group-telegram.com/dzianisivashyn/2286
Last Update:
1⃣2⃣7⃣5⃣ дзён у палоне. 4⃣ дні без 💌.
Турма №8 Жодзіна, строгі рэжым!
У сьвежым лісьце да маці Дзяніс Івашын напісаў, што атрымаў ад бацькоў шэраг фотаздымкаў, якія я і бацькі для яго рабілі, а таксама ў стос патрапілі нашыя зь ім сямейныя фотаздымкі. Ня ведаю, якія дакладна, мяркую, штосьці з нашага вясельнага падарожжа, а можа й з самога вясельля.
Гэтыя радкі натхнілі мяне таксама перагледзець сямейны фотаархіў, узгадаць цёплыя шчасьлівыя моманты.
Найбольш прывабіла мяне гэтае фота, зробленае ля Вострай Брамы ў Вільні. Дзяніс тады зладзіў для мяне экскурсыю па нашай колішняй сталіцы, распавёў шмат цікавых гістарычных і міталягічных гісторый пра места і яго жыхароў і нарэшце, завёўшы мяне на гару Трох Крыжоў, зрабіў прапанову стаць ягонай жонкай...
А вось да нашай Нябеснай Маці, абраз якой вы бачыце на здымку вышэй за нас, мы патрапіць не змаглі. Праход быў часова зачынены ў час сустрэчы з папам рымскім. Таму гэтае мейсца засталося не адведаным намі. Мару пра той дзень, калі мы зь Дзянісам урэшце разам ўздымемся на Вострую Браму!
Барацьба за вызваленьне краіны трывае!
НАША ВОЗЬМЕ!
#FreeIvashyn #FREEPOLITICALPRISONERSINBELARUS
BY Дзяніс Івашын (Dzianis Ivashyn)
Share with your friend now:
group-telegram.com/dzianisivashyn/2286