Сёння, 10 лістапада, у Вільні, на Плошчы Вінцаса Кудзіркі, мы сабраліся, каб ушанаваць памяць Рамана Бандарэнкі, які аддаў сваё жыццё за свабоду Беларусі.

12 лістапада 2020 года ў Мінску рэжым забраў жыццё Рамана, якому быў ўсяго 31 год. Яго апошнія словы: «Я выходжу!» сталі сімвалам супраціву беларусаў перад жорсткасцю ўлады.

Мы ўшанавалі не толькі памяць Рамана, але і ўсіх, хто стаў прыкладам самаахвярнасці і стойкасці ў барацьбе за свабоду Беларусі, якая знаходзіцца пад акупацыяй лукашыстаў.

Падчас мерапрыемства да прысутных звярнулася лідарка дэмакратычнай Беларусі Святлана Ціханоўская.

Гучалі вершы і песні, запалілі свечкі ў памяць аб героях. Гэтая акцыя стала выяўленнем адзінства, салідарнасці і глыбокай памяці аб нашых героях.

Героі не паміраюць — яны жывуць у сэрцах людзей, натхняючы на працяг барацьбы.

Беларусы не змоўкнуць. Мы не забудзем тых, хто ахвяраваў сабой у барацьбе за свабоду, праўду і чалавечую годнасць.

Памятаем. Шануем. Змагаемся.

🤍❤️🤍 Жыве Беларусь!