group-telegram.com/arhiv_nvk_sakha/1837
Last Update:
«Оһуор» үҥкүү быстыбат ситимэ
Бүгүн Мэҥэ-Хаҥалас улууһун, Саха сирин киэн туттуута «Кыталык» үҥкүү ансаамбыла төрүттэммит күнэ. 45 сыл анараа өттүгэр, саҥа үөрэҕин бүтэрэн кэлбит Василий Винокуров Майа эдэр ыччатын түмэн, сахалыы тыыннаах үҥкүүлэри туруроран, күн бүгүҥҥэ диэри айымньылаахтык үлэлии сылдьарыттан астынабыт.
1979 сыллаахха саҥа тэриллибит айар түмсүүнү «Кыталык» диэн Саха АССР культуратын үтүөлээх үлэһитэ Алексей Леонтьевич Попов сүрэхтээбитэ. Оттон ансаамбыл үтүө сүбэһитинэн, чугас доҕорунан буолбута Саха АССР үтүөлээх артыыһа Иоаким Дмитриевич Избеков. Кини көмөтүнэн «Оһуор үҥкүүтэ», «Буойуҥҥа уһуйуу», «Хотугулуу үҥкүү», «Кыталык үҥкүүтэ» туруоруллубуттара, ССРС уонна Россия араас куораттарын, элбэх омук дойдуларын көрөөччүлэрин биһирэбилин ылбыта.
«Кыталык» солбуллубат уус-уран салайааччыта Василий Павлович олоҕун аргыһа Александра Гаврильевнаны кытта тоҕус көлүөнэ ыччаты кэрэ эйгэтигэр сыһыаран, «Российскай Федерация үтүөлээх коллектива» ааты ылары ситиспиттэрэ элбэҕи туоһулуур.
«Кыталык» уҥкүү норуодунай ансаамбыла, өссө да өр сылларга, үрдүккэ дайа турдун диэн сахалыы уруйдуубун-айхаллыбын!
BY Архив НВК САХА
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/arhiv_nvk_sakha/1837