group-telegram.com/viasna_brest/3195
Last Update:
⚡️Тэлефон берасцейскага прааваабаронцы Вялічкіна з верасня 2020 года праслухоўвалі сілавікі. Гэта было агучана падчас суду над вясноўцамі ў Менску
Як паведамляе «Вясна», скончылася вывучэнне пісьмовых матэрыялаў справы. З іх стала вядома, што яшчэ ў верасні 2020 года ГУБАЗ пачаў «аператыўную распрацоўку» кіраўніка берасцейскай філіі «Вясны» Уладзіміра Вялічкіна. Тэлефон праваабаронцы праслухоўваўся сілавікамі, і на судзе агучылі зместы ягоных размоваў. Таксама ГУБАЗ устанавіў назіранне за праваабаронцам, а пазней і відэакамеру ў офісе філіі.
Нагадаем, што ў Менску ідзе суд над чатырма вясноўцамі. Трое з іх былі затрымані ў ліпені 2021 года і дагэтуль застаюцца пад вартай (гэта старшыня ПЦ «Вясна» Алесь Бяляцкі, Валянцін Стэфановіч і Уладзь Лабковіч). Таксама завочна судзяць вясноўца Дзмітрыя Салаўёва.
Сачыць за храналогіяй суду можна па спасылцы: 👉 https://spring96.org/be/tags/1322
BY Вясна | Брэст
Share with your friend now:
group-telegram.com/viasna_brest/3195