⏰«Жұмысшы мамандықтар қаласы» фестивалі күн сайын сағат 10:00-ден 18:30-ға дейін Астана қаласы Мәңгілік ел даңғылы, 53/1, «EXPO» халықаралық көрме орталығында өтеді.
