group-telegram.com/Fadfadah98/11215
Last Update:
هذا الصباح❤️
لكل شخص بيحط آمال كبيرة وطاقات مهدرة في سبيل تغيير شخصٍ ما ولسه عنده أمل يلاقي احتياجاته عنده في يوم ..
عايزة اقول ليك بما انو إحنا على أعتاب نهاية السنة ، فانت محتاج تاخد عهد جديد مع نفسك تبطّل تتعشم كتير وترفع سقف توقاعتك وتستنى حاجات بديهية -انت بتستحقها- كان الأولى أنها تجي من أول فرصة واول طلب صريح منك.
يخوانا الـ بيحبّ بجد ومُهتم بيعرف دايماً يوصّل محبّته ،بيعرف يعبّر بطريقته الخاصة، بتكون قادر تشوف بعينك محاولاته عشانك.
بس معليش نعترف انو أحياناً يلزَمنا نعلِّم القدامنا كيف يحبّنا ؟ و صح جداً انو الاهتمام بينطلِب ساعات كتيرة ولو على نكهة عتاب.
إحنا نعلّم اللي معانا مرة واتنين
ندي فرصة مرة واتنين
مالو ؟ بس ما نزوّد !
لأنو الحقيقة اللي محتاجين ندِركها انو ماف شخص بتغير الا لم يقرر هو انو حيتغير √
= ليه؟
عشان ضريبة التغير دايماً ألم
ومشقة وعدم استقرار لفترة من الزمن بسبب خروج الواحد من منطقة راحته( comfort zone) .
بس كله بيهون في الاخر لم يكون في محبّة صادقة من القلب ♡.
لكن مدام ماف نتيجة ودايماً الفرص اللي بنقدمها بتدينا نحن وجع فيبقى الأهون انو نبطل ونوفر الطاقة دي لنفسنا ؛ لأنو إحنا اولى بيها والله .
#على_الهامش
" البيحبك مابيأذيك
والعايزك بيعرف دربك
والباقي عليك بيحافظ عليك ومابيفرط فيك
واللي بيهمه أمرك مابتسأله من الاهتمام
واللي خاتي ليك مكانة في حياته بيحترمك ويقدرك ."
وبس كدة♥️.
#تنزيل_صابر.
- إعاده نشر مع التعديل .
BY It's Tanzeel ♡.
Share with your friend now:
group-telegram.com/Fadfadah98/11215