group-telegram.com/tealkramm/326
Last Update:
انتمائي كربلائي مدرستي المجالس
علموني خرجوني من صف العوابس
عاشك امن الزغر قلبي يلهب جمر
------------------------------------------
من مدرسة عباس علمني كلمه
كال اليحب احسين مايطفه دمه
هواالعشكله انسان هم يعشك اسمه
بس اليحب حسين اعتبره زلمه
كله نخوه وعشكه يسوه كلبي بشوكه هايم
انه عشكه وكلي حركه ويسموني خادم
من ادك عل صدر
-----------------------------------------
عل زهره والمضلوم لتكفه دمعك
مالك شغل بل ناس لا لايهمك
باجر ترى الزهراء ماتنسه اسمك
اكسر ضلع بل روح خليني اسمعك
انه خادم والماأتم صارت كلشي عندي
للمدارس للمجالس ماخذ بيدي ولدي
انه بيها افتخر
----------------------------------------
من تخلص اي حبوك اهل ال نبوه
هناك الحسن مولاي يضيفني كهوه
خدمت شرف ياناس متروسه نخوه
هوا العشك لحسين صدكني يسوه
للقيامه بلاندامه مااغير قضيتي
انه هايم بل هواشم مكتوب بهويتي
ابقى ناذر نذر
-----------------------------------------
ها يلخدمت احسين الله يحبك
من كوثر الزهراء باجر تشربك
بيها اقترب ل الله هيه التقربك
من بين االوف الناس خادم تعرفك
الله يدري هذا عمري مايكفي الحظرتج
دمعاتي مولاتي كلي انه بخدمتج
قصرت اعتذر
-----------------------------------------
-----------------------------------------
من الزغر لحسين ناصب عزيه
للزهره اضل مطلوب حد المنيه
لوقصرت فد يوم عن العزيه
جني حركت اخيام بل غاضريه
بل خدمته والعشكته قافل علقضيه
انه خادم وابقى خادم للزهره الزجيه
بل عزاء انتصر
---------------------------------------
والمايحب حسين شله بحياته
لايعتقد فديوم توصل صلاته
ناقص قلب وتشوف خله بصفاته
مثل الوهم شتصير كل امنياته
هذا ديني وكل يقيني وحسين ونعمته
ابقى صادق عل خلايق وتباهه بخدمته
للغريب انتظر
-------------------------------------
محمود الساعدي
BY محمود الساعدي
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/tealkramm/326