#бэлиэкүн

📱Олунньу 6⃣ күнэ – Мобильнай төлөпүөнтэн аккаастаныы аан дойдутааҕы күнэ.

📱 Бэлиэ күнү төрүттээччилэр сайдыы бу көрүҥэ киһиэхэ тугу биэрэрин уонна тугу ыларын туһунан толкуйданарга ыҥыраллар. Төлөпүөн күннээҕи түбүгү, үлэни, кыһалҕаны быһаарарга олус туһалаах эрээри, киһи этигэр-сиинигэр, өйүгэр-санаатыгар улахан охсууну оҥорорун бары бэркэ билэбит.

📱 Мобильнай сибээс киириэҕиттэн дьон тыыннаах алтыһыыны умуннулар. Киһи төлөпүөнү туттарыттан хараҕа мөлтүүрүн, этэ-сиинэ сымныырын этэ да барыллыбат. Төлөпүөн нөҥүө ылар информациябыт киһи психикатын ыһара, уутун көтүтэрэ эмиэ мэлдьэх буолбатах.

📱Төлөпүөнү сүтэрдэххэ, умуннахха, ''номофобия'' диэн аныгы ыарыы көстүүлэрин кытта көрсөр буоллубут.

📱 ''Мобильнай төлөпүөнэ суох күн'' диэн аахсыйаны 2001 с. француз суруналыыһа уонна суруйааччыта Фил Марсо көҕүлээбитэ.

📱Бэлиэ күн саатар киэһээҥҥи кэмҥэ төлөпүөҥҥүн дьалты ууран, сынньан, чугас дьоҥҥун болҕой, тыыннаах алтыһыыттан дуоһуй.

✍ Уйаара КУСТУК

✅ @uamurusahargata

❗️ По материалам проверки прокуратуры Усть-Алданского района возбуждено уголовное дело о хищении бюджетных средств при выполнении работ по ограждению территории центра досуга - комментарий старшего помощника прокурора республики по взаимодействию со СМИ Марианны Рожиной

🌕 Бүгүҥҥү билгэнэн: халлаан аҕыйах сулустаннаҕына – ☁️☁️ былытырар, ❄️❄️❄️ хаардыыр диэн. Билигин халлааны хантайан көрдөххө, ☁️☁️☁️былыт баар сибикитэ биллибэт🤷‍♂️, арай хотугулуу-арҕааттан сөкүүндэҕэ 2-4 миэтэрэ түргэннээх тыал, буруону унаардыбакка соҕуруу иэҕэр. Хата халлааммыт тыалырбакка, силлиэрбэккэ, аҥардас бүтэй тымныылаах буолан абырыыр🤗 Атын сирдэргэ Сахалиҥҥа, Ростовка, Ханты-Мансийскай авт. уокурукка ❄️❄️❄️ хаардаан, силлиэрэн хаарга көмүллэн эрэллэр🫣

Бүгүн хайдах күнүй ☀️ да, саас оннук буолар. Онон бүгүҥҥү күнү кыраҕытык кэтиибит😅 Аны быстахтык 🌤️🌤️🌤️ былытырдаҕына – сотору сылыйыахтаах🤗 Күннээх☀️, ыраас күн буоллаҕына – саас көхтөөхтүк кэлиэхтээх👍Тыалырдаҕына,силлиэрдэҕинэ – сайыҥҥы үүнүү мөлтүүр🙈, сааһа ☁️☁️☁️ былытыран бүдүө-бадыа буолан, төһүөтэхтээҕи дойдуну санатыахтаах😫 Чуумпу күн буоллаҕына – от ыйын иккис аҥаара ардаабат, тыалырбат, кураан буолар🥵 Ый 🌕чараас былыт быыһынан араас өҥүнэн иилэннэҕинэ – 1-2 күнүнэн ❄️❄️❄️ хаардыахтаах этэ даҕаны, халлааҥҥа биир итир былыт суох🫣

Хайдахтаах да күнү-дьылы билиммэккэ, арай күн☀️уһуура тэтимирэр👍 Күн уһааһына алталыы мүнүүтэнэн барда👏 Бүгүн 2 чаас 52 мүнүүтэ буолла😅

Олунньу ый

Олунньу ыйбыт таайтарылаах,
Одун Хаан таҥаралаах,
Улуу, модун диэн өйдөбүллээх,
Олус Ытык төрүттээх.

Өбүгэбит өркөн өйдөрүнэн
Үгүһү мындырдык билэллэрэ,
Өҥ-кураан сайын буоларынан
Эрдэттэн билэннэр дьаһаналлара.

Олунньуга сайыны билгэлииллэрэ,
Айылҕаны күннэтэ кэтииллэрэ,
Ый,үргэл көстүүтүн маныыллара,
Уу-хаар тахсарын быһаараллара.

Ардахтаах сайынтан үөрэллэрэ
Отторо үгүөрүтүк үүнүөҕүттэн,
Уйгулаах быйаҥтан тиксэллэрэ
Оту өлгөмнүк оттооннор.

✍️ Иннокентий Попов. Суотту

✅ @uamurusahargata @ulusmedia

🏆 Олунньу 7-9 күннэригэр Чурапчыга «Манчаары оонньуулара» XXII республикатааҕы чемпионакка мас тардыһыытыгар сүүмэрдиир бастакы квалификационнай күрэхтэһии буолар. Бу турнир Гаврил Десяткин – Күүстээх Дэһээккин кэриэһигэр ананна.

Тэрийээччилэр иһитиннэрбиттэринэн, барыта 507 киһи 30 улуустан, киин куораттан кыттарга сайаапкалаан, туһугар бэйэтэ рекорд буолбут!

Күрэхтэһии эр дьоҥҥо, дьахталларга уонна ветераннарга диэн категорияларынан ыытыллар.

Турнир түмүгүнэн “Манчаары оонньууларыгар” 10 путевка эр дьоҥҥо уонна 6-лыы путевка дьахталларга уонна ветеран эр дьоҥҥо оонньонор. Итини таһынан кыайыылаахтар Саха сирин сүүмэрдэммит хамаандатыгар киирэн, Россия чемпионатыгар кыттыахтара, онно ситиһиилэннэхтэринэ, салгыы Европа чемпионатыгар кыттыахтарын сөп.

Уус Алдан улууһуттан бу улахан күрэхтэһиигэ 31 спортсмен кыттар. Кинилэр кимнээҕий?
⤵️
БАТТАА

Күрэхтэһиини «Саха» НКИХ «Мамонт» ханаалыгар, «ВКонтакте» социальнай ситимҥэ страницатыгар уонна мобильнай сыһыарыытыгар быһа эфиргэ көрдөрүөхтэрэ.

✅ @uamurusahargata @ulusmedia