حسام عبد العزيز

العصاة أيام النبي صلى الله عليه وسلم كانوا شكل تاني خالص فلازم قبل ما تطبق أي حديث سمعته تفهم اللي هاقوله ده:

العصاة أيام النبي كانوا في الغالب مستترين.

مش هاتلاقي أيام النبي - صلى الله عليه وسلم- واحدة بترقص قدام الرجالة ولما الناس تقول لها حرام تقول لهم ماعملتش حاجة غلط وكنت فرحانة بتخرجي وايه المشكلة؟! ما كل الناس بترقص!

عشان كده هاتلاقي واحد جاي يعترف بالزنا عشان يقام عليه الحد ويتطهر. ومع ذلك النبي يرجمه ويقول للناس استروا نفسكم.

عشان كده هاتلاقي واحد باس واحدة فراح للنبي ندمان وطمعان في التوبة.

عشان كده هاتلاقي اللي لبس خاتم دهب ماقدرش يوطي على الأرض يشيله بعد ما النبي رماه.

أما العصاة اللي ماكانوش بيعرفوا يستتروا زي الرجل اللي كان كل شوية يشرب خمر، فده كان بيتجلد. وماكانش بيقول أنا بحب الخمرة وهاشربها. كان بيتجلد وهو مكسوف من نفسه. عشان كده النبي كان بيتدخل لما حد بيلعن شارب خمر أو زاني. لأنه مجرد واحد عاصي ومعترف بذنبه. مايستحقش اللعن خصوصا إنه أقر بذنبه وأخد جزاءه.

أما النوع اللي بيعصي وبيتفاخر بمعصيته ده فمكانش موجود أيام النبي إلا في الكفار. حتى المنافقين كانوا لما لسانهم بيفلت بيكذبوا ويقولوا كنا بنهزر. ماكناش نقصد.

فاحنا يا جماعة بنتعامل مع أبجح خلق الله. اللي هو أنا عملت المعصية وهاعملها ومش مسامحاكم كمان قدام ربنا. لا يا شيخة! يا بجاحتك! ربنا اللي مش هاتسامحي الناس قدامه هو اللي أمرك تستري نفسك وماتتبرجيش.

النوع ده مش مجرد عاصي. ده مجرم مفسد بيجاهر بمعصيته وبيشجع غيره وبيستدعي التضامن على المعصية وبيقول للمسلمين انسوا حاجة اسمها النهي عن المنكر وحطوا لسانكم في بؤكم.

www.group-telegram.com/kr/hossword.com/347

16.8K viewsJul 4 at 02:32

العصاة أيام النبي صلى الله عليه وسلم كانوا شكل تاني خالص فلازم قبل ما تطبق أي حديث سمعته تفهم اللي هاقوله ده:

العصاة أيام النبي كانوا في الغالب مستترين.

مش هاتلاقي أيام النبي - صلى الله عليه وسلم- واحدة بترقص قدام الرجالة ولما الناس تقول لها حرام تقول لهم ماعملتش حاجة غلط وكنت فرحانة بتخرجي وايه المشكلة؟! ما كل الناس بترقص!

عشان كده هاتلاقي واحد جاي يعترف بالزنا عشان يقام عليه الحد ويتطهر. ومع ذلك النبي يرجمه ويقول للناس استروا نفسكم.

عشان كده هاتلاقي واحد باس واحدة فراح للنبي ندمان وطمعان في التوبة.

عشان كده هاتلاقي اللي لبس خاتم دهب ماقدرش يوطي على الأرض يشيله بعد ما النبي رماه.

أما العصاة اللي ماكانوش بيعرفوا يستتروا زي الرجل اللي كان كل شوية يشرب خمر، فده كان بيتجلد. وماكانش بيقول أنا بحب الخمرة وهاشربها. كان بيتجلد وهو مكسوف من نفسه. عشان كده النبي كان بيتدخل لما حد بيلعن شارب خمر أو زاني. لأنه مجرد واحد عاصي ومعترف بذنبه. مايستحقش اللعن خصوصا إنه أقر بذنبه وأخد جزاءه.

أما النوع اللي بيعصي وبيتفاخر بمعصيته ده فمكانش موجود أيام النبي إلا في الكفار. حتى المنافقين كانوا لما لسانهم بيفلت بيكذبوا ويقولوا كنا بنهزر. ماكناش نقصد.

فاحنا يا جماعة بنتعامل مع أبجح خلق الله. اللي هو أنا عملت المعصية وهاعملها ومش مسامحاكم كمان قدام ربنا. لا يا شيخة! يا بجاحتك! ربنا اللي مش هاتسامحي الناس قدامه هو اللي أمرك تستري نفسك وماتتبرجيش.

النوع ده مش مجرد عاصي. ده مجرم مفسد بيجاهر بمعصيته وبيشجع غيره وبيستدعي التضامن على المعصية وبيقول للمسلمين انسوا حاجة اسمها النهي عن المنكر وحطوا لسانكم في بؤكم.

BY حسام عبد العزيز